Heberu 11:3 - Iaai Bible 1901 (New Caledonia)

³ Ate me wâ hnen labageju a gʼ adre me ânyâ ta je ûnyi hia thithö hnen hofuc hwan Khong, me adre me ca op ta je ûnyi adre me wâ ûnyi hnyi ta je ûnyi ae manen.

Heberu 11:3 ပူးပေါင်းရင်းမြစ်များ

Genese 1:1

HABA hnyi can Khong ame op drany me hmeledrany.

Salamo 33:6

Adre me op drany ge hofuc ho Iehova; Ke ta je ûnyi hia hnyin ge homenâiny hnyimen.

Salamo 33:9

Anyin a e ame fuc, me ame aat: E ame hûna, me ame tethmâ.

Isaia 40:26

Bwela thʼ öbun goranyai, me wâ, ia op ta je ûnyi e, ke ame su anyidra ta je dö hnyi ûseidra: e ame ve hawâ ta je iödra hia thithö; ke haba hnyi ûganiny maniny man, ke can hwegien ae gan, me ame ca hia bi khaca.

Jeremia 10:11

Walang hnobun hna he ka ha kodra, ka habe, Haba ta je khong wale adre ca op drany me hmeledrany, ame he ka hiʼ ödra eang hon kânâ hia; me hnyi hmeledrany.

Jeremia 10:16

E ca helâe jekhoû Jekob: anyin a e at ame op hia; ke Isaraela tribuiny jekhon: Iehova tuhan sabaoth ien.

Ioane 1:3

Adre me op ta je ûnyi hia thithö a deny e; ke ba ûnyi adre hia but op, a gʼ adre ca op gan.

Ta je huliwa 14:15

ka habe, je than lö, ieû gabun öbun e ânyâ je ûnyi e? Ohmu li at ang helâ me öbun, öhme hom köbun ûthumetu ae so, mʼ öbun e he ka hna degecâ ta je ûnyi e ae ûuyi baû, me hwio ka Khong ae möt, at a op drany me hmeledrany me köiö, me ta je ûnyi hia hnyin:

Ta je huliwa 17:24

Haba Khong at ame op hmeledrany me ta je ûnyi hia eû hnyin, e thibi Tuhan drany me hmeledrany, e ame ca laba hnyin ta je uma adre ânyâ ge je hnyamen;

Roma 4:17

(helâ me hna sihnalimen, ka habe, Oge hia but wiö u hnân kamen ta je hnyei ae se hia) hnyi hnyimakan Khong, at ame omelö hmetu thö tavat adre mokcu, me hâiâ ta je ûnyi ae ba, helâke me e but ang.

I. Korinito 2:7

ke ohmun e ha metâ anyin Khong ûnyi ae iyong, waleji adre me ikhâlâ, ke a ip hnen Khong adrem ke tiga hia bi hmeledrany hnân ogânʼ öta:

I. Timoteo 4:5

anyin ame osoâ hnen hofuc hwan Khong, me hic.

Heberu 1:2

me ame ha köta hnyi je bong ang a biliny a deny Nokon, at e ame wia me atö, me me he ka hu gan ta je unyi hia thithö, kʼ ame op ta je dö hia ûnyi gan;

Heberu 6:5

me drem cubecâ hofuc ae so anyin Khong, me je maniny dö ame he ka o,

II. Peteru 3:5

Anyin ae wedra bi he ka hnying ûnyi eang, ka habe, walethö drany kâû adrem, me hmeledrany minya, waleji adre tretraoâ ge köiö ke ûnyi hnyi köiö hnen hofuc hwan Khong;

Hna Omanenâ 4:11

U thibi ae ûcû, Than a Khonguhmun, he ka kap hna ogânâ, me hna ogöranyâ, me man: anyin a u je op ta je ûnyi hia thithö, ke haba ta je ûnyi e me hobi kâu wem, ke u je op minya.