Hagai 1:13 - Iaai Bible 1901 (New Caledonia)

¹³ Me haba Hagai, me ûthumetu anyi Iehova hnyi hofuc ho Iehova, me e ame ha, ka habe, Tha inya but möbun haingö Iehova.

Hagai 1:13 ပူးပေါင်းရင်းမြစ်များ

Isaia 43:2

U ka he ka hanyâûâ je köiö, me oge me he ka tha inya möu; me je wagewe, adre me ca he ka khutukhaûö u: u ka he ka he wanben meic, ame ca he ka thung u; kʼ ame ca he bâhlân ka möt unyâm.

Mataio 28:20

ke nʼ ödra thö he ka vheno ta je ûnyi hia thithö waleji oge me hûna köbun: ke wâ bi, inya oge me tha e möbun hnyi ta je bong hia thithö ke ne o but ka hnyi obiny hmeledrany.

Roma 8:31

Ieû ate me he ka ha hnyi ta je ûnyi e? A ne tha hien mʼ öta Khong, ia ûcûta?

Malaki 3:1

WÂ bi, oge me kunâ anyik ûthumetu ke e ame he ka ânyâwia gethen hnyi hnyimakök: ke ame he ka ie o ka hnyi uma umen Than wale öbun e elâm; me ûthumetuiny ûhihinyköu at öbun e senyinâ, wâ bi, e ame o, haingö Iehova tuhan sabaoth.

Hagai 2:4

Ke walang ang, Zerubabela lö, hwege thö, haingö Iehova; ke hwege thö u Josua nöku Jozadaka at bihut ae nua; ke hwege thʼ öbun tavat hia aten hnyei, haingö Iehova, ke huliwa thö: anyin a tha inya but möbun haingö Iehova tuhan sabaoth,

Isaia 41:10

awe, ca ot bi, anyin a tha inya möu; ca hlohlo bi, anyin a inya Khongom: oge me he ka ohwegiö u; eke, oge me he ka hadruo u; eke, oge me he ka ci u ge hnyamök a metök ae wisa.

Salamo 46:11

Tha e mota Iehova tuhan sabaoth; Hnöta hnabâ Khongu Jekob. [Sela.

II. Timoteo 4:17

Ke so bi ame tha tot mönya Than, me ham könya man; me me he ka ti manen dut gak hna khetâ hofuc, me me löng hia Aten ta je hnyei: ke iny möt bi ûnyi hnyi hnyimen liona.

Mataio 18:20

Anyin a haba dok ame ûkhacaköu hnyin li at a lo, ame ne kun, hnyi iök, me inya ling hnyi wanbödrin.

Mataio 1:23

Wâ bi, ame he hlu ka erkin, me hnokoâ da, Kʼ adre me he ka hwenyi ien Emanuela; walang bongon, E but unyita Khong.

Malaki 2:7

Anyin a hamen li esongodiny at bihut he ka tuö metâ, ke e ûcû he ka elâm hnanyibu hnyi hnyimen: anyin a e ûthumetu anyi Iehova tuhan sabaoth.

Jeremia 30:11

Anyin a haingö Iehova, ka habe, tha inya but möu he ka omeli u; anyin oge me he ka bi obiny ka je hnyei hïa waleji oge obö u ka hnyin, ke oge me ca he ka bi obiny köu; ke oge me he ka nö u ge hna owisa, ke oge me ca he ka hnö u ke ba hwaban.

Jeremia 20:11

Ke e bi Iehova unyik helâ me taben vat ae hwege: anyin a wale ame he ka haûhaû but tavat adre me hnu nya, me ca tudra bi: adre me he ka hmehma gan hmâ, anyin a ca tudra bi, adre me ca he ka hnying anyidra hmehma nyiele balua.

Jeremia 15:20

Ke oge me he ka wiö u ka tavat ang hnân hak bras ae hwege; ke adre me he ka vat möu, ke ame ca he ka tudra: anyin a tha inya möu he ka tuö u, me omeli u, haingö Iehova.

Salamo 46:7

Iehova tuhan sabaoth ame laba unyita! Khongu Jekob hnöta hnabâ [Sela.

II. Man Ûlabainy Je Than. 32:8

haba e unyin, me benyin at; ke unyitin Iehova Khongutin he ka hadruʼ otin, me vâtâ anyitin je vat. Ke haba tavat me adre me labageju ka hofuc ho Hezekia than Juda.

II. Man Ûlabainy Je Than. 20:17

E ca ûnyi hnathu köbun he ka vat eling: tot metâ ju, me todru, me wâ ûhomeli anyi Iehova hobi köbun a at Juda me Jerusalema: ca ot bi, me ca öbubuny: he thʼ öbun ködrin nyi: anyin a tha Iehova möbun.

Ezekiela 3:17

Nokon at lö, oge hia but otilö u hnân at tue hobi kâu lap anyi Isaraela: anyin a wale long ju hofuc ûnyi hnyi hnyimök, me koû kodra ûnyi gak.

Isaia 44:26

at ame ohnathoâ hofuc hwan athnyahainy, me ohwâdâ hna ûhnenamö hnen anyin je metâ; at ame ha ge Jerusalema, ka kabe, Adre me he ka labā e; haingen ge je tauniny Juda, ka habe, Adre me he, ka up veto, ke oge me he ka otilâ hmeto je hudrei:

II. Timoteo 4:22

E so e unyin hanom Than. E so e unyibun ibetengiö baû.

II. Korinito 5:20

Anyin a wale, öhmun je metâ anyin Keriso, helâke Khong ame khöû ûnyi gahmun: ke öhmun e sumatʼ öbun, hobi kâu Keriso, ka habe, ûsoköu öbun ju me Khong.

Isaia 42:19

Ie wadröu, wale athnyabaik? me ie wejiji helâ me anyik ûthumetu oge me kunâ? ie wadröu helâ ma at ame ûsoköu mönya? ke wadröu helâ me athnyabai Iehova?

II. Man Ûlabainy Je Than. 15:2

me e ame he ka ûkhanö me Asa, me ha kâu, ka habe, Asa lö, long ju öbun könya, Juda me Beniamina hia: e bala bi Iehova unyibun hnyi ûen öbun e tha öbun më; ke öbun e ne elâm me öbun e he ka wâ e; ke öbun e ne degec, me e ame he ka digic öbun minya.

Owisa 2:1

KE ame o hnyi Bokim ûheny Gelegala angela anyi Iehova. Me e ame ha ka habe, Oge me kunʼ öbun ûheny Aigupito, me hum öbun ka hnyi hnyei waleji oge khemanyin ka lakamöbun; ke oge me ha, ka habe, Oge me ca he balua ka oûnyibâûâ anyik ûhihinyköu möbun:

I. Man Ûlabainy Je Than. 28:20

Ke Davita ame ha kö Solomona a nokon, ka habe, Hwege thö, me hnyok baga but, me ânyâ thö; ca ot bi, ke ca öbubuny bi: anyin ame he Iehova Khong, a Khonguk, ka tha e möu; e ame ca he ka hia unyâm, me hna degeci u, ke ne o but adre umo ta je ûnyi hia hnân huliwainy uma umö Iehova.