Hagai 1:11 - Iaai Bible 1901 (New Caledonia)

¹¹ Ke oge me oi seûno ka hnyi kânâ, me ka je bucen, me ka hnyi hwit, me ka hnyi waina, me ka hnyi wakaco, me ka hnyi jeûiny kânâ, me ka at, me ka meno, me ka hnyi ta je huliwa hia hnen hnyam.

Hagai 1:11 ပူးပေါင်းရင်းမြစ်များ

I. Je Than 17:1

KE haba Elia at Tisebi, hanen tavat adre me laba hnyi Gileada, ame ha kö Ahaba, ka habe, Kia inya Iehova, Khongu Isaraela, wale oge me tot hnyi hnyimakan, a ame he ka ba hau, me we hnyi je huna, ke so bi hoton hok hofuc.

II. Je Than 8:1

KE a hia but Elisaia fuc ka momo waleji e ame omelö nokon, me ha, ka habe, Todrö, me u me he, me ânyâm lap, me laba kanyua hnyi hnâm hna he ka wâ: anyin a hia but hawâ hmiâ ga Iehova; kʼ ame he ka o minya hnyi hnyei ke ne o but hnyi seven je huna.

Jobu 34:29

E ka omenâ, me ie ame he ka haikongoâ? Ke e ka ikhâlâ hnyimakan, me ie ame he ka wâ e? Adre me ne ânyâ ka hnyei, kʼ adre me ne ânyâ ka at, me, khaca thibi:

Jeremia 14:2

Juda ame tenge, ke je homagouleny ame hlöuhlöu, adre me laba, ke hlit bi hon kânâ; ke ame o thö hwan tenge hnyi Jerusalema.

Je tenge anyi Jeremi 1:21

Adre long ut a inya oge mâng; ke ba at ame otubweli nya; A long ut je iwahnaihmiony mönya hia hna okongu nya; adre me senyin a u je hia but ânyâ: U me he ka oâ bong waleji u je thu, mʼ adre me he ka ûcû mönya.

Amosa 5:8

elâm dö at ame ânyâ kukuûnyi me orion, kʼ ame wia hmenon mok ka hnyi hnyomakatu, at ame omenekhulumo lany me me lit; kʼ ame hawâ köien köiö ae gan me hingâlâ ka hnyi kânâ: Iehova ien;

Amosa 7:4

Walang hna omanenâ könya ge Than Iehova: ke wâ bi, Than Iehova ame hawâ meic hnân bi hwaban, ke e ame thong dok ae ti dit, ke ame bethong ut kânâ.

Amosa 9:6

e thibi at ame op je hnyeuleny ethö hnyi drany, kʼ ame bi taben hnyeuleny hnyi hmeledrany: at ame hawâ köien köiö ae gan me hingâlâ ka hnyi hon kânâ, Iehova ien.

Hagai 2:17

Oge me kuc öbun ge meleca me om, me we wahma hnyi ta je huliwa hia anyin je hnyamöbun; ke so bi öbun e ca hwio könya haingö Iehova.

Hagai 2:19

Hawa e hu hatong hnyi omhani? eke, ame ca wa bi ivine, me imeta, me rimona, me elaio; hwân hnyi bong ang oge me he ka ohnahici öbun.

Malaki 3:11

Ke oge me he ka thawâ hobi köbun at ame ohia, ke e ame ca he ka ohia jeûiny könöbun kânâ; ke ame ca he ka ba wan halebun vine hnyi ta hnyei, haingö Iehova tuhan sabaoth.

Malaki 3:9

Ame ti ohnaûhangʼ öbun; anyin öbun e venâu gak, wale hnyei hia ang.

Deuteronomi 28:22

Ame he Iehova ka kuc u ge delâ, me kahwa unyin, me hngihngidra, me kahwainy meic, me hele vat, me meleca, me om; kʼ adre me he ka hnu u ke ne o but u me mokcu.