Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Heberu 10:11 - Iaai Bible 1901 (New Caledonia)

11 Ke haba tavat bihut hia, me adre me tot hnyi je bong balua me bi athnyaba, me hudo bala je hut a khaca ien, wale a ca khana he ka ohia hulo:

အခန်းကိုကြည့်ပါ။ ကော်ပီ




Heberu 10:11
21 ပူးပေါင်းရင်းမြစ်များ  

Ke u me he ka hudo bolok hnyi ke bong me ke bong hnân hudiny hwakecin ae monu me hwaban möt: ke u me he ka ânyâwia taben hut, u ka hia but bi hwaban möt hon; ke u me he ka hû me okabâ.


Haingö Iehova, ka habe, Hnân eû könya anyibun ta je hut ae se hia? oge unöngötö ge je hudiny leû a je mamoe baga, me pipikhenyainy je meno adre hat; ke oge me ca senyin ge dren ta je bolok, me lakon mamoe, me je got baga.


E bi dok ae kap hnyi hnyei; me hobi kâu tavat bihut tavat adre me huliwan dok ae kap, tavat adre me hakekeny he ka huliwa kö Iehova; ke ame he ka hnân hnen umödra je uma, mo hnen ae kap hnân dok ae kap.


Ke ame he ka tot hobi kâu je deo vat, ke adre me he ka okongoâ dok ae kap wale a hnabâ, me ohia hudiny leû adre hudo hnyi je bong hia, ke adre me he ka otilâ ûnyi ae ikiki at ame öba wan.


Ke hwân hnyi ûen adre me he ka ohia hnyin hudiny leû adre hudo hnyi je bong hia, ke ne o but adre me otilâ ûnyi ae ikiki at ame öba wan, me wan thauzan tu haded ke nainte je bong.


Eke, e ame ka ogânâ e ke ne o but ka hnyi taben je utbavat; kʼ ame hûgûnâ gan hudiny leû adre labö hudo bala, kʼame hagutâ but hnen e, a dok ae kap.


eke, inya oge me tiga fuc me hic, me haba Gaberiela, waleji oge bok ka wâ hnyi hna omanenâ, ame gâ logot, me kalö nya hnyi ûen adre labö bi hut hnyi sahac.


Ke e ame he ka ohmâ ûhihinyköu ka tavat ae se hia hnyi wik a khaca; ke haba hnyi hafiny wik, me e ame he ka bi obiny hut ke bwihlany; ke ame he ka o at ame öba wan, kʼ ame he ka tabâ labenyin ta je ûnyi ae ikiki; ke adre me he ka hingâlâ hmönyin hon at ame öba wan, ke ne o but ame bekhot ûnyi adre ohmâ.


Ieû oge me he ka oâ hnyi hnyimakö Iehova, ke khudrung ka Khong ae beonuâ? hawa, oge me he ka hom kâu je hudiny leû, je nak kau a khaca hunainy?


Ke öbun e be ka hudo helâe hnyi je bong a seven, wale han he ka bi hanen hut a an ge meic kʼ ame bo so kö Iehova: adre me he ka hudo e a tha e me hudiny leû ae hmâ, me hudiny ic a hanen.


Ke u me he ka ha ködra, ka habe, Walang hut a an ge meic öbun e he ka hudo kö Iehova; a je lakon mamoe baga a khaca hunainy ae ba hnyikongon, ûse lo hnyi ke bong me ke bong, hnân hudiny leû hnyi ta ogo bong hia.


ke adre me he ka ânyâ minya hudiny leû hnyi ûen ae manen je tehi, me hudiny han a hanen e, me hudiny leû ae hmâ, ke hudiny han a hanen, tha e me je hudiny ic, hoton hna hûna, hnân bo so, a hut a an ge meic kö Iehova.


ANYIN a haba hnanyibu, a hmenon ta je ûnyi ae so ame he ka o, ke ca; tha ûcû me ta je ûnyi eling, me pason bala he ka obekhötâ tavat adre me ûhakekenyi hnen ta je hut adre me hudo huyi je huna, wale adre me labö hudo.


Anyin e pason he ka ohia ta je hulo ge dren ta je bolok me got.


ANYIN a haba tavat bihut hia ae nua adre ûca unyin tavat, me adre otilâ hobi kâu tavat hnyi ta je ûnyi anyin Khong, me me he ka hudo ta je bwihlany me ta je hut can ta je hulo:


ke ca ûnyi hnathu bi kâu hnyi je bong he ka helâ me tavat bihut eling ae nua he ka bân ka hudo can anyidra ta je hulo bi, ke biliny bi hobi kâu hulo anyin tavat; anyin e ame okhaca ânyâ eling, hnyi hnen hna hudo e bi.


me hnyi hing uma menâ a otilâ hnen Than, ke ca hnen bi at.


Ke ame ne laba eang hmeledrany, ame ne ca he ka at bihut, anyin ae hu tavat he ka hudo ta je bwihlany hoton hnanyibu;


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