Heberu 1:9 - Iaai Bible 1901 (New Caledonia)

⁹ U je hia but hnyokâ hwakecin ae wisa, me hociâ hwakecin ae kong; Anyin a wale a hia but hû u hnen Khong, a Khongom, Ge wakacoiny senyin hon ta je lahanâm.

Heberu 1:9 ပူးပေါင်းရင်းမြစ်များ

Salamo 11:5

Iehova ame cubec at ae wisa: Ke e ame hûkotiâ at ae kong, me at ame beûokonguny eû hnyi hnyekon.

Salamo 119:104

Oge me wâhmakhmeto a deny ânyâm ta je hnanyibu: Anyin a wale hûkötiânök ta je gethen hia ae thoi.

Salamo 119:128

Anyin a wale oge me haiwisa hia ânyâm ta je hnanyibu ge ta je ûnyi hia; Hmiök ta je gethen hia ae thoi.

Salamo 2:2

Haba je tuhan hmeledrany adre me tet metâ, Ke ame tha ûsabö je taben, He ka hagutö Iehova me at e ame hû me haingödra, ka habe,

Salamo 2:6

Ke so bi oge hia but otilâ anyik than Hon Ziona, anyik bucen ae kap.

Salamo 23:5

U je penapena laulau hobi könya hnyi hnyimakan je iwahnaihmiony mönya: U je hia but hû bok ge wakaco; ame babihingölö thö anyik kaia.

Salamo 33:5

E ame hnyokâ hwakecin ae wisa me hna owisa: E unöngötö hmeledrany ge ibetengiö anyi Iehova.

Salamo 37:28

Anyin a Iehova ame weny hna owisa, Ke e ame ca degec bi anyin wakap. Kʼ adre me tuʼ ödra balua bi: Ke adre me he ka subâ degecâ je mâtrân tavat ae kong.

Salamo 40:8

Khonguk lö, oge me senyin he ka ânyâ wem; Eke, eû hnyi hnyekuk ânyâm hnanyibu.

Salamo 45:6

Khong lö, e bi ânyâm theron nyiele balua: Uci ae wisa uciny dokhom dokhu.

Salamo 45:7

U je hia but hnyok ka hwakecin ae wisa, me ikiki ge hwakecin ae kong: Anyin a wale Khong a Khongom ame hia but hû u Ge wakacoiny senyin hon je lahanâm bi.

Salamo 89:20

Oge hia but ō Davita athnyabaik; Me hû e ge anyik wakaco ae kap:

Salamo 89:26

E ame he ka hawo nya, ka habe, U thibi kamök, Me Khonguk, me kiciny melik.

Ta je Vejec 8:13

Haba ot kö Iehova, me wale he ka hmiân hulo: Ke haba bi gan, ke begörany, ke gethen ae kong, Ke hnyem ae hwali, me wale je hûkö-tiânök.

Isaia 61:1

E HUK hanon Than Iehova; anyin a hia but Iehova hû nya he ka khetâ uthumetu ae so ka tavat ae ilemuk; e ame kunö nya he ka lan tavat ae vec hnyekudra, me he ka ha hna hna bâûâ ka ta je bâ, me hna khong uma ce at ka tavat adre ca;

Isaia 61:3

he ka ip hobi kâu tavat adra tenge hnyi Ziona, he ka ham kodra ûnye vekiny hwaban hnabadröu, me wakacoiny senyin hwaban hlöuhlöu, me ûkhaûen ogânâ, hwaban hnyok ae hmak; mʼ adre me he ka hwenyi iödra me je ûöiny wisa, a tä Iehova, mʼ adre me he ka ogânâ e.

Isaia 61:8

Anyin a inya Iehova oge me hnyok ka hna owisa, inya oge me hûkotiâ venöu, ke hwakecin ae kong; ke oge me he ka bihwaban kodra hnyi hnathu, kʼ oge me he ka ânyâ mödra ûhihinyköu a nyiele balua.

Amosa 5:15

Hûkotiâ thö hulo, ke hnyok bi ka so, ke otilâ hmâ ju wisa hnyi homagoule: me ame he la Iehova Khongon sabaoth ka betenge ge je kolon ga Josefa.

Zakaria 8:17

ke ca he ke at unyibun he ka ûnykûme ûnyi ae kong hnyi je hnyekubun ka ke at; ke ca hnyok bi hna khemanyin thoi: anyin a hûkötiânök ta je ûnyi hia e, haingö Iehova.

