Heberu 11:32 - Iaai Bible 1901 (New Caledonia)

³² Ke ieû hmetu oge me he ka ha? anyin ae ca ûcû bi ûen könya he ka haiö Gideona, me Baraka, me Samasona, me Jefetha, me Davita, me Samuela me ta je perofeta:

Heberu 11:32 ပူးပေါင်းရင်းမြစ်များ

Salamo 99:6

E bi Mose me Arona unyin anyin tavat bi hut, Me Samuela unyin tavat adre me hawâ ien; Ödrin e hongot kö Iehova, ke e ame thu ködrin;

Jeremia 15:1

HABA Iehova ame ha könya, ka habe, Eja ke ne a ne tot Mose me Samuela hnyi hnyimakök, oge me ca he ka hnyok ka tavat ang: obʼ ödra but gak, mʼ adre me he but.

Mataio 5:12

Senyin dʼ öbun me hobâ: anyin ae gan hmâ hwaböbun ethö hnyi drany; anyin a helâe adre me ovecâ ta je perofeta a bân.

Luka 13:28

Adre me he ka tenge eling, me ûgiö ganyudra, wale öbun ka he ka ö Aberahama, me Isaaka, me Jekob, me ta je perofeta hia thithö hnyi dokhu dokhon Khong, ke adre me he bi ka obʼ öbun.

Luka 16:31

Me haingen kâu, ka habe, Ödrin e ne ca ling Mose me je perofeta, me ödrin e ca he ka hmehmela e ka möt hmetu thö ke at ûnyi hnyi hna mok.

Ioane 21:25

Ke se hia hmonyin minya bi ta je ûnyi a mâdrâ Iesu, ke adre ne tha sihnalimen hia, oge me ûnykûme e ca ûcû bi hmeledrany ka ta je tusi adre me he ka sihnalimen.

Ta je huliwa 10:43

Ame ohnathoâ gan hnen ta je perofeta hia, a adre me he ka thang degecâ but ta je hulo hia anyin tavat adre me labageju kâu, ûnyi hnyi ien.

Ta je huliwa 13:20

ke hwaban e, e ame ham tavat owisa kodra ke ne o but hnyi ûö Samuela perofeta.

Ta je huliwa 3:24

Eke, haba ta je perofeta hia hwân ga Samuela me tavat minya a bilidra, a ödra hia adre hia, but khetâ, me ödrin e ha minya ge je bong ang.

Roma 3:5

Ke a ne hnân omanenâ hwakecin Khong ae wisa hnen hwakecita ae ca wisa bi, ieû ate me he ka ha? Hawa, e ca wisa hwakecin Khong, at ame bi hwaban ge hmonyin? (Inya oge me fuc helâ me at.)

Roma 4:1

ANYIN a wale, ate me he ka ha ieû ame wâ hnö Aberahama a kamöta hnyi unyin!

Roma 6:1

ANYIN a wale ieû ate me he ka ha? Hawa, ate me he bala ka laba hnyi hulo, me me gan hmâ but ibetengiö baû?

Roma 7:7

Anyin a wale ieû ate me he ka ha? E monu hnanyibu? Ohe. Ke so bi a ne ba hnanyibu mʼ oge me ne ca he ka wâ ûnykûme hulo: a ne ca ha bi hnanyibu, ka habe, U ca behnyekon, me ca khanö nya bi behnyekon:

Iakobo 5:10

Hnyat me lakeiny lö, hom dö je perofeta hnân tulut köbun hnyi vec me hok hnyok, waleji tavat adre me ha hofuc hnyi ien Than.

II. Peteru 1:21

Anyin ame ca o ke hna perofeta ehac ûnyi hnyi weny at, ke ame ha tavat ûnyi ge Khong, ke a huliwan je hnyekudrin hnen Hanu Kap.

II. Peteru 3:2

mʼ öbun e he ka ûnykûme thö ta je hofuc a bân hwan ta je perofeta ae kap, me hnanyibu anyin Than At ûhomeli a deny anyibun ta je aposetolo:

Owisa 13:24

Ke haba momo ame hnokoâ da me hwenyi ien Samasona: ke ame gan tot wanakat, ke haba Iehova ame ohnahicâ e.

Owisa 15:20

Ke e ame owisa ka at Isaraela hnyi ûen at Filisiti twente je huna.

Owisa 4:1

KE haba lakon Isaraela adre me ânyâ hmetoâ ûnyi ae kong hnyi hnyimakö Iehova, ke a mokcu Ehuda.

Owisa 6:1

KE haba lakon Isaraela adre me ânyâ ûnyi ae kong hnyi hnyimakö Iehova: me Iehova ame hnʼ ödra ka hnyi hnyamen at Midiana hnyi je huna a seven.

Owisa 6:11

Ke ame o but angela anyi Iehova, me laba hmelen iwajo anyi Joasa at Ahiezera hnyi Ofera: ke haba Gideona a nokon ame kokot hwit hnyi hna hlec vine, he ka ikhâlâ e ge at Midiana.

Owisa 6:14

Ke haba Iehova ame wâ e, me ha, ka habe, He thö me tang hwegiâm eang me omelö at Isaraela ûnyi hnyi hnyamö Midiana: hawa, oge me ca kunö u?

I. Samuela 1:20

Ke a hwâdâ thö ûen me ame erkin dut Hana, me e ame hnokoâ da, me hwenyi ien Samuela, ame ha, ka habe, anyin oge sumâtâ ga Iehova.

I. Samuela 12:11

Me haba Iehova ameʼkunö Jerubaala me Bedan, me Jefetha, me Samuela he ka omeli öbun ûnyi hnyi hnyamen je iwahnaihmiony möbun igigilo, ke öbun e laba hnahic ut.

I. Samuela 16:1

HABA Iehova ame ha kö Samuela, ka habe, U me he ka tengiö Saulo ke ne o but kehö anyin oge me degecâ me me ca muso at Isaraela? Öunöngötâ thö ânyâm faoiny meno ge wakaco, ke he thö, me oge me he ka kunö u kö Jese at Bethe-leema: anyin a oge hia but penapena ke than hobi könya unyin lakon.

I. Samuela 16:13

Ke haba Samuela ame hom faoiny wakaco, me hû e hnyi wanben je liamekeiny mē: me ame o hwege hanu Iehova hu Davita hwân hnyi bong eling. Me Samuela ame tot me he Rama ai.

I. Samuela 17:45

Ke haingö Davita ka at Filisiti, ka habe, U me o könya me hele vat, me ö, me ö a telat; ke inya oge me o köu hnyi iö Iehova tuhan sabaoth, Khongon je utbavat anyi Isaraela, wale u je hia but humbasö.

I. Samuela 2:11

Me haba Elekana ame he Rama ai ka hnyi hnyaban. Me wanakat ame bi athnyaba Iehova hnyi bnyimakö Eli at bihut.

I. Samuela 2:18

Ke Samuela ame bi athnyaba hnyi hnyimakö Iehova, ke e tiga wanakat, kʼ ame weikâ iefoda lino.

I. Samuela 2:4

A hmetru thö je cafana anyin tavat ae hwege, Ke adre oweikâ tavat ame haû ge tang hwege.