Heberu 10:22 - Iaai Bible 1901 (New Caledonia)

²² e so ate me hakekenyâ ge hnyok ae hnathu ame kât hmâ labageju, ke je hnyekuta adre dukâiâ ûnyi hnyi ûnykûm sa ae kong, ke adre hneû je unyita hnyi köiö ae alai:

Heberu 10:22 ပူးပေါင်းရင်းမြစ်များ

I. Je Than 15:3

Ke e ame vheno ta je hwakecin hia ae kong anyin kamen, waleji e ame ânyâ ehac: ke ame ca bekhot ut hnyekon kö Iehova a Khongon, helâ me hnyeku Davita a kiben.

I. Man Ûlabainy Je Than. 12:33

Keihen at Zebulona tavat adre hnyi vat, tavat ae khana he ka vat me je omjehen vat hia ae ve bongon, ödrin fifte thauzan, tavat adre me tot metâ hnyi vat, ke ca lolo bi hnyok.

I. Man Ûlabainy Je Than. 28:9

Ke haba u, Solomona nokuk, khanö u thö Khongon kâmâm, me bi athnyaba kâu ge hnyok ae bekhot me hanu ae weny: anyin a Iehova ame elâm ta je hnyok hia, me wâhmakhmeto ta je hna ûnykûme hia eû hnyi hnyok: u je ne elâm e, me u me he ka wâ e; ke u je ne hna degecâ e, me ame he ka digic u nyiele balua.

I. Man Ûlabainy Je Than. 29:17

E khanö nya, Khonguk lö, a u at ame elâm hnyok, me senyin hnyi hwakecin ae wisa. Inya oge hia but ham ta je ûnyi hia ang ge wisainy hnyekuk: ke walang ang oge me wâ lakem ang me senyin, kʼ adre me ka hamödra hna köu.

Salamo 111:1

OGANÖ Ja thʼ öbun. Oge me he ka ole kö Iehova ge hnyok ae bekhot. Hnyi ûhnenamö anyin tavat ae wisa me hnyi ûkhacaköu.

Salamo 119:10

Oge me hia but elöm u ge hnyekuk ae bekhot: Ö u ca hnö nya but he ka he monu ûnyi hnyi ânyâm ta je hnanyibu.

Salamo 119:145

Oge hia but hongot ge hnyekuk ae bekhot; Iehova lö thu thö könya: Oge me he ka vheno ânyâm ta je hnanyibu.

Salamo 119:2

Hnahic hnen tavat adre me vheno hnen ta je hna ohnathoâ, Tavat adre me elâm e hnen hnyok, ae bekhot.

Salamo 119:34

Ham könya metâ, me oge me he ka tuö ânyâm hnanyibu; Eke, oge me he ka tuö e ge hnyekuk ae bekhot.

Salamo 119:58

Oge hia but sumâtâ ânyâm ibetengiö ge hnyekuk ae bekhot: Betenge ju gak hoton hwâm hofuc.

Salamo 119:69

A hia bnt sit hofuc thoi könya tavat bi gan: Oge me he ka tuö ânyâm ta je hnanyibu ge hnyekuk ae bekhot.

Salamo 119:7

Oge me he ka ole köu ge hnyekuk ae wisa, E ka khanö nya thö hnâm je hna owisa ae wisa.

Salamo 119:80

E so e ba hnyikongon hnyekuk hnyi ânyâm ta je hnanyibu; Me inye ca he ka hmehma.

Salamo 32:11

Hobâ thö kö Iehova, me senyin dö, öbun tavat ae wisa: Ke hongot senyin dö, öbun tavat hnyok wisa.

Salamo 51:10

Khong lö, op dö hobi könya hnyok ae kalaöt; Ke mâdrâ hmeto thö hanu ae wisa eû hnyi hnyik.

Salamo 73:28

Ke haba inya, e so könya he ka hakekeny ka Khong: Oge me hia but wia Than Iehova me me hnok hna lubaduöng, Mʼ oge me he ka omanenâ ânyâm ta je huliwa hia thithö.

Salamo 84:11

Anyin a Iehova Khong seûno me bec: Ame he Iehova ka ham betenge me hmanenang: E ame ca he ka behânâ ke ûnyi ae so ge tavat adre me vheno wisa.

Salamo 9:1

OGE me he ka oleâ kö Iehova ge hnyekuk ae bekhot; Oge me he ka haimemenâ ânyâm ta je huliwa hnân lâiâ.

Salamo 94:15

Anyin ame he ka hmetu thö hna owisa ka hwakecin ae wisa Kʼ ame he tavat adre me hnyok wisa hia ka hnu hoton e.

Esodo 29:4

Ke haba Arona me je lakon u me he ka hum ödrin ka hnyi hwanumen uma hnân ûkhaeaköu, ke u me he ka osûʼ ödrin ge köiö.

