Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Heberu 11:4 - Iaai Bible 1901 (New Caledonia)

4 Hnen labageju Abela ame hudo ka Khong hut ae nua hon hut anyi Kaina, me adre me ohnathoâ e hnen e a e wisa, ke Khong ame ohnathoâ ge anyin je bwihlany: a mok ut e, kʼ ame fuc bala bi hnen e.

အခန်းကိုကြည့်ပါ။ ကော်ပီ




Heberu 11:4
21 ပူးပေါင်းရင်းမြစ်များ  

Ke e ame ha, ka habe, Ieû e u je ânyâ? ame tönge könya ifucin dren kem ûnyi hnyi kânâ.


Haba Iehova ame ha kâu, ka habe, Anyin a wale, haba at ame he ka hlingö Kaina, me, adre me he ka ibi oseven bi hwaban hmetu kâu, Ke haba Iehova ame bi hatö Kaina, wâ e nye hlingâ hnen ke at ame he ka wâ e.


Ke Adamu ame khana hmetu âiân; me e ame hnokoâ da, me hwenyi ien Setha: anyin a haingen, A hia but Khong ham könya ke mâtrân hwabö Abela; anyin a hia but Kaina hlingâ.


Ke Kaina ame thumetu Abela a keiny. Ke tiga ödru hnyi ta hnyei haba Kaina ame tot kö Abela a keiny, me hlingâ.


Me ame kolu but meic hlögu Iehova, me thong hudiny leû, me je utö me veto, me kânâ, me ame cem degecâ minya köiö hnyi thop.


Hawa, ödrin e ca he ka nö u, me thu köu, Me ha je hofuc ûnyi eû hnyi je hnyekudrin?


Hmiö Iehova hut anyin tavat ae kong; Ke e ame senyin ge hic hijin at ae wisa.


Ûnyi ae ikiki hut anyin at ae kong: Ke beönua monuiny, e ka hom e me ûnykûmenen ae kong.


Ke ame he but meic ûheny ûnyi Iehova me le avâ hudiny leû, me pipikhenya hon taben hut; ke a wâ but e ge tavat hia, me adre me hongot, me ta ju hnyikânâi.


me ame he ka o but köbun dra ae wisa hia adre hingâlâ eang hmeledrany, hwân ge dra drö Abela at ae wisa, ke ne o but ka dra dro Zakaria nöku Barakia, waleji öbun e hlingâ hnyi wanben uma kap me taben hut.


hwân ge drö Abela ke ne o but ka dro Zakaria, at adre me hlingâ hnyi wanben taben hut me dok ae kap: eke, inya oge me ha köbun, adre me he ka hnö e unyin dö ang.


Adre me labö ha, ka habe, e khanʼ ödra but Khong; ke adre me ivi-nöâ e bi ge anyidra ta je huliwa, ke ödra tavat ikiki, me ca ûling, ke ba ke huliwa a khaca ae so a ödra ûcû ka hnyin.


ANYIN a wale ame tet igigili öta tavat ohnatho a ödra se hia, me so ate me he minya ka hna degecâ ta je hmak hia, me hulo, wale at ame ohveli öta, ke ate me he ka wadring me hokhnyokâ ûölogot a e hnyi hnyimaköta,


ke kö Iesu at ame ûsoköuâ hnyi ûhihinyköu ae teb ûnyi, ke ka hnyi dra hnân dukâiâ, kʼ ame ha ta je ûnyi ae nua hon drö Abela.


ANYIN a haba tavat bihut hia ae nua adre ûca unyin tavat, me adre otilâ hobi kâu tavat hnyi ta je ûnyi anyin Khong, me me he ka hudo ta je bwihlany me ta je hut can ta je hulo:


Ke wakhalet thiju ta je ûnyi adre me ca obosoâ ge dra hnyi hnanyibu, ke ba minya hna thang ut hulo e ka ca hingölö dra.


(anyin a haba at e ae wisa hwakecin, me ame tha laba mʼödra, me wâ, me löng, me ohmâkâ hnyekon ae wisa hnyi je bong ge anyidra ta je huliwa ame hanyâûâ hnanyibu):


E köiö gadra! anyin adre me vheno gethen de Kaina, me patrutrua ka hnyi monu anyi Balaama hnân hwaban, me mok hnyi ivinö anyi Kora.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