Numera 7:43

ke haba anyin hut, me khaca mini sileva a wan haded ke thöte je sekel ihmakiny, ke khaca kaia sileva a sevente je sekel hoton sekeliny dok ae kap; a unöngöt li ûnyi e ge salawa ae so adre ûhaniken me wakaco, hnân hudiny han;

Luka 4:18

E but huk Hanon Than, Anyin a e ame hia but hû nya he ka khetâ ûthumetu ae so ka ta je theduoc: E ame hia but kunö nya he ka haimemenâ hna hna ka ta je hwenbâ, Ke hna bwele ka je wadröu, Ke he ka thang hnyat adre aat dö

Ioane 1:41

E ame bân ka elâm liamekeiny mē a Simona me ha kâu, ka habe, Ohmun e wâ but Mesia, (bongon, Keriso).

Ioane 10:17

Waleling ame hnyok könya Cica, anyin a inya oge me ham anyik möt mʼ oge me he ka hom hmetu.

Ioane 20:17

Iesu ame ha kâu, ka habe, Ca kalö nya bi; anyin a iny tiga ca ölö ka Kamen: ke he thö ka je liamekeiny mönya, me ha ködrin, ka habe, Inya oge me he ka ölô ka Kamök a Kamöbun, ke Khonguk a Khongubun minya.

Ioane 3:34

Anyin a haba at ame kunâ hnen Khong, me wale at ame ha je hofuc hwan Khong: anyin a e ame ca bâm Hanu hoton tulut.

Ta je huliwa 10:38

wale Iseu at Nazareta, ke haba Khong ame hû e hnen Hanu Kap me man; ke e ame labö vheno hnyei he kâ betenge ge at, me osoâ tavat ame oveci ödra diabolo; anyin a tha mē Khong.

Ta je huliwa 4:26

Haba je thaniny hmeledrany, me adre me tet metâ, Ke ame ûkhacaköu thö je taben, Ûcon Than me Hnen hna Hû:

Ta je huliwa 4:27

E hnathu adre hia but ûkhacaköu hnyi taun ang Heroda me Ponetio Pilate me Aten ke je hnyei me at Isaraela, je ûcon Atâm ae kap a Iesu at u je hû,

Roma 12:9

E so betenge ke ba thoi hnyin. Ikikiâ thö ûnyi ae kong; kece ju ka ûnyi ae so.

Roma 15:13

E so e he Khongon geju ka ounöngöti öbun ge senyin me hnahic hnyi labageju, me me gan anyibun geju hnen man maniny Hanu Kap.

I. Korinito 1:9

Haba Khong, me hnathu, waleji at ame hia but hawʼ öbun he ka tha e me Nokon a Iesu Keriso a Tuhöta.

II. Korinito 11:31

E khana but Khong a Kamen Tuhöta Iesu Keriso, wale a hnân he ka haisoâ nyiele balua, a oge me ca thoi.

Galatia 5:22

Ke haba je wan Hanu, me, ibetengiö, me senyin, me hnahic, me hokhnyok beû hmâ, me menyik, me hwakecin ae so, me hnathu,

Efeso 1:3

Haisoâ Khong me Kamen Tuhöta Iesu Keriso, at ame hia but ohnahici öta ge ta je hnahicin hanu hia hnyi ta je dok hnyi drany ûnyi ge Keriso:

Filipi 2:9

Anyin a wale Khong ame ti ogânâ e goranyai, me ham kâu ien ae beönua hon ta je ien hia thithö;

Heberu 2:11

Anyin a haba at ame okabâ, mʼ ödra hia minya adre okabi ödra, me ûnyi ge at a khaca, anyin a wale, e ca hmehma he ka hai ödra, me liamekein,

Heberu 2:9

Ke ate me ō Iesu, at adre hia but wia e me omi ûhnyûkong hmelen ta je angela, kʼ adre me obicâ ge hmanenang me hna ogânâ, anyin a e ame hom vecin mok, me me vheno mok hobi kâu tavat hia thithö hnen ibetengiö bâu anyin Khong.

Heberu 7:26

Anyin ae ûcû köta at bihut eling ae, nua, ae kap, ae ba hulo gan, me ba hnyikongon, me ûsâkâûö me tavat adre me anyâ hulo, ke adre öbeönua hon drany;

I. Peteru 1:3

E so he ka haisoâ Khong me Kamen Tuhöta Iesu Keriso, at a hnöku öta hmetu, hoton anyin ibetengiö ae gan, ka hnyi geju ae möt, hnen möt hmetu thö a Iesu Keriso ûnyi hnyi hna mok,

I. Ioane 1:3

ke öhmun e omanenâ köbun ûnyi öhmun e wâ me löng, mʼ öbun e he ka tha laba mʼ öhmun: eke, ke öhmun e tha laba me Kamen me Nokon a Iesu Keriso;

Hna Omanenâ 2:15

Ke e hu minya unyâm keihen tavat adre me kât helâe ta je hna ûne anyin tavat Nikolao.