Hagai 2:22 - Iaai Bible 1901 (New Caledonia)

²² ke oge me he ka ohnyimenâ hnyikânâi je theroniny je dökhu, me ohia tang hwegien je dökhuiny je hnyei; ke oge me he ka ohnyimenâ hnyikânâi je kariota me tavat adre me tabâ, ke ame he ka ta je hors me tavat adre me tabâ, ge hele vat anyin je liamekeiny mödra.

Hagai 2:22 ပူးပေါင်းရင်းမြစ်များ

II. Man Ûlabainy Je Than. 15:6

Ke ödrin e hmouca but, kʼ ame iwahnaihmiony ke hnyei me ke hnyei, me ke taun me ke taun: anyin a Khong ame bwebweli ödrin ge ta je vec hia.

II. Man Ûlabainy Je Than. 20:22

Me ödrin e hwân he ka khumöng, me olungâ, me haba Iehova ame ip tavat lubaduöng ûcon lakon Amona me Moaba, me bucen Seira, tavat a o he ka vat me Juda; ke adre kuc ödrin.

II. Man Ûlabainy Je Than. 20:23

Anyin a haba lakon Amona me Moaba ödrin e tot ûcon aten bucen Seira he ka hlingâ me ohiʼ ödrin: ke ödrin e hia but hhngâ aten Seira, me ödrin e ka ûhlingödrinköu ju.

Salamo 46:9

E ame bi obiny je vat ke ne o but can hmeledrany; E ame ohmetro cafana, me subâ luâ o; E ame thong degecâ je kariota ge meic.

Salamo 76:6

Khongu Jekob lö, ûnyi ge hnâm hna thawâ, Ame tha mokut hnying kariota me hors.

Esodo 14:17

Ke haba inya oge me he bi nya ka onâkâ hnyekon at Aigupito, kʼ adre me he ka hnu hotudra ka hnyin: kʼ oge me he ka oganö nya bi ga Farao, me anyin je vat hia, me anyin je kariota, me anyin je hnyat tabö hos.

Esodo 14:28

Ke ame khutu hmetu but köiö me hûlûlûâ je kariota me vat tabö hos, me utbavat hia anyi Farao adre me ut hotudra ka hnyi köiö, me ba ju köluidra e ba me khaca.

Esodo 15:19

Anyin ame tha utut kâ û ka hnyi köiö je hos hale Farao me anyin je kariota me tavat tabö hos, ke haba Iehova ame okhuto hmetu köiö hudra; ke haba lakon Isaraela adre me he hnyi wanben li köiö hnyi dok ae mada.

Esodo 15:4

E ame hia but khûâ ka hnyi köiö je kariota anyi Farao, me anyin je vat; Kʼ ame û but eû hnyi Köiö ae Dra anyin je tuhan vat adre ûca.

Isaia 19:2

Ke oge me he ka obwebwelâ at Aigupito ka tot metâ bi ka at Aigupito; kʼ adre me he ka ve vat, a ke at me liamekeiny mē, ke ke at me at ame laba hakekeny kâu; ke ke taun me ke taun, ke ke dokhu me ke dokhu.

Isaia 60:12

Anyin ame he ka hia tavat me dokhu bi adre me höcö bi athnyabaem; eke, adre me he ka ti oba wan ta je hnyei eling.

Isaia 9:19

Ame le degecâ hnyei ûnyi ge wathethot anyi Iehova: ke haba tavat, me helâ me uto hnân hiâ hnyi meic; ke ba at ame betenge ge liamekeiny mē.

Ezekiela 21:27

Oge me he ka ohnyimenâ e hnyikânâi, hnyimen hnyikânâi, hnyimen hnyikânâi: kʼ ame he ka hia but ûnyi e, ke ne o but ame o at a hanymen bi; ke oge me he ka ham kâu.

Ezekiela 26:16

Haba hnyi ûen eling me ame he ka utut ta je thaniny köiö hia ûhedrin hnyi hon anyidrin ta je theron, me ip anyidrin je ûkot, me uny anyidrin ta je ûkhaû ae ve bongon bi: kʼ adre me he bi ka okhaûʼ ödra ge öbubuny; kʼ adre me he ka laba hnyi kânâ, ke adre me he ka labö öbubuny, me uthmâhmâ gam.

Ezekiela 38:21

Ke oge me he bi nya ka hawâ hele vat ûcon hnyi anyik ta je bucen hia, haingen Than Iehova; kʼ ame he anyidra je hele vat ka ve ûcon tavat hia.

Ezekiela 39:20

Ke öbun e he ka sekon hnyi anyik laulau ge je hors me je kariota, me tavat hwege, me tavat vat hia, haingen Than Iehova.

