Habakuka 2:3 - Iaai Bible 1901 (New Caledonia)

³ Anyin a haba hna omanenâ me hobi kâu ûen adre thu, kʼ ame he mweimwei ka hnyi obiny, kʼ ame ca he bi ka thoi: eja ke ne a ne bec, më halubahingen; anyin e hnathu e ame he ka o, kʼ ame ca he ka bec.

Habakuka 2:3 ပူးပေါင်းရင်းမြစ်များ

II. Je Than 6:33

Ke e ame tiga ûhnenamö mödrin, wâ bi, ame o but kâu ûthumetu: me e ame ha, ka habe, Wâ bi, ûnyi ga Iehova kong ang; anyin a ieû oge me he ka halubahing Iehova hmetu?

Salamo 102:13

U me he ka tot me betenge ge Ziona: Anyin a ûen dut he ka betenge gan, eke, a o but ûen adre thu.

Salamo 27:14

Halubahing Iehova ju: Hwege ju, ke so ame he hnyekom he ka hwege; Eke, e so u ma halubahing Iehova.

Esodo 12:41

Ke haba hnyi obiny je huna a foa haded ke thöte, hnyi bong eling ame he but ta je köiö anyi Iehova hia ûhedra hnyi hnyei Aigupito.

Isaia 30:18

Anyin a wale ame he Iehova ka halubahingen me me betenge gabun, ke can e adre me he ka ogânâ e, me me he ka betenge baû köbun; anyin a Khongon owisa Iehova; hnödra hnahic hia adre me halubahingen e.

Isaia 7:4

me ha kâu, ka habe, Wâ ju, me mē laba ju; ca ot bi, ke ca sēnyin bi hnyekom, can li hnyiban uto eang ae hai, ke can hmonyin anyi Rezina, me Suria, me nöku Remalia.

Isaia 8:17

Ke oge me he ka halubahing Iehova, at ame ikhâlâ hnyimakan ge lap anyi Jekob, ke oge me he ka elâm e.

Jeremia 27:7

Ke ame he je hnyei hia thithö ka bi athnyabainy, me lakon, me laöbiny, ke ne o but ame o but ûen iny hnyei bi: ke ame he bi je hnyei ae se hia, me je than ae gan ka thaluâ e.

Ezekiela 12:25

Anyin a inya Iehova; oge me he bi nya ka fuc, ke haba hofuc oge me he ka ha me ame he bi ka hwâdâ; ame ca he hmetu ka bec: anyin oge me he ka ha hofuc hnyi bongubun je bong, lap ae ûkhin fuc, me ohwâdâ e, haingen Than Iehova.

Ezekiela 30:9

Hnyi ûen eling ame he ka he but je ûthumetu ûheny unyik adre tabâ je hu he ka ootâ at Aithiop tavat adre me laba sot; ke adre me he ka hu vec helâ me je bonginy Aigupito; anyin a wâ bi, e but ang.

Daniela 10:14

Ke walang ang oge me o but he ka thumetu u ge ta je ûnyi ame he ka o ka aten em hnyei hnyi je bong a biliny: anyin ae bec je bonginy hna omanenâ.

Daniela 11:27

Ke haba li than eling, me ödru me he ka hnyok ûokonguny, ke ödru me he ka ûhnenamö thoi hnyi laulau a khaca: kʼ ame ca he ka hwâdâ: anyin adre me he ka bi obiny hnyi ûen adre thu.

Daniela 11:35

Ke ame he keihen tavat ae metâ ka ta, madre me cubic ödra, me ânyâwia, me ohawâ, ke ne o but ûen obiny: anyin ame he ka e hnyi ûen adre thu.

Daniela 8:17

Me e ame hakekeny ka hnyi dok oge me tot hnyin; ke e ame o but, me oge me ot, me ta hnyikânâi; ke e ame ha könya, ka habe, Nokon at lö, wâhmakhmeto ju; anyin ame he ka hwâdâ hna omanenâ hnyi ûen hnyi obiny.

Daniela 8:19

Ke haingen, ka habe, Wâ bi, oge me he ka thumetu u ge ûnyi ama he ka o hnyi ûen hmonyin hnyi obiny: anyin ame he ka hwâdâ hnyi ûen adre thu hnyi obiny.

Daniela 9:24

Sevente je wik adre me thu ka hnyi em hnyei, ke ânyâm taun ae kap, mʼ adre me obekhötâ hna hanyâûâ, me bi obiny je hulo, me tube hwakecin ae monu, mʼ adre me oâ wisa a nyiele balua, me ohmâ haten hna omanenâ ke hna perofeta, me hû dok ae ti kap.

Mika 7:7

Ke haba inya, oge me he ka bwele kö Iehova; oge me he ka lubahingen Khongon melik: ame he Khonguk ka ling nya.

Zefania 3:8

Anyin a wale halubahing nya ju, haingö Iehova, ke ne o but bong oge me he ka höhöi ka hnyi hna söh: anyin a mou but hnyekuk he ka ûkhacaköuâ je hnyei, mʼ oge me he ka ûkhacaköuâ je dökhu, he ka hingâlâ hudrin anyik hmonyin, wale anyik wathethot ame ubâhlâ; anyin adre me he ka thong degecâ hnyei hia ge meicin anyik ciâ.

Numera 23:19

Haba Khong me ca at bi, me me he ka thoi; Ke ca nokon at bi, me me he ka ietra: Hawa e ame fuc kʼ ame ca he ka ânyâ? Ame ha hofuc, kʼ adre me ca he ka owhâdâ?

Luka 2:25

Ke wâ bi, wale ke at hnyi Jerusalema Simeona ien; e at ae wisa hwakecin me outen Khong, ame halubahingen hna otubwelâ at Isaraela: ke e Hanu Kap hnyi hon.

Ta je huliwa 1:7

Haingen ködrin, ka habe, E ca hanymöbun he ka wâ je bong me je huna ame ip ge Kamen kʼ ame muso bi.

Ta je huliwa 17:26

ke e ame op hnyi dra a khaca tavat hia he ka labâ hmeledrany, ke a hia but thu je ûen adre otilâ ehac, me je hnyigoulen je idra;

Galatia 4:2

ke ame muso e hnen tavat ûne, me tavat tue, ke ne o but hnyi ûen a thu hnen kamen.

II. Peteru 2:3

Ke adre me he ka ûcû öbun ge hwaban hofuc ae thoi, anyin adre me behnyekudra omjeû: ke haba hna he ka bi hwaban kodra ehac, me, ca bec bi, ke baba hnaûhango adre ip hobi ködra ame ca ta mokut bi.

II. Peteru 3:9

E ca bec bi Than hnyi hnen hna ha bânâ, helâ me ûnykûmenen keihen, ka habe, e bec; ke e ame hok hnyoki öbun beû hmâ, e ca weny bi ame he ke at ka hnaûhango, ke so bi adre me he hia thithö ka ietra.