Ta je Vejec 23:26

Nokuk lö, hö jem hnyekom könya, Ke wâ thö dek je gethen ge li emakâm.

Isaia 29:13

Ke haingö Iehova, ka habe, Anyin ame hakekenyi nya tavat ang ge je hnyimödra me oganö nya ge je esongodidra, kʼ adre me oûsâkâûö mönya je hnyekudra, ke haba hnödra hna outö nya, me wale thibi hna nʼ ödra ge hna ûne hnen at:

Isaia 52:15

helâe e ame he ka dukâiâ je hnyei ae se hia; ame he ta je than ka laba hum gan: anyin adre me he ka wâ ûnyi adre me tiga ca thumetu ödra gan; ke adre me he ka wâ ûnykûme ûnyi adre me tiga ca long.

Jeremia 24:7

Ke oge me he ka ham kodra hnyok he ka wâhmakhmetu nya, a inya Iehova: ke adre me he ka bi lakeik, ke oge me he ka Khongudrin, anyin adre me he ka hmetu könya ge hnyok ae bekhot.

Jeremia 3:10

Ke so bi, hnyi ta je ûnyi e hia, haba liamekeiny më, jia Juda at iyawo, ame ca hmetu könya me hnyekon ae bekhot, ke ame thoi, haingö Iehova.

Jeremia 30:21

Ke ame he ka o than ûnyi gadra, ke ame he ka o ûnyi hnyi wanbödra at ama musi ödra; ke oge me he ka ohakekenyâ e könya: ke ie at ae hu tang hwegien he ka hakekenyi nya? haingö Iehova.

Ezekiela 16:9

Ke oge me osûö u ge köiö; eke, oge me kot degecâ drâm hnyi unyâm, me hû u ge wakaco.

Ezekiela 36:25

Ke oge me he ka dukâiʼ öbun ge köiö ae alai mʼ öbun e he ka kalaöt ut: ke oge me he ka obosoi öbun ûnyi hnyi hwakecibun ae ikiki hia, me khongubun je khong hia.

Levitiko 14:7

ke e ame he ka oseven dukâiâ at adre obosoâ ûnyi hnyi lepera, me hai bosoâ, me hna meno ae möt ka hnyi hnyei.

Levitiko 16:4

E ame he ka khavâ ûkhaû lino ae kap, kʼ ame he ka khavâ unyin ge ûtrauzes lino, kʼ ame he ka weikâ hnyekon ge wen lino, me obicâ e ge hnabinybak lino: wale je ûkhaû ae kap; kʼ ame he ka osûâ unyin ge köiö, me khavâ je ûnyi eling.

Levitiko 8:6

Ke haba Mose ame hum Arona me lakon me osûʼ odrin ge köiö.

Zakaria 13:1

HNYI bong eling adre me he ka oâ pupua ka lap anyi Davita me aten Jerusalema hobi kâu hulö me hwakecin ae ikiki.

Numera 8:7

Ke walang hnâm hna he ka ânyâ ködra, mʼ adre me he ka bo so: u ma duköiʼ ödra ge köien obosoâ, kʼ adre me he ka giâ je unyidra hia, me hneû anyidra je ûkhaû, me obosoi ödra.

Mataio 3:11

Haba inya oge me bapataisoi öbun ge köiö ka hnyi ietra: ke haba at ame he jem hotuk ae beönua huk, ae ca ûcû nya bi he ka hom taben li hnyeûcan: e ame he ka bapataisoi öbun ge Hanu Kap me meic:

Luka 1:1

ANYIN a haba tavat ae se adre me hwân he ka sihnalimen gaga me omanenâ ta je ûnyi ame hwâdâ köta,

Ioane 3:5

Ke haingö Iesu, ka habe, E hnathu, e hnathu inya oge me ha köu, Adre ne ca hnokoâ bi at hnyi köiö me Hanu, e ca khana he ka didrö ka hnyi dökhu dokhon Khong.

Ioane 8:9

Ke adre me long ut me adre me ve dididrut, hwân ge at a bân ke ne o but ge at a biliny: ke hake Iesu thiju, ke momo ame hake tot.

Ta je huliwa 22:16

Ke walang ang ieû gam u me bec? todrö, me adre me bapataisoi u, me hneû degecâ ânyâm ta je hulo, me hawâ thö ien.

Ta je huliwa 8:21

Haba u, me ba gam ke ûnyi me hanymâm hnyi ûnyi eang: anyin ae ca wisa hnyekom hnyi hnyimakan Khong.

I. Korinito 6:11

Ame helâe keihen gabun ehac: ke adre hia but hû öbun, me okabi öbun, me haiwisʼ öbun hnyi ien Than Iesu Keriso, me hnyi Hanon Khonguta.

