Hagai 2:7 - Iaai Bible 1901 (New Caledonia)

⁷ ke oge me he ka jijingâ ta je hneyi hia, ke ame he ka o ta je ûnyi wale ame weny ta je hnyei hia, ke oge me he ka öunöngötâ uma eang ge hmanenang, haingö Iehova tuhan sabaoth.

Hagai 2:7 ပူးပေါင်းရင်းမြစ်များ

Genese 22:18

ke ame he ka hnahic ûnyi ge mâtrânâm ta je hnyei hia thithö eang hmelen; anyin a u je löng hoton hok hofuc.

Genese 3:15

ke oge me he ka oiwahnaihmiönyi u me momo, me mâtrânâm me mâtrâniny momo: e ame he ka kot bâm, ke u me he ka kot ohmâiny can.

Genese 49:10

Ame ca he ka hia ûnyi Juda uci musi, Me at bi hnanyibu ûheny hnyi wanben li can, Ke ne o but ame o Silo; Kʼ ame he ta je hnyei ka löng hoton.

I. Je Than 8:10

Ke ame didrut tavat bihut ûhedrin hnyi dok ae kap, me ame unöngötö uma umo Iehova ge ûlâ,

I. Je Than 8:11

me me ca khana hnyat bihut he ka tot me huliwa can ûlâ: anyin ame unöngötö uma umo Iehova ge hmanenangi Iehova.

II. Man Ûlabainy Je Than. 5:14

me me ca khana bi tavat bihut he ka tot me ânyâ hudrudrin, can ûlâ: anyin a unöngötö uma umen Khong ge hmanenangi Iehova.

Salamo 80:1

AT tue mamoe a Isaraela lö, loug ju, At ame su Josefa helâ me hnahat mamoe; At ame laba hon li kerubi, öumumelamâ but.

Salamo 85:9

E hnathu o hakekeny ka tavat adre me outen e anyin ûhomeli; Me me he hmanenang ka labā ita hnyei.

Isaia 2:19

Kʼ ame he ka dit tavat ka hnyi hnyin ta je op hnyi je kic, ke eû hnyi hnyin ta je uthankonginy kânâ ûnyi ge hna outö Iehova, ke ûnyi ge anyin hmanenang ae mec, hnyi ûen e ame he ka todrö ka jijingâ hwegiâ hmeledrany.

Isaia 60:4

Bwele thö goranyai igigilö me wâ: ödra hia thithö adre me ûkhacaköu, adre me o köu: ame he ka o lakom je baga ûhedra hnyi dok ae sâkâû, ke adre me he ka deluâ lakom je hlu.

Isaia 60:7

Adre me he ka ûkhacaköuâ je hnahat hia hnyi Kedera köu, kʼ ame he je mamoe bagainy Nebaioth hia ka bi athnyabaem: adre me he ka öliâ tabök tap hnyi so, ke oge me he ka omecâ uma umen anyik hmanenang.

Ezekiela 21:27

Oge me he ka ohnyimenâ e hnyikânâi, hnyimen hnyikânâi, hnyimen hnyikânâi: kʼ ame he ka hia but ûnyi e, ke ne o but ame o at a hanymen bi; ke oge me he ka ham kâu.

Ezekiela 31:16

Oge me oöbubunyâ ta je hnyei ge hwan ûtainy, hnyi ûen oge me khûâ e ka hnyi hedis tha e me tavat adre me dit ka hnyi thop: ke haba je ûöiny hia Edena, je hna ûca me soiny Lebanona, a tavat hia adre me ic köiö, adre me tubet bi eû hnyi kânâ.

Ezekiela 38:19

Anyin a oge hia but ha hnyi hnok hna ciâ, ke hnyi meicin anyik hmönyin, ka habe, E hnathu hnyi ûen eling ame he ka hu hwiöi ae gan hnyi hnyei Isaraela;

Ezekiela 44:4

Ke e ame hum nya a gethen hnyi homagöule hnyi hwadro hnyi hnyimakan uma; ke inya oge me wâ, ke wâ bi, ame unöngötö uma umö Iehova ge hmanenangi Iehova: me oge me ta hnyikânâi.

Hagai 1:8

Ölo thö hon bucen me hok uto, me hötilö uma; ke oge me he ka senyinâ e, ke adre me he bi ka oganö nya, haingö Iehova.

Malaki 3:1

WÂ bi, oge me kunâ anyik ûthumetu ke e ame he ka ânyâwia gethen hnyi hnyimakök: ke ame he ka ie o ka hnyi uma umen Than wale öbun e elâm; me ûthumetuiny ûhihinyköu at öbun e senyinâ, wâ bi, e ame o, haingö Iehova tuhan sabaoth.

Luka 19:47

E ame ûne hnyi je bong hnyi uma kap. Me adre me elâm he ka hlingâ e hnen je taben tavat bihut, me tavat sihnalimen, me je athnathuiny hnyei:

Luka 2:27

Ke e ame didro ka hnyi uma kap hnen. Hanu: haba kamen me hinyen ödru me hom wanakat a Iesu he ka mâdrâ kâu hoton hnanyibu,

Luka 2:46

Ke hwaban kun ta bong ödru me wâ e hnyi uma kap, ame laba hnyi wanben tavat ûne, ame ling ödrin me hnei ödrin:

Luka 20:1

HABA hnyi ke bong, e ame tiga nâ tavat hnyi uma kap, kʼ ame khetâ ûthumetu ae so, me ame o but kâu je taben tavat bihut me tavat sihnalimen, me wahingat;

Luka 21:38

Ke hnyi je hnyomakatu ame he but kâu tavat hia ka hnyi uma kap he ka long kâu.

Ioane 1:14

Adre me bi unyin Logo bi, kʼ ame laba unyita (ke ohmun e wâ but anyin hmanenang, wale helâke me hmanenanginy Nokon a khaca a hnokoâ hnen Kamen), a unöngöt do ge ibetengiö bâu me hnathu.

Galatia 3:8

Ke manen dut ehac hnyi hna sihnalimen a gʼ ame he Khong ka haiwisa Aten je hnyei ûnyi hnyi labageju, ke a khetâ evangelia kö Aberahama, ka habe, Ame he ka hnahic ta je hnyei hia ûnyi gam.

Kolose 2:9

kʼ ame laba eû hnyin at eling onyen Khong hia thithö hnyi unyin,