Daniela 8:25

Ke ûnyi hnyi anyin bihihwakecin ame he ka sot iyawo hnyi hnyamen: ke e ame he ka ogânâ e bi hnyi hnyekon, ke e ame he ka ohia tavat ae se hia adre me laba khotkic: e ame he minya ka tot ka thaniny ta je than; ke so bi, e ame he ka hmetru, ke ca hnen bi hnyam.

Amosa 2:15

kʼ ame ca he bi ka tot at ame hok cafana: kʼ ame ca he ka kec mot at ae hâhâ can: ke haba khaca, ame ca he at tabö hors ka omelo e bi:

Mika 5:10

Ke haba hnyi bong eling, haingo Iehova, me oge me he ka subâ degecâ je hors hnyi wanbâm, me ohia ânyâm je kariota:

Mika 5:15

Ke oge me he ka bi hwaban hnyi hmonyin me wathethot ka je hnyei adre me ca long bi.

Mika 5:8

Ke ame he ka e bi kolon ga Jekob unyin ta je hnyei, hnyi wanben tavat ae se hia, helâ me liona unyin je menoiny hnyot, helâ me nak liona hnyi wanben je hnahat mamoe: wale, ame ne he wanben, e ame he ka uto, me oloû kia, ke ba at ame he ka hûgûnâ.

Mika 5:9

E so ame gorany hnyamâm hon tavat adre me oveci u, ke so adre me subâ degecâ je iwahnaihmiöny hia möu.

Mika 7:16

Ame he je hnyei ka wâ me hmehma ge manidra man hia: adre me he ka kât je hnyimödra, kʼ ame he ka wejiji je hnyikönyödra.

Zefania 3:8

Anyin a wale halubahing nya ju, haingö Iehova, ke ne o but bong oge me he ka höhöi ka hnyi hna söh: anyin a mou but hnyekuk he ka ûkhacaköuâ je hnyei, mʼ oge me he ka ûkhacaköuâ je dökhu, he ka hingâlâ hudrin anyik hmonyin, wale anyik wathethot ame ubâhlâ; anyin adre me he ka thong degecâ hnyei hia ge meicin anyik ciâ.

Zakaria 10:11

Ke e ame he ka vheno köien ûöveci, me kot je waköiöiny köiö, ke ame he je dok ae dit hnyi Nail ka mada: ke adre me he ka ohnyikânâ bi gan anyin Asuria, ke ame he ka hia hnyi Aigupito uciny musi.

Zakaria 10:5

Ke adre me he ka helâ me tavat hwege, tavat adre me uto je iwahnaihmiony hnyi hmudrainy gethen hnyi vat; ke adre me he ka vat, anyin a e unyidra Iehova: ke ame he tavat tabö hors ka hlohlo.

Zakaria 12:9

Ke hnyi bong eling oge me he ka elâm he ka ohia ta je hnyei hia, tavat adre me hok vat Jerusalema ai.

Zakaria 14:3

Ke haba Iehova ame he ka he but, me vat me je hnyei eling, helâji me hnen hna vat hnyi bonginy vat.

Zakaria 4:6

Me e ame thu me ha könya, ka habe, Walang hna ha hnö Iehova kö Zerubabela, ka habe, Ca ûnyi ge man, ke ca ûnyi ge tang hwege, ke so bi ûnyi ge hanûk, haingö Iehova tuhan sabaoth.

Zakaria 9:10

Ke oge me he ka subâ degecâ kariota ûnyi Eferaima, me hors ûnyi Jerusalema, ke adre me he ka subâ degecâ cafanainy vat; ke e ame he ka ha ûsoköu ka ta je hnyei: ke e ame he ka musi hwân hnyi ke köiö, ke ne o but ka hnyi ke köiö, ke hwân hnyi Wagewe ke ne o but ka hnyi je can hmeledrany.

Mataio 24:7

Anyin ame he ka tot ke hnyei ka ke hnyei, me ke dökhu ha ke dökhu; ke ame he ka hu je hmiâ, me hwiöi hnyi ke je dok.

Hna Omanenâ 11:15

Ke adre tûâ trutru anyin angela a seveniny; me ame o je hwan hofuc ae gan hnyi drany, ame ha, ka habe, Haba dokhu dokhon hmeledrany, me adre hia but wia hnân hobi kâu Tuhöta me Keriso a anyin: me e ame he bi ka musi nyiele nyiele balua.

Owisa 7:22

Ke ödrin e tûâ je trutru a kun ta haded, ke Iehova ama iwiaköuâ hele vat anyin ke at me ke at ka ke at a hanen, ke ûcon vat hia thithö: ke ame kec vat ke ne o but hnyi Bethe-sita hnyi ke keihen Zererath, ke ne o but hnyi bnyigöulen Abela-mehola hnyi Tahath.

I. Samuela 14:16

Ke haba hnyat hmâkâ hnyi Saulo hnyi Gibea hnyi Beniamina ödrin e wâ; ke wâ bi ame aû but tavat, ke adre me kec monu ehele.