Heberu 11:23 - Iaai Bible 1901 (New Caledonia)

²³ Hnen labageju haba kamö Mose me hinyen, ödru me ikhâlâ e hnyi kun ta tehi hwaban hna hnokoâ e, anyin a ödru me wâ a e wanakat ae so; ke ödru me ca outen hnanyibu anyin than.

Heberu 11:23 ပူးပေါင်းရင်းမြစ်များ

Salamo 118:6

Hiök Iehova: oge me ca he bi nya ka ot: Ieû ke ûnyi ame he at ka ânyâ könya?

Salamo 56:4

Ge Khong oge me he bi ka ogânâ hwan hofuc: Ge Khong oge hia but labageju, kʼ oge me ca he ka ot; Ie ûnyi ae khana at he ka ânyâ könya?

Esodo 1:16

ke haingen, ka habe, Öbu ka he ka tuö erkin anyin at Heberu, me ô ʼdrin adre me he ka hnokoâ; ke ame ne baga hlingâ but: kʼ ame ne hlu, me ame he ka möt.

Esodo 1:22

Ke Farao ame hûna ka lakeiny hia, ka habe, Öbun e he ka khûâ ka hnyi wagewe je wainda hia adre hnokoâ, ke omelö ju je waindusem hia.

Isaia 41:10

awe, ca ot bi, anyin a tha inya möu; ca hlohlo bi, anyin a inya Khongom: oge me he ka ohwegiö u; eke, oge me he ka hadruo u; eke, oge me he ka ci u ge hnyamök a metök ae wisa.

Isaia 41:14

Ca ot bi u Jekob a waahnyöng, ke öbun tavat Isaraela; haingö Iehova, ka habe, Oge me he ka hadruo u; ke haba at ûhomeli u, me Kabi Isaraela.

Isaia 51:12

Inya, inya at ame otubweli öbun: u ia, at ame outen at ame he ka mok, ke nokon at adre me he ka wia me me ûcû me hna önying:

Isaia 51:7

Ling nya ju öbun tavat ae khanʼ öbun wisa, tavat ae hu anyik hnanyibu eû hnyi hnyekudra; ca he ju öbun ka outen hna haikongu öbun ge at, ke ca gāubun ge hnödra hna hlumʼ öbun.

Daniela 6:10

Ke e khanö Daniela but a gʼ adre set ut tusi, me e ame didro ka hnyi umen uma; (ke adre khong je mamalaminy hnyeuleny cico Jerusalema;) ke e ame ibi okun cibouca hnyi je bong, me hic, me ole hnyi hnyimakan Khongon, helâ me hnen bi hna labö khenenâ.

Mataio 10:28

Ke ca ot bi ge tavat adre me hlingâ unyin, ke ca khanʼ ödra bi he ka hlingâ hanu: ke so he ka outen at ae khana he ka ohnaûhangoâ unyin me hanu hnyi gena.

Ta je huliwa 7:20

Wale ûen adre me hnöku Mose hnyin, e wanakat ae hmanenang; ke adre hat e hnyi uma umen kamen kun ta tehi:

Heberu 13:6

Anyin a wale e khanʼ öta he ka ha hwegiâ, ka habe, Haba Than, me wale thibi e at ame hadruo nya, oge me ca he ka ot, Ieû ke ûnyi ae khana at he ka ânyâ könya?