Hagai 1:12 - Iaai Bible 1901 (New Caledonia)

¹² Me haba Zerubabela nöku Sealetiela, me Josua nöku Jozadaka, at bihut ae beö-nua, me je kolon hia hnyi hnyei, me adre me long hoton hofuc ho Iehova Khongudrin, me hofuc ho Hagai perofeta, hoton hna kunâ ga Iehova Khongudrin; ke ame ootö Iehova hnen tavat.

Hagai 1:12 ပူးပေါင်းရင်းမြစ်များ

Genese 22:12

Me e ame ha, ka habe, Ca ip hnyamâm hon da, ke ca ânyâ ke ûnyi kâu: anyin a oge wâ but walang ang a u me outen Khong, anyin a u je ca behânâ gak nokom, wale nokom a khaca.

Ezera 10:18

Ke ödrin e wâ ke je lakon tavat bihut, tavat hok momo kanyua: wale ke je laku Jesua nöku Jozadaka, me je liamekeiny mē, jia Maseia, me Eliezera, me Jarib, me Gedelia.

Ezera 5:2

Me ame todrö Zerubabela nöku Sealetiela, me Jesua nöku Jozadaka, me hwân he ka op uma umen Khong hnyi Jerusalema; ke e unyidru je perofeta anyin Khong he ka hadruʼ ödru.

Salamo 112:1

OGANÖ Ja thʼ öbun. Hnahic hnen at ame outö Iehova, At ame senyin gan hmâ ge anyin ta je hnanyibu.

Ta je Vejec 1:7

Haba hwakecin he ka ot kö Iehova, me wale hwân he ka wâhmakhmeto; Haba tavat ae monu me adre me hmiôdra meta me hna ûne.

At Khet 12:13

Walang obiny ûnyi e; adre hia but long hia: outen ju Khong ke vheno anyin ta je hnanyibu; anyin a wale hanymen ae bekhot ge tavat hia.

Isaia 1:19

Öbun e ne hmehmela me long, me öbun e he ka an so ûnyi hnyi kânâ:

Isaia 50:10

Ia gabun ame outö Iehova, at ame löng ifucin athnyabainy? haba at ame he hnyi menekholom ke ba melam gan, e so e ame labageju ka iö Iehova, me fat ka Khongon.

Hagai 1:1

HNYI huna a loi Dariu than, hnyi tehi a siksiny, hnyi bong a bâniny tehi, ame o but hofuc ho Iehova a deny Hagai perofeta kö Zerubabela nöku Sealetiela, gavenainy Juda, me kö Josua nöku Jozadaka, at bihut ae beönua, ame ha ka habe,

Hagai 1:14

Me haba Iehova ame bwebwelâ hnyeku Zerubabela nöku Sealetiela gavenainy Juda, ke hnyeku Josua nöku Jozadaka at bihut ae beönua, ke je hnyekon tavat hia hnyi hnyei; me adre me o, me ânyâ huliwa hnyi uma umo Iehova tuhan sabaoth, Khongudrin,

Hagai 2:2

Ha thö walang ang kö Zerubabela nöku Sealetiela gavenainy Juda, ke Josua nöku Jozadaka at bihut ae nua, ke kolon tavat, ka habe,

Ta je huliwa 9:31

Ke hnahic ut ekalesia hnyi je ke keihen Juda hia, me Galilaia, me Samaria, kʼ ame khulelau bi; ke adre me labö he me ot ka Than, kʼ ame kahwa je hnyekudra ûnyi ge Hanu Kap, kʼ adre me osehia but.

Deuteronomi 31:12

Ûkbacaköuâ tavat, obaga me omomo me tavat ae ûhnyûkong, me atkanyua unyâm hnyi ânyâm je lap, mʼ adre me löng, me nâ, me outö Iehova Khongubun, me wâ wia he ka ânyâ ta je hofucin hia hnanyibu eang;

Deuteronomi 31:13

me me löng hnen lakudra á hnyat adre tiga ca löng, we nâ he ka outö Iehova Khongubun, hnyi je bong hia öbun e laba hnyi hnyei öbun e he ka hanyâûâ Joridano ka hnyin he ka hu e.

Kolose 1:6

wale a o köbun; helâ minya ka hmeledrany hia thithö, kʼ ame wa wan me kû tot, helâe minya unyibun, hwân hnyi bong öbun e long me wâhmakhmeto ibetengiö baû anyin Khong hnyi hnathu;

Heberu 12:28

Anyin a wale, ate me kap dokhu ae ca khanʼ ödra he ka obwebwelâ, me so ate me he ka hu ibe-tengiö baû, mʼ ate me he ka ânyâ huliwa ame he Khong ka senyinâ, me ogânâ e me ot: