Heberu 10:14 - Iaai Bible 1901 (New Caledonia)

¹⁴ Anyin a hnen hut a khaca e ame hia but obekhöta nyiele balua tavat adre okabi ödra.

Heberu 10:14 ပူးပေါင်းရင်းမြစ်များ

Ta je huliwa 20:32

Ke walang ang inya oge me hnʼ öbun dut ka Khong, me hofucin anyin ibetengiö baû, at ae khana he ka up öbun goranyai, me ham köbun jekhoû mʼ ödra hia adre okabâ.

Ta je huliwa 26:13

ke hnyi jebigo inya oge me wâ eû hnyi gethen melam ûnyi hnyi drany ae hadrö-ngöc hon seûno, ame umumelam igigili nya me hnyat ödrin e tha he mönya.

Roma 15:16

me inye he ka bi athnyabai Iesu Keriso ka Aten ta je hnyei, he ka ânyâ hanymen at bihut hnyi ûthumetu ae so anyin Khong, me me he ka kap soâ hut wale Aten ta je hnyei, me okabi ödra hnen Hanu Kap.

I. Korinito 1:2

ohmu me sihnalimen ka ekalesia anyin Khong hnyi Korinito, wale tavat adre me okabi ödra unyi Iesu Keriso, kʼ adre me hawʼ ödra me wakap, tha ödra me tavat hia thithö hnyi je dok hia adre me hawâ ien Tuhöta a Iesu Keriso, a Tuhödra ke Tuhötin:

Efeso 5:26

me me he ka okâbâ, me ânyâwia ge hna hneû hnyi köiö hnen hofuc,

Heberu 10:1

ANYIN a haba hnanyibu, a hmenon ta je ûnyi ae so ame he ka o, ke ca; tha ûcû me ta je ûnyi eling, me pason bala he ka obekhötâ tavat adre me ûhakekenyi hnen ta je hut adre me hudo huyi je huna, wale adre me labö hudo.

Heberu 10:10

Ke adre we okabi öta hnen weny eling, hnyi hna okhaca hudo unyi Iesu Keriso.

Heberu 10:12

ke haba e, hwaban hnen hna hudo hut a khaca can ta je hulo nyiele balua, me e ame laba ju hnyi ke keihen metân Khong;

Heberu 13:12

Anyin a wale haba Iesu minya ame hom vec hnyi hoton homagöule me me he ka okâbâ tavat ûnyi ge dren bi.

Heberu 2:11

Anyin a haba at ame okabâ, mʼ ödra hia minya adre okabi ödra, me ûnyi ge at a khaca, anyin a wale, e ca hmehma he ka hai ödra, me liamekein,

Heberu 7:19

(anyin ae ba ke ûnyi ame obekhotâ hnen hnanyibu), mʼ adre me oâ gejon ae beönua, wale deny mʼ ate me hakekeny ka Khong.

Heberu 7:25

Anyin a wale e khana balua he ka omeli ödra tavat adre me he but ka Khong a deny e, anyin a e at ae möt balua he ka khöû hobi ködra.

Heberu 9:10

anyin a hake e thibi (ta je jeû me hnân ic me hna osûâ ae ve bongon), ta je hwakecin unyin, adre otilâ ke ne o but hnyi ûen he ka ohâtâ hmetoâ.

Heberu 9:14

awe, e ca beönua bi dren Keriso, waleji a hamen hudo e bi, ae ba hnyikongon, ka Khong, ûnyi ge Hanu a e balua bi, he ka obosoâ anyibun ûnykûm sa hnyi ta je huliwa ae mekiny mʼ öbun e he ka huliwa ka Khong ae mötî

Juda 1:1

INYA Juda athnyabai Iesu Keriso, liamekeiny me Iakobo, oge me set ka tavat adre hawʼ ödra, me laoûnykûminy Khong a Kamen, tavat adre tuʼ ödra hobi kö Iesu Keriso: