Hagai 1:6 - Iaai Bible 1901 (New Caledonia)

⁶ Öbun e hia but ti belök, ke ûhnyûkong bi hna hom; öbun e han, ke ca sekubun bi; öbun e ic, ke beic bala bi; öbun e khaû, ke ba at ame mage bi; ke haba at ame huliwa ge hwaban, me ame hom hwaban he ka hitangen hnyi tang ae moku.

Hagai 1:6 ပူးပေါင်းရင်းမြစ်များ

II. Samuela 21:1

KE e hu hmiâ hnyi ûö Davita a kun hunainy, ke huna me ke huna; ke Davita ame elâm hnyimakö Iehova. Ke Iehova ame thu, ka habe, Ga Saulo me anyin lap ame hingâlâ dra, anyin a e ame hlingâ at Gibeona.

I. Je Than 17:12

Me ame thu momo, ka habe, Kia inya Iehova Khongom, ae ba ong arete unyik, ke khaca thibi hna auk falawa hnyi taben, me ong wakaco hnyi kaia: ke wâ bi, oge me thigâ li ong utö, me inye he ka didro me le hobi könya me nokuk, mʼohmu me an dö kʼ ohmu mokcu.

Nehemia 5:2

Anyin ae hu gadrin tavat ödrin e ha, ka habe, Ohmun se hia ohmun me je lakuhmun obaga me wahlu, hnʼ ohmun ju he ka hom hwit, mʼ ohmun e han me möt.

Jobu 20:22

E ame he ka theduoc, hnyi ûen e ame unöngötö ge omjeû: Kʼ ame he tavât ae hlöuhlöu ka hai hnyamödrin kâu.

Jobu 20:28

Ame he ka hia tang omjehen umen uma, Kʼ ame he ka hingölâ degecâ hnyi bonginy anyin hmonyin

Salamo 107:34

Me kânâ ae wa me me hnyebubainy sâlt, Can hulo anyin tavat adre me labâ e.

Ta je Vejec 11:24

E hu at ame oveseâ anyin ta ûnyi, me ame gan tot anyin ta ûnyi; Ke e hu tavat adre behânâ ûnyi ae ûcû, ke adre me he bala ka theduoc.

Isaia 5:10

Anyin a ten ta ekeriny hnyei ame he ka wa thibi bath a khaca, ke khaca homer wan adre tä ame he ka wa khaca thibi efa.

Jeremia 12:13

Adre hia but belökâ hwit, me meno iwadekong; adre hia but oveci ödra bi, ke ba troban: ke öbun e he ka hmehman je jeûiny ibun hnyei, can hmonyin ae gan hmâ anyi Iehova.

Jeremia 14:4

Adre me hmehma tavat trohnen, me tube je bödra, anyin a khekhe but kânâ, can ae ba we hnyi hnyei.

Jeremia 44:18

Ke hwân hnyi ûen ohmun e ca leû utö ae bo so ka momo thaniny drany, ke hingâlâ je hudiny ic kâu, me hia gahmun ta je ûnyi hia, ke adre oaû ohmun ge hele vat me hmiâ.

Hosea 4:10

Ke adre me he ka han, me ca sekudra bi; adre me he ka bi ûnyi monu, kʼ adre me ca he bi ka osehia: anyin adre hia but degec he ka löng kö Iehova.

Hosea 8:7

Anyin adre me belökâ ang, me adre me he ka meno hou: ke ba gan hwit ame kû, ke ba falawa hnyi boviny: ke a ne hu, me ame he bi je atkanyua ka utâ e.

Levitiko 26:20

ke ame he ka ba troban hwegiö-bun; anyin ame ca he kânâ ka okûâ jeûiny, kʼ ame ca he ka wa ta je ûöiny hnyei.

Levitiko 26:26

Hnyi ûen oge me thu uciny anyibun jeû, me ame he ten ta momo ka tha inyâ ö ʼbun hnyi wahnainyâ a khaca, kʼ odrin e he ka ham hmetu ö bun hoton tulut: kʼ öbun e he ka han ke ca sekon bi.

Hagai 1:10

Anyin a wale, can gabun adre me thawâ drany me me ba dân hau, ke adre me thawâ kânâ me me ba jeûiny.

Hagai 1:5

Ke walang ang, walang hna ha hnö Iehova tuhan sabaoth, ka habe, Ûnykûme ju debun je gethen.

Hagai 1:7

Walang hna ha hnö Iehova tuhan sabaoth, ka habe, Ûnykûme ju debun je gethen.

Hagai 1:9

Öbun e gejon ûnyi ae gan, ke wâ bi, e ûhnyûkong; ke öbun e hom e ka hnyi hnyaba, me oge me tûâ e. Geû? haingö Iehova tuhan sabaoth. Can umök uma ae hnyot dö, ke öbun bi, öbun e ve wadring ka hnyi umöbun je uma.

Hagai 2:16

hwân hnyi je bong hia eling, ame ne o at ka hnyi hna khon hwit a twente je tulut, me ame ten biju; ame ne he ke at ka hnyi tangen waina he ka sâû fifte je tulut, me ame twente biju.

Hagai 2:17

Oge me kuc öbun ge meleca me om, me we wahma hnyi ta je huliwa hia anyin je hnyamöbun; ke so bi öbun e ca hwio könya haingö Iehova.

Zakaria 5:4

Oge me he ka kunâ e, haingö Iehova tuhan sabaoth, ke e ame he ka dit hnyi hnyin uma umen at venöu, me uma umen at ame khemanyinâ thoiâ iök: ke e ame he ka laba hnyi hnyin umen uma, me ohia e, tha e me ûtoiny, me je vetoiny.

Zakaria 8:10

Anyin ae tiga ca o je bong eling, adre me ca bi hwaban ka tavat, me hobi kâu je meno; ke ba hnahic ka at ame didrut me didro can iwahnaihmiony: anyin oge me ve kunâ tavat hia he ka ûiwahnai-hmiönyköu.

Malaki 2:2

Öbun e ne ca he ka long, me ca ip hmâ hnyi hnyekubun, he ka ogânâ iök, haingö Iehova tuhan sabaoth, me oge me he bi nya ka kunâ köbun hnaûhango, ke oge me he ka hangâ hna ha hnahici öbun; eke, oge hia but hangâ, anyin öbun e ca ip hmâ e hnyi hnyekubun.

Deuteronomi 28:17

Ame he ka hnaûhango tangâm tang, me taben u me bi ânyâm falawa hnyin.