Hagai 2:4 - Iaai Bible 1901 (New Caledonia)

⁴ Ke walang ang, Zerubabela lö, hwege thö, haingö Iehova; ke hwege thö u Josua nöku Jozadaka at bihut ae nua; ke hwege thʼ öbun tavat hia aten hnyei, haingö Iehova, ke huliwa thö: anyin a tha inya but möbun haingö Iehova tuhan sabaoth,

Hagai 2:4 ပူးပေါင်းရင်းမြစ်များ

II. Samuela 5:10

Kʼ ame hwege tot Davita; anyin a e bi unyin Iehova Khongon sabaoth.

I. Man Ûlabainy Je Than. 22:13

Me u me he ka hnahic u je ne kong hnyekunâ he ka ânyâ je hna otilâ me je hna owisa waleji a hûna Iehova kö Mose ge at Isaraela: hwege thö, me hnyok baga but; ca ot bi me öbubuny.

I. Man Ûlabainy Je Than. 28:20

Ke Davita ame ha kö Solomona a nokon, ka habe, Hwege thö, me hnyok baga but, me ânyâ thö; ca ot bi, ke ca öbubuny bi: anyin ame he Iehova Khong, a Khonguk, ka tha e möu; e ame ca he ka hia unyâm, me hna degeci u, ke ne o but adre umo ta je ûnyi hia hnân huliwainy uma umö Iehova.

Ezera 10:18

Ke ödrin e wâ ke je lakon tavat bihut, tavat hok momo kanyua: wale ke je laku Jesua nöku Jozadaka, me je liamekeiny mē, jia Maseia, me Eliezera, me Jarib, me Gedelia.

Ezera 5:2

Me ame todrö Zerubabela nöku Sealetiela, me Jesua nöku Jozadaka, me hwân he ka op uma umen Khong hnyi Jerusalema; ke e unyidru je perofeta anyin Khong he ka hadruʼ ödru.

Esodo 3:12

Ke ame ha, ka habe, Inya oge me he ka tha e möu; ke walang haten köu hnyi hnök hna kunö u, ka habe, U ka um dö hom tavat ûnyi hnyi Aigupito, öbun e he ka bi athnyabainy Khong hnyi hon bucen eang.

Hagai 1:13

Me haba Hagai, me ûthumetu anyi Iehova hnyi hofuc ho Iehova, me e ame ha, ka habe, Tha inya but möbun haingö Iehova.

Zakaria 4:6

Me e ame thu me ha könya, ka habe, Walang hna ha hnö Iehova kö Zerubabela, ka habe, Ca ûnyi ge man, ke ca ûnyi ge tang hwege, ke so bi ûnyi ge hanûk, haingö Iehova tuhan sabaoth.

Zakaria 8:9

Walang hna ha hnö Iehova tuhan sabaoth, ka habe, Ohwegiâ thö je hnyamöbun, tavat öbun e long hnyi bong ang hofuc ang a deny je perofeta a ödra hnyi bong adre bi taben hnyin uma umo Iehova tuhan sabaoth, wale uma kap, mʼadre me he ka op e.

Mareko 16:20

Me ödrin e he but me khetâ hnyi ta je hnyei hia, ke Than ame tha huliwa mödrin, me ohnathoâ ta je hofuc ge ta je haten ame tha he. Amen.

Ta je huliwa 7:9

Ke haba je pateriaka ödrin e ûcû Josefa hnyi Aigupito can ödrin e hunyinyâ: ke e bi unyin Khong,

I. Korinito 16:13

Hmâkâ thʼ öbun, tethmâ ju hnyi labageju, hnyok baga thö, hwege thö.

Efeso 6:10

Ke walang obiny, hwege thʼ öbun hnyi Than, ge tang hwegien maniny man.

Deuteronomi 31:23

Ke e ame hûna kö Josua nöku Nuna, ka habe, Hwege thö ke hnyok baga thö; anyin a u me he ka hom lakon Isaraela ka hnyi hnyei oge khemanyin ködra: me oge me he ka tha inya möu.

II. Timoteo 2:1

ANYIN a wale, nokuk lö, hwege thö hnyi ibetengiö baû a e unyin Keriso Iesu.

II. Timoteo 4:17

Ke so bi ame tha tot mönya Than, me ham könya man; me me he ka ti manen dut gak hna khetâ hofuc, me me löng hia Aten ta je hnyei: ke iny möt bi ûnyi hnyi hnyimen liona.

Josua 1:6

Hwege thö, ke hnyok baga but: anyin a hamâm he ka ohuâ hnyei ka tavat eang, waleji oge me khemanyin he ka ham ka lakamödra.

Josua 1:9

Hawa, oge ca hûna köu? Hwege thö, ke hnyok baga but; ca ot, ke ca öbubuny bi, anyin a e bi unyâm Iehova Khongom hnyi je dok u me be ka hnyin.

Owisa 2:18

Ke Iehova ame ham ködrin tavat owisa, me Iehova ame tha e me at owisa, me omeli ödrin ûnyi hnyi hnyamen je iwahnaihmiony mödrin hnyi ta je bong hia bongon at owisa: anyin a Iehova ame ietra can anyidrin mokhon ge tavat adre me sed ödrin me oveci odrin,

I. Samuela 16:18

Me ame thu ke hidröu me ha, ka habe, Wâ bi, oge hia but wâ ke at nöku Jese, at Bethe-leema, ae khana ânyâ ûnyi khumöng, ke e at ae hwege hmonyin, me at vat, me metâ hnyi hwan je hofuc, ke e at ae hmanenang, ke e unyin Iehova.