Heberu 1:3 - Iaai Bible 1901 (New Caledonia)

³ ke e thibi hadröngöcin anyin hmanenang ke at a ti we e, kʼ ame otilâ hmâ ta je ûnyi bia thithö ge hwan hofuc ae man, ke a hia but hneû degecâ ta je hulo, me e ame laba ju hnyi ke keihen a metân Beönua ethö;

Heberu 1:3 ပူးပေါင်းရင်းမြစ်များ

I. Man Ûlabainy Je Than. 29:11

E unyâm, Iehova lö, ûganiny, me man, me hmanenang, me hwege, me musi: anyin a ânyâm ta je ûnyi hia ethö hnyi drany me eang hmeledrany; e unyâm dökhu, Iehova lö, ke adre oganö u me me ban ta je ûnyi hia thithö.

Jobu 37:22

Ame o but ûheny hnyi hwadro drany ae so helâ me gol: E unyin Khong hmanenang hnân outen.

Salamo 110:1

HAINGÖ Iehova ka tuhok, ka habe, Laba ju hnyi ke keihök a metök, Ke ne o but oge me he ka wia ta je iwahnaihmiöny möu me hnân taben li cam.

Salamo 75:3

Adre me okoiâ hmeledrany me tavat hia thithö adre me labâ e: Ke oge hia but otilâ je hmolominy [Sela.

At Khet 8:4

Anyin ae hu man maniny hofuc hwan than; ke ie at ame he ka ha kâu, ka habe, Ieû u me ânyâ?

Levitiko 15:15

ke ame he at bihut ka hudi ödru, haba khaca hnân hudiny hulö, ke khaca hnân hudiny leû; kʼ ame he at bihut ka bi hwaban anyin möt hnyi hnyimakö Iehova, can hna hingölö ûnyi gan.

Mika 5:4

Ke e ame he ka tot me han haleny hnahat hnyi man mani Iehova, me hmanenanginy iö Iehova a Khongon: kʼ adre me he ka laba hmâ; anyin a e ame he ka gan hmâ walang ang ke ne o but hnyi je can hmeledrany.

Mataio 22:24

ke adre me hnö e, ka habe, At ûne lö, haba Mose ame ha, ka habe, A ne mokcu ke at ke ba nokon, hamen liamekeiny mē he ka hom âiân bi, me bi mâtrân liamekeiny mē.

Mareko 16:19

A hia but ha ködrin Than, me adre me kap dö e hnyi drany ai me ip e hnyi ke keihen metân Khong.

Ioane 1:14

Adre me bi unyin Logo bi, kʼ ame laba unyita (ke ohmun e wâ but anyin hmanenang, wale helâke me hmanenanginy Nokon a khaca a hnokoâ hnen Kamen), a unöngöt do ge ibetengiö bâu me hnathu.

Ioane 1:29

Nyi e ame ō Iesu ame he kâu, me haingen, ka habe, Wâ bi Arenio anyin Khong at ame hijen monu anyin hmeledrany!

Ioane 1:4

E hu möt unyin; ke haba möt, me melaminy at.

Ta je huliwa 2:33

Ke walang ang e ame laba goranyai ûnyi ge hnyam a metân Khong, kʼ ame hia but kap ûnyi ge Kamen Hanu Kap waleji e ame ha bânâ, me e ame hingâlâ but ûnyi ang öbun e wâ me long.

Ta je huliwa 7:56

me haingen, ka habe, Wâ bi, inya oge me wâ drany adre khong, me Nokon at ame tot hnyi ke keihen a metân Khong.

Roma 1:16

Anyin a inya oge me ca hmehma ge ûthumetu ae so: anyin a wale man maniny Khong hnân omelö tavat hia thithö adre me labageju; ka at Juda a bân, me ka at Heleni minya ju.

Roma 8:34

ke ie at ame he ka ohnaûhangoâ? Hamen Keriso, at ame mok me möt hmetu ûheny hnyi hna mok, e but hnyi ke keihen metân Khong, kʼ ame khöû hobi köta.

II. Korinito 4:4

wale tavat ame owadruâ je oûnykûmenödra bi, ke adre me ca labageju bi, ûnyi ge khongon hmeledrany eang, wâ e nye melam! kodra melaminy ûthumetu ae so ae hmanenang anyin Keriso, wale ae we Khong.

Kolose 3:1

ANYIN a wale, adre ne hia but tha omeli öbun hmetu me Keriso, elâm dʼ öbun ta je ûnyi ethö, wale dok ame laba hnyin Keriso hnyi ke keihen a metân Khong.

