Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Hagai 1:9 - Iaai Bible 1901 (New Caledonia)

9 Öbun e gejon ûnyi ae gan, ke wâ bi, e ûhnyûkong; ke öbun e hom e ka hnyi hnyaba, me oge me tûâ e. Geû? haingö Iehova tuhan sabaoth. Can umök uma ae hnyot dö, ke öbun bi, öbun e ve wadring ka hnyi umöbun je uma.

အခန်းကိုကြည့်ပါ။ ကော်ပီ




Hagai 1:9
25 ပူးပေါင်းရင်းမြစ်များ  

KE e hu hmiâ hnyi ûö Davita a kun hunainy, ke huna me ke huna; ke Davita ame elâm hnyimakö Iehova. Ke Iehova ame thu, ka habe, Ga Saulo me anyin lap ame hingâlâ dra, anyin a e ame hlingâ at Gibeona.


Me manen dut je deny köiö ae gan, Adre me omanenâ je taben hmeledrany, Anyin a Iehova ame thawâ, Ûnyi ge homenâiny li hnyingöiny.


Wâ bi, oge me he ka ip hnyi hnyekon ke hanu, ke e ame he ka long ke ûthumetu, me me hmetu ka hnyi iny hnyei; ke oge me he ka ota e ge hele vat hnyi iny hnyei.


Kʼ oge me he ka ha ka Khong, ka habe, Ca he ka haikongu nya; Omanenâ thö könya can u me û nya gan.


E hu at ame oveseâ anyin ta ûnyi, me ame gan tot anyin ta ûnyi; Ke e hu tavat adre behânâ ûnyi ae ûcû, ke adre me he bala ka theduoc.


Ame ca sekon hedis me hnaûhango; Ke haba khaca, ame ca sekon li emakan at.


E ti unöngöt ta je ûnyi hia ge sënyin; e pason he ka ha: ke ca sekon bi li ecmak ge hna wâ, kʼ ame ca unöngöt li hnyeköny ge hna long.


ame meleca hna önying, ke ame kolu vongon; anyin ame tûâ hon e homenö Iehova: e hnathu a hna önying tavat.


Anyin a ten ta ekeriny hnyei ame he ka wa thibi bath a khaca, ke khaca homer wan adre tä ame he ka wa khaca thibi efa.


Adre hia but belökâ hwit, me meno iwadekong; adre hia but oveci ödra bi, ke ba troban: ke öbun e he ka hmehman je jeûiny ibun hnyei, can hmonyin ae gan hmâ anyi Iehova.


Ke oge me he ka hingâlâ anyik hmönyin hom; oge me he ka tûâ köu meicin anyik wathethöt: ke oge me he ka hnö u ka hnyi hnyamen tavat a helâ me meno, tavat ae khanʼ ödra he ka ûohiö.


Ke hnyi huna a thabûnginy öbun e he ka han je wan, me me hu troban köbun: Inya Iehova Khongubun.


Hawa, e ûen labâ umöbun je uma adre tubi eeöiny, ke hnyot bi uma kap ang?


Öbun e hia but ti belök, ke ûhnyûkong bi hna hom; öbun e han, ke ca sekubun bi; öbun e ic, ke beic bala bi; öbun e khaû, ke ba at ame mage bi; ke haba at ame huliwa ge hwaban, me ame hom hwaban he ka hitangen hnyi tang ae moku.


Öbun e ne ca he ka long, me ca ip hmâ hnyi hnyekubun, he ka ogânâ iök, haingö Iehova tuhan sabaoth, me oge me he bi nya ka kunâ köbun hnaûhango, ke oge me he ka hangâ hna ha hnahici öbun; eke, oge hia but hangâ, anyin öbun e ca ip hmâ e hnyi hnyekubun.


E gan hmâ je hatong u me he ka hom ka hnyi em hnyei, ke ûhnyûkong bi u me he ka ip; anyin ame he ka han hnen ta je wahamon.


Ke so bi e hu gak ûnyi ang gam, a u me hna degecâ wem a bân.


Oge me nâ me kot tavat oge me betenge gadra: anyin a wale, hwege thʼ öbun me ietra ju.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