Heberu 1:8 - Iaai Bible 1901 (New Caledonia)

⁸ ke e ame hâiâ Nokon, ka habe, Haba ânyâm theron, Khong lö, me nyiele nyiele balua; Ke haba uciny hwakecin ae hnathu, me wale thibi e uciny dokhom dokhu.

Heberu 1:8 ပူးပေါင်းရင်းမြစ်များ

II. Samuela 23:3

Ame ha Khongu Isaraela, Ame fuc könya kic anyi Isaraela: At ame muso tavat hnyi wisa Ame musi me outen Khong;

Salamo 145:13

Haba dokhom dokhu, dökhu a nyiele balua, Me ka ta je dö hia thithö ânyâm musi.

Salamo 72:7

Hnyi bonginy ta je bong ame he at ae wisa ka kû khulelau; Kʼ ame he ka gan hmâ ûsoköu ke ne o but ame aû but tehi.

Salamo 99:4

Ke haba hwegien than me ame hnyok ka hna owisa; U je otethmâ hnathu, U je mâdrâ hna owisa me wisa unyi Jekob.

Isaia 45:25

Adre me he ka haiwisa ta je mâtrâni Isaraela hia thithö unyi Iehova, ke adre me he ka hobâ.

Isaia 7:14

Anyin a wale, ame he Than ka ham köbun haten; wâ bi, ame he hlu ka erkin, me hnokoâ da, me hwenyi ien e Emanuela.

Jeremia 38:15

Ke haingö Jeremia kö Zedekia, ka habe, Oge ne thumetu u, hawa, u me ca he ka hlingö nya? ke oge ne he ka ha bongon köu, u me ca he ka ling nya.

Hosea 1:7

Ke so bi, oge me he ka betenge ge lap anyi Juda me omeli ödra a deny Iehova Khongudrin, ke oge me he ka omeli ödra ge cefana, me hele vat, me vat, me je hors, me tavat tabô hors.

Zakaria 13:9

Ke oge me he ka hom ke keihen a kuniny ka he hnyi wanben meic, me ânyâwiʼ ödra helâ me hna ânyâwia sileva, me cubic ödra helâ me hna cubec gol: ke adre me he ka hawâ iök, me oge me he bi nya ka ling ödra: ke oge me he ka ha, ka habe, Lakeik ödra; me adre me he ka ha, ka habe, Iehova Khonguhmun.

Zakaria 9:9

Senyin gan hmâ thö u hluiny Ziona; kuku thö u hluiny Jerusalema: wâ bi ame he ka he but köu Tuhâm: e at ae wisa, ke tren ûhomeli; at ae ilemuk, ame tabö asina, me nak asina a nokon asina.

Malaki 3:1

WÂ bi, oge me kunâ anyik ûthumetu ke e ame he ka ânyâwia gethen hnyi hnyimakök: ke ame he ka ie o ka hnyi uma umen Than wale öbun e elâm; me ûthumetuiny ûhihinyköu at öbun e senyinâ, wâ bi, e ame o, haingö Iehova tuhan sabaoth.

Mataio 1:23

Wâ bi, ame he hlu ka erkin, me hnokoâ da, Kʼ adre me he ka hwenyi ien Emanuela; walang bongon, E but unyita Khong.

Luka 1:75

Hnyi hwakecin ae kap me wisa hnyi hnyimakan hnyi bonguta ta je bong bia thithö.

Ioane 10:30

Haba inya me Kamen, me ohmu khaca thibi.

Ioane 10:33

Haba at Juda adre me thu kâu, ka habe, Ohmun e ca lûö u can huliwa ae so, ke can bi bi gan; ke can minya anyin a u at, ke u me wiö u bi thö me Khong.

Ioane 20:28

Haba Toma ame thu kâu, ka habe, Tuhok me Khonguk.

Roma 9:5

ödra je mâtrâniny ta je lakamöta, helâe minya Keriso hoton unyin, e nua hon ta je ûnyi hia thitliö, Khong adre haisoâ nyiele balua. Amen.

I. Korinito 15:25

Anyin ae ûca kâu he ka musi ke ne o but a hia but ip hmelen li can ta je iwahnaihmiöny më hia.

Deuteronomi 2:37

ke so bi u je ca o ka hnyi hnyei iny laku Amona; me baten hia wagewe Jaboka, me je tauniny bucen, me ta je dok hia ame nyibu öta hnyin Iehova.

Deuteronomi 7:14

Ame he ka beönua ânyâm hnahic hon ta je hnyei hia: kʼ ame ca he ka toûnyi ke baga me momo unyibun, me halem omeno.

I. Timoteo 3:16

Ke ca hnân ivinoâ, ka habe, e gan hmâ ûiyonginy hwakecin ae ûcû me Khong, ka habe, E ame manen dut hnyi unyin, ame haiwisa hnyi hanu, ame wâ hnen ta je angela, adre me khetâ hnyi ta je hnyei, adre me labageju kâu hnyi hmeledrany, adre me kap goranyai ka hnyi hmanenang.

II. Peteru 1:11

anyin a helâe adre me he ka ti hnʼ öbun he ka dit ka hnyi dokhu ame ca ba balua a dokhon Tuhöta At a omeli öta, a Iesu Keriso.

I. Ioane 5:20

Ke e khanʼ öta a gʼ ame hia but o Nokon Khong, ke a hia but ham köta hna wâhmakhmeto, me me khanʼ öta e at ae hnathu, ke öta but eû hnyi hnyekon at ae hnathu, wale eû hnyi hnyekon Nokon a Iesu Keriso. Wale Khong ae hnathu, me möt ame ca ba balua.