Tito 2:14

waleji at a hamen ham e hnân hobi köta, me me he ka ûcû öta ûnyi hnyi ta je hulo hia thithö, me ânyâwia hnân hobi kâu tavat hnân athnyabainy bi, hnyat ae hwege ka hnyi ta je huliwa ae so.

Heberu 1:13

Ke ie angela e ame ha gan hnyi je ûen hia, ka habe, Laba ju hnyi ke keihen a metök, Ke ne o but oge me he ka wia ta je iwahnaihmiony möu me hnân taben li cam?

Heberu 10:12

ke haba e, hwaban hnen hna hudo hut a khaca can ta je hulo nyiele balua, me e ame laba ju hnyi ke keihen metân Khong;

Heberu 12:2

me ō Iesu at ame hwân me obekhötâ labageju, waleji at ame hokhnyokâ satauro, kʼ ame ca oûnyihnathoâ hmehma, ûnyi hnyi senyin adre me ip hnyi hnyimakan, ke e ame laba ju hnyi ke keihen metân theron anyin Khong.

Heberu 4:14

Ke hu but gata hing at bihut ae nua, at ame hia but vheno drany ethö, wale Iesu a Nokon Khong, anyin a wale e so ate me kât hmâ anyita hmi.

Heberu 7:27

ke ca ûnyi hnathu bi kâu hnyi je bong he ka helâ me tavat bihut eling ae nua he ka bân ka hudo can anyidra ta je hulo bi, ke biliny bi hobi kâu hulo anyin tavat; anyin e ame okhaca ânyâ eling, hnyi hnen hna hudo e bi.

Heberu 8:1

KE walang hing onyen ta je hofuc öhmun e ha, ka habe, E hu but gata at bihut ae nua helâe, waleji at ame laba hnyi ke keihen metân theron anyin Beönua hnyi drany, at huliwa hnyi dok ae kap,

Heberu 9:16

Anyin a ne hu ûbihinyköu, me ame he ka hu minya mok at ame ha ûbihinyköu, me me hwâdâ bi.

Heberu 9:26

anyin a ne helâe me ûcû kâu he ka osehia vec hwân hnyi hna bi taben hmeledrany: ke walang ang hnyi obiny ta je dö adre hia but omanenâ e me me he ka ohia hulo ge hnen hna hamen hudo e bi.

I. Peteru 1:21

tavat öbun e labageju ka Khong a deny e, waleji at ame omelö thö e ûnyi hnyi hna mok, me hâm kâu hmanenang; me me he ka e unyin Khong anyibun labageju me geju.

I. Peteru 3:22

wale hnyi ke keihen a metân Khong, ke a ölö hnyi drany ai: ke ame löng hoton hnen ta je angela, me tavat musi, me ta je man.

II. Peteru 1:16

Anyin a öhmun e ca hnu hoton ta je vekhet thoi anyin tavat ae metâ, waleji hnyi ûen öhmun e omanenâ köbun man me ioiny Tuhöta Iesu Keriso, ke öhmun e hnyi wâ anyin hmanenang.

II. Peteru 1:17

Anyin ae hu but gan ûnyi ge Khong a Kamen hna ogânâ me hmanenang, waleji ame o kâu hwan hofuc ûnyi hnyi hmanenang ae nua, ame ha, ka habe, Walang Nokuk a oûnykûmik oge me senyin kâu:

I. Ioane 1:7

ke ate me ne he hnyi melam, helâ me e hnyi melam, awe, ate me tha laba ke at me ke at, kʼ ame hneû degecâ anyita ta je hulo hia thithö hnen dro Iesu a Nokon.

I. Ioane 3:5

Ke e khanʼ öbun a gʼ ame manen dut me me he ka hom degecâ hulo; ke ba anyin hulo.

Juda 1:25

e so e unyin Khong a khaca, At a omeliʼ öta a deny Iesu Keriso a Tuhöta, hmanenang, me mec, me musi, me man, hwan adrem balua, me walang ang, me nyiele balua. Amen.

Hna Omanenâ 3:21

Haba at ame ton, me oge me he ka ham kâu he ka tha laba mönya hon anyik theron helâji me inya oge me tuk, me oge me tha laba me Cica hon anyin theron.

Hna Omanenâ 4:11

U thibi ae ûcû, Than a Khonguhmun, he ka kap hna ogânâ, me hna ogöranyâ, me man: anyin a u je op ta je ûnyi hia thithö, ke haba ta je ûnyi e me hobi kâu wem, ke u je op minya.