Heberu 11:16 - Iaai Bible 1901 (New Caledonia)

¹⁶ Ke walang ang adre me weny ke hnyei ae beönua hnyin so, a wale thö drany: waleling me me ca hmehma bi Khong, e ka he ka hâiâ e, ka habe, e Khongudrin; anyin a e ame penapena taun hobi ködra.

Heberu 11:16 ပူးပေါင်းရင်းမြစ်များ

Genese 26:24

Ke Iehova ame manen dut kâu hnyi hnyinghet eling, me ha, ka habe, Inya Khongu Aberahama a kâmâm: ca ot, anyin a tha inya möu, ke oge me he ka ohnahici u, me osehia ta je mâtrânâm can athnyabaik a Aberahama.

Genese 28:13

Ke wâ bi, ame tot Iehova ethö hon e, me ha, ka habe, Inya Iehova, Khongu Aberahama a kâmâm, me Khongu Isaaka: haba kânâ u me mokut hnyin, oge me he ka ham e köu, me je mâtrânâm;

Esodo 3:15

Ke Khong ame ha minya kö Mose, ka habe, U ma he ka ha helâng ka lakon Isaraela, ka habe, A hia but kunö nya köbun Iehova, Khongon, lakamöbun, a Khongu Aberahama, me Khongu Isaaka, me Khongu Jekob; wale iök nyiele balua, ke wale hnân ûnykûmi nya hnyi ta je dö hia.

Esodo 3:6

Ke e ame ha minya ka habe, Inya ang Khongon kâmâm, me Khongu Aberahama, me Khongu Isaaka, me Khongu Jekob. Ke Mose ame tube hnyimakan; anyin a e ot ka wâ Khong.

Esodo 4:5

mʼ adre me he ka kap a ga manen köu Iehova, Khongon lakamödra, Khongu Aberahama, me Khongu Isaaka, me Khongu Jekob.

Jeremia 31:1

HAINGÖ Iehova, ka habe, hnyi ûen eling, oge me he ka Khongon je lap hia anyin at Isaraela, ke adre me he ka lakeik.

Mataio 25:34

Haba Than ame he ka ha kodra hnyi ke keihen a metân, ka habe, Ai öbun, öbun hia tavat a ohnahicâ hnen Kamök, hu hwajekhöûbun ju dökhu adre penapena hobi köbun hwân hnyi hna bi taben hmeledrany:

Mareko 12:26

Ke haba ge tavat adre mokcu, me hnödra hna he ka möt hmetu, hawa, öbun e ca munyi aû bi hnyi tusi anyi Mose, waleji hnyi hna ha hnyi uö ae ûdedö, ame ha kâu hnen Khong, ka habe, Inya ang Khongu Aberahama, me Khongu Isaaka, me Khongu Jekob?

Mareko 8:38

Haba at ame he ka hmehma gak me hok ta je hofuc hnyi dö ang, a dö bi ûnyi monu, kʼ ame ânyâ ta je hulö, me ame he bi Nokon at ka hmehma gan hnyi ûen e ame tha o me ta je angela ae kap hnyi hmanenanginy Kamen.

Luka 12:32

Hnahat mamoe ae wakhalet lö, ca ot bi, anyin ae weny Kamöbun he ka ham köbun dokhu.

Luka 20:37

Ke so bi, a hia but omanenâ ga Mose, hnyi dok eji a uhnyot, a gʼ ame he ka möt hmetu tavat ûhedra hnyi hna mok, waleji hnyi hnen hna hawâ Than a Khongu Aberahama, me Khongu Isaaka, me Khongu Jekob.

Ioane 14:2

E se hia ta je hnyeule hnyi uma umo Cica; a ne ba mʼ oge hia but ha köbun; anyin oge me he but he ka ânyâwia hnobun.

Ta je huliwa 7:32

ame ha, ka habe, Inya ang Khongon lakâmâm, wale a Khongu Aberahama, me Isaaka, me Jekob. Haba Mose ame öbubuny me ot ka wâ.

Filipi 3:20

Ke öta aten drany ethö; kʼ ate me halubahingen At ûhomeli ûheny thö, wale Than Iesu Keriso;

II. Timoteo 4:18

Ke ame he Than ka omeli nya ûnyi hnyi ta je huliwa hia thithö ae kong, ke e ame he ka omeli nya ke ne o but ka hnyi dokhon dokhu ethö hnyi drany: e so adre me ogânâ e nyiele nyiele balua. Amen.

Heberu 10:34

Anyin a öbun e vec betenge ka tavat adre me ca, ke öbun e hokhnyok senyinâ hnödra hna söh anyibun ta je ûnyi, ke khanʼ öbun a gʼ ame hu gabun tang omjeû ae ûnyi hnathu, kʼ ame tethmâ bi.

Heberu 11:10

anyin a e ame halubahingen taun ae hu taben, ke haba at a otilâ me huliwan, me, Khong.

Heberu 11:14

Anyin a haba tavat adre me ha helâe adre me omanenâ a gʼ adre me heleû idra.

Heberu 11:40

ke haba Khong ame penapena ûnyi ae beönua hnân hobi köta, mʼ adre me ca he bi ka bekhöt e ka hiʼ öta.

Heberu 12:22

ke so bi, öbun e o but ka hnyi bucen Ziona, ke ka hnyi taun anyin Khong ae möt, wale Jerusalemainy drany, ke ka ta je angela a ca hnân aû,

Heberu 13:14

Anyin ae ba anyita taun ae tet hmâ eang, ke ate me elâm ke taun ame he ka manen dut nyiele.

Heberu 2:11

Anyin a haba at ame okabâ, mʼ ödra hia minya adre okabi ödra, me ûnyi ge at a khaca, anyin a wale, e ca hmehma he ka hai ödra, me liamekein,

Hna Omanenâ 21:2

Ke inya oge me wâ taun ae kap, Jerusalema a teb ûnyi, ame utut ûheny hnyi drany ûnyi ge Khong, adre penapena helâ me hlu ame he ka faipoipo, adre theibâ e hobi kâu âiân.