Heberu 10:12 - Iaai Bible 1901 (New Caledonia)

¹² ke haba e, hwaban hnen hna hudo hut a khaca can ta je hulo nyiele balua, me e ame laba ju hnyi ke keihen metân Khong;

Heberu 10:12 ပူးပေါင်းရင်းမြစ်များ

Salamo 110:1

HAINGÖ Iehova ka tuhok, ka habe, Laba ju hnyi ke keihök a metök, Ke ne o but oge me he ka wia ta je iwahnaihmiöny möu me hnân taben li cam.

Mareko 16:19

A hia but ha ködrin Than, me adre me kap dö e hnyi drany ai me ip e hnyi ke keihen metân Khong.

Roma 8:34

ke ie at ame he ka ohnaûhangoâ? Hamen Keriso, at ame mok me möt hmetu ûheny hnyi hna mok, e but hnyi ke keihen metân Khong, kʼ ame khöû hobi köta.

Efeso 5:2

ke he bala hnyi ibetengiö, helâ me Keriso ame betenge köbun, ame ka ham e hobi köta, hnân hut, ke hut adre hlingâ, wale ûnyi ae bo so ka Khong.

Kolose 3:1

ANYIN a wale, adre ne hia but tha omeli öbun hmetu me Keriso, elâm dʼ öbun ta je ûnyi ethö, wale dok ame laba hnyin Keriso hnyi ke keihen a metân Khong.

Heberu 1:3

ke e thibi hadröngöcin anyin hmanenang ke at a ti we e, kʼ ame otilâ hmâ ta je ûnyi bia thithö ge hwan hofuc ae man, ke a hia but hneû degecâ ta je hulo, me e ame laba ju hnyi ke keihen a metân Beönua ethö;

Heberu 10:10

Ke adre we okabi öta hnen weny eling, hnyi hna okhaca hudo unyi Iesu Keriso.

Heberu 10:14

Anyin a hnen hut a khaca e ame hia but obekhöta nyiele balua tavat adre okabi ödra.

Heberu 5:1

ANYIN a haba tavat bihut hia ae nua adre ûca unyin tavat, me adre otilâ hobi kâu tavat hnyi ta je ûnyi anyin Khong, me me he ka hudo ta je bwihlany me ta je hut can ta je hulo:

Heberu 5:3

ke can e, me ûcû kâu he ka hudo can ta je hulo anyin tavat, më minya bi.

Heberu 7:27

ke ca ûnyi hnathu bi kâu hnyi je bong he ka helâ me tavat bihut eling ae nua he ka bân ka hudo can anyidra ta je hulo bi, ke biliny bi hobi kâu hulo anyin tavat; anyin e ame okhaca ânyâ eling, hnyi hnen hna hudo e bi.

Heberu 8:1

KE walang hing onyen ta je hofuc öhmun e ha, ka habe, E hu but gata at bihut ae nua helâe, waleji at ame laba hnyi ke keihen metân theron anyin Beönua hnyi drany, at huliwa hnyi dok ae kap,

Heberu 9:12

ke ca ûnyi minya bi ge dren ta je got, me nokon kau, ke ûnyi ge hing dren bi, e ame okhaca dit ka hnyi dok ae kap, anyin a hia but ûco möt ame ca ba balua.

Heberu 9:14

awe, e ca beönua bi dren Keriso, waleji a hamen hudo e bi, ae ba hnyikongon, ka Khong, ûnyi ge Hanu a e balua bi, he ka obosoâ anyibun ûnykûm sa hnyi ta je huliwa ae mekiny mʼ öbun e he ka huliwa ka Khong ae mötî