II. Korinito 7:1

HNYAT a oûnykûmik lö, e hu but unyita ta je hna ha bânâ eling, anyin a wale, e so ate me he ka ânyâwiʼ öta bi ûnyi hnyi ta je ûnyi ae ikiki hia hnyi unyin me hanu, he ka obekhötâ hwakecin ae kap hnyi ot ka Khong.

Efeso 3:12

e hu but gata ûnyi gan tang hwege me gethen he ka didro, me gejon ûnyi ge labageju kâu.

Efeso 5:26

me me he ka okâbâ, me ânyâwia ge hna hneû hnyi köiö hnen hofuc,

Efeso 6:5

Haba öbun je athnyaba, long ju hoton tavat adre me musi öbun hnyi unyin, ge ot me öbubuny hnyi hnyekubun ae hnathu, helâ me ka Keriso;

I. Timoteo 4:2

hnen iyawo anyin tavat thoi, tavat ame le oûnykûmidra ge fao ae ōû;

Tito 3:5

e ame omeli öta ca ûnyi hnyi ta je huliwa hnyi hwakecin ae wisa ate me ka ânyâ, ke ûnyi bi hnyi anyin ibetengiö baû, ûnyi ge hna hneû wale he ka hnokoâ hmetu me hna ohâtâ ge Hanu Kap,

Heberu 10:1

ANYIN a haba hnanyibu, a hmenon ta je ûnyi ae so ame he ka o, ke ca; tha ûcû me ta je ûnyi eling, me pason bala he ka obekhötâ tavat adre me ûhakekenyi hnen ta je hut adre me hudo huyi je huna, wale adre me labö hudo.

Heberu 10:19

Anyin a wale, hnyat me lakeiny lö, e hu but gata hnyok ae hwege he ka dit ka hnyi dok ae kap ûnyi ge dro Iesu,

Heberu 11:28

Hnen labageju e ame ânyâ paseka me hna jijingâ dra, wâ e nye kâlʼ ödra hnen at ame ohia je atö.

Heberu 12:24

ke kö Iesu at ame ûsoköuâ hnyi ûhihinyköu ae teb ûnyi, ke ka hnyi dra hnân dukâiâ, kʼ ame ha ta je ûnyi ae nua hon drö Abela.

Heberu 4:16

Anyin a wale e so ate me he ka hwege ûhakekenyâ theroniny ibetengiö baû, mʼ ate me he ka kap ibetengiö, me wâ ibetengiö baû hnân he ka hadruʼ öta hnyi ûen ae ûcû.

Heberu 6:11

Ke e wehmun mʼ öbun e he ka ve omanenâ tang hwege eling ka hnyi gejon ae gan hmâ ke ne o but obiny:

Heberu 7:19

(anyin ae ba ke ûnyi ame obekhotâ hnen hnanyibu), mʼ adre me oâ gejon ae beönua, wale deny mʼ ate me hakekeny ka Khong.

Heberu 9:10

anyin a hake e thibi (ta je jeû me hnân ic me hna osûâ ae ve bongon), ta je hwakecin unyin, adre otilâ ke ne o but hnyi ûen he ka ohâtâ hmetoâ.

Heberu 9:19

Anyin a hia but Mose ha ka tavat hia ta je ûnyi hia adre me hûna hoton hnanyibu, me e ame hom dren je nokon kau, me got, tha e me köiö, me leûnen mamoe ae dra, me hisop, me e ame dukâiâ tusi me tavat hia thithö,

Iakobo 1:6

Ke so e ame sumat hnyi labageju, ke ba loloâ: anyin a haba at ame lolo, me ûcû me waköiöiny köiö ame oû ang dö me hûnyûnye but.

Iakobo 4:8

Hakekeny dö ka Khong ke e ame he ka hakekeny köbun. Hinyem but öbun tavat hulo; ke obosoâ but je hnyekubun tavat lolo hnyok.

I. Peteru 1:2

tavat adre me ûca hoton hna wâbânâ hnen Khong a Kamen adrem, ûnyi ge hna okabâ ge Hanu, he ka löng hoton e, me dukâiâ hnen dro Iesu Keriso: E so e unyibun ibetengiö baû, me ûsoköu ae gan hmâ.

I. Peteru 3:21

wale thibi e hnyi ûhoûcû ae hnathu at ame omeli öbun minya walang ang, a bapataiso, ca ûnyi bi ge hna hneû degecâ ikikiny unyin, ke so bi he ka hnö ge ûnykûm sa ae so ka Khong hnen möt hmetu a Iesu Keriso;

Hna Omanenâ 1:5

me ûnyi ga Iesu Keriso at ohnatho ke hnathu, wale atöiny tavat ûhedra hnyi hna mok, ka tuhan ta je than hnyi hmeledrany. E so e unyin at ame betenge gata, kʼ ame thang degecâ anyita ta je hulo ûnyi ge dren;