Ke Iehova ame ha, ka habe, Ame ca he bala hanuk ba ûö hwege me at, anyin a e thibi unyin: ke so bi haba bonginy je bong ame he ka khaca haded ke twente ta je huna.
Ke hwaban e, oge me he ka hingâlâ hanuk hon tavat hia thithö; ke ame he lakubun obaga me wahlu ka perofeta, ame he wahingatibun ka bwo je bwi, ame he wahidröu unyibun ka wâ je hna omanenâ:
Me e ame ha ködrin, ka habe, Walang je hofuc oge me ha köbun, waleji e me tiga inya ang unyibun, ae ûcû he ka owhâdâ ta je ûnyi hia adre sihnalimen hnyi hnanyibu anyi Mose, me ta je perofeta, me ta je salamo gak.
Ke so bi e ka o but e, wale Hanon hnathu, me e ame he ka su öbun ka hnyi ta je hnathu hia: anyin a e ame ca he ka ha ûnyi gan bi; ke e ame he ka ha ta je ûnyi e ame long: ke e ame he ka omanenâ köbun ta je ûnyi ame he ka o.
Ke adre me thu bong hobi kâu, me ödrin se hia adre me o kâu hnyi hnen hna laba; ke e ame khetâ hofuc, me ohnathoâ ködra dokhu dokhon Khong, me ûjongi ödra ga Iesu, ûnyi hnyi hnanyibu anyi Mose me ta je perofeta, hwân hnyi hnyomakatu ke ne o but sahac.
at a kap hnen drany ethö ke ne o but hnyi je ûen ame he! ka hwâdâ hnyin ta je ûnyi hia waleji ame ha hnen Khong a deny anyin ta je perofeta hia thithö ae kap hwân kâû adrem bala.
Wâ ju eâu öbun, ke ca he ka hna degecâ at ame ha hofuc. Anyin a ne ca kec möt tavat eji adre me hna degecâ at ame koû ödra eang hmeledrany, awe, e ca khanʼ öta hmonyin he ka kec möt, öta ka he ka hotuta ka at ame koû ûnyi hnyi drany:
Waleling me ca hamen Keriso he ka ogânâ e me ka wia e me me at bihut ae nua, ke so bi hnen at eji ame ha kâu, ka habe, U thibi Nokuk Oge me hnöku u hnyi bong ang:
Anyin a hia but Mose ha ka tavat hia ta je ûnyi hia adre me hûna hoton hnanyibu, me e ame hom dren je nokon kau, me got, tha e me köiö, me leûnen mamoe ae dra, me hisop, me e ame dukâiâ tusi me tavat hia thithö,