Heberu 10:23 - Iaai Bible 1901 (New Caledonia)

²³ e so ate me kât hmâ hmi ate me gejon me ca loloâ bi; anyin ae hnathu bi at ame ha bânâ:

Heberu 10:23 ပူးပေါင်းရင်းမြစ်များ

Salamo 26:1

IEHOVA lö, owiso nya thö, anyin a oge hia but vheno anyik wisa: Ke oge hia but labageju kö Iehova, me ca bwebwet.

Je tenge anyi Jeremi 3:23

Kʼ ame teb ûnyi hnyi je hnyomakatu; e gan hmâ ânyâm hnathu.

I. Korinito 1:9

Haba Khong, me hnathu, waleji at ame hia but hawʼ öbun he ka tha e me Nokon a Iesu Keriso a Tuhöta.

I. Korinito 10:13

Ame ca o bi köbun ke ûcûbic, waleji ae ca ûcû ka at: ke e hnathu Khong, at ame ca he ka hnʼ öbun ka hnyi ûcûbic hon hnobun hna khana; ke so bi e ame he ka bi deny kec ûheny hnyi ûcûbic, me me khanʼ öbun he ka hokhnyokâ.

II. Korinito 9:13

anyin adre me ogânâ Khong hnyi haten huliwa eang, me hnyi hnobun hna long hoton uthumetu ae so anyin Keriso, wale öbun e hom, me hnyi ibetengiö ae gan hmâ kodra me tavat hia;

I. Thesalonika 5:24

E hnathu e at ame hawʼ öbun, wale at ame he ka ânyâ.

II. Thesalonika. 3:3

Ke e hnathu Than, at ame otethmʼ öbun, me tuʼ öbun ge hulo.

Tito 1:2

hnyi hna gejon möt ame ca ba balua, waleji hna ha bânâ adrem balua hnen Khong at ae ca khana he ka thoi;

Heberu 11:11

Hnen labageju adre ham man kö Sara he ka erkin me ame hnokoâ wanakat ka someca but, anyin a e ame ûnykûme ae hnathu e at a ha bânâ:

Heberu 3:1

ANYIN a wale hnyat me lakeiny ae kap lö, hanen tavat adre me hawâ ûnyi hnyi drany, ûnykûme ju Aposetolo me At bihut ae nua hnyi anyita hmi, a Iesu;

Heberu 3:14

anyin adre me wiʼ öta mʼ ate me lahanen Keriso, öta ka he ka kât hmâ hwakecin anyita labageju hnyi can ke ne o but hnyi obiny:

Heberu 3:6

ke so bi Keriso ame musi hnyi hnyaban, helâ me nokon; ke haba öta bi hnyaban eling, öta ka he ka kât hmâ ke ne o but obiny tang hwege me senyin hnyi geju.

Heberu 4:14

Ke hu but gata hing at bihut ae nua, at ame hia but vheno drany ethö, wale Iesu a Nokon Khong, anyin a wale e so ate me kât hmâ anyita hmi.

Heberu 6:18

mʼ ate me he ka hu hnâu sihwegi öta, ge lo li ûnyi ae ca khana he ka wia, ke ca khana Khong he ka thoi hnyin, wale öta ate me kec ut he ka kât hmâ gejon adre ip hnyi hnyi-maköta;

Iakobo 1:6

Ke so e ame sumat hnyi labageju, ke ba loloâ: anyin a haba at ame lolo, me ûcû me waköiöiny köiö ame oû ang dö me hûnyûnye but.

Hna Omanenâ 3:11

Oge me he ka ie o: kât hmâ ju hnâm hna hu, wâ e nye he ke at ka hûgûnâ ânyâm korona.