Genese 9:2 - Iaai Bible 1901 (New Caledonia)

² Kʼ ame he ka ot gabun me hiny gabun ta je meno hia eang hmeledrany, me je meno ame gâ ethö, me ta je ûnyi hia adre iyâûâ monoâ kânâ, me ta je wâ hia eû hnyi köiö, adre hnʼ ödra but ka hnyi hnyamöbun.

Genese 9:2 ပူးပေါင်းရင်းမြစ်များ

Genese 1:21

Ke Khong ame op je wâ ae gan hmâ, me ta je ûnyi hia thithö ae mot ame bwebwet, waleji ame odedo hnen köiö, hoton je ve bongon, me ta je meno hia ae hu labenyin, hoton je bongon: ke Khong ame wâ a e so.

Genese 1:26

Ke haba Khong ame ha, ka habe, E so ate me op at hnyi wi ota, me tha ûcû mʼ öta: ke hamödra he ka musö ta je wâ eû hnyi köiö, me ta je meno ame gâ ethö, me ta je meno a vak cadra, me hmeledrany hia thithö, me ta je meno ame iyâû wale adre me iyâûâ hmeledrany.

Genese 1:28

Ke Khong ame hahnahici ödru: ke haba Khong ame ha ködru, ka habe, Si but, me dudu but me ödedoâ hmeledrany, me hom ûhnyûkongo; me musö thö ta je wâ eû hnyi köiö, me ta je meno ame gâ ethö, me ta je ûnyi hia ae möt ame iyâûâ hmeledrany.

Genese 2:19

Ke Iehova Khong ame op ûnyi hnyi kânâ ta je menoiny hnyot hia, me ta je meno hia ame gâ ethö; me hum ödra ka at me me wâ ia ien e ame he ka hwenyi ödra: ke haba ien ta je meno ae möt hia ame hwenyi iödra at, wale ien bi.

Genese 35:5

Kʼ adre me he but: ke e gan hmâ hna outen hnyi ta je hnyei igigili ödra, kʼ adre me ca hnu hoton je laku Jekob.

Genese 9:1

KE Khong ame hahnahici Noa, me je lakon, me ha ködrin ka habe, Si but, me dudu but, me dedo hmeledrany.

Genese 9:3

Haba ta je ûnyi hia ame bwebwet ae möt ame he ka hnân ö ʼbun; oge hia but ham köbun hia helâji me ta je ûö ae ometu ae hat.

Jobu 39:11

U me he ka labageju kâu anyin ae gan hmâ hwegien? Ke u me he ka hna ânyâm huliwa kâu?

Ezekiela 34:25

Ke oge me he ka ânyâ ûhihinyköu ûsoköu mʼ ödrin, ke oge me he ka ohia ta je meno ae kong ûnyi hnyi hnyei: ke adre me he ka laba khotkic hnyi hnyebuba, ke mokut hnyin hnyi hnyot.

Hosea 2:18

Ke hnyi ûen eling oge me he ka ânyâ ûhihinyköu hobi ködrin me je menoiny hnyot, me je meno ame gâ ethö, me je meno ame iyawâ kânâ: ke oge me he ka thu cafana me hele vat, me vat ûnyi hnyi hnyei, ke oge me he ka omokulic ödrin hnyi sot.

Levitiko 26:22

Ke oge me he ka kunâ köbun je menoiny hnyot he ka hûgûnâ lakubun, me ohia halebun je meno, me owakhaleti öbun; kʼ ame he ka ba at eû hnyi debun je gethen.

Levitiko 26:6

Ke oge me he ka ham ûsoköu köbun hnyi hnyei, ke öbun e he ka mokut, ke ba at ame he ka oti öbun: ke oge me he ka, ohia je menoiny hnyot ae kong hnyi hnyei, kʼ ame ca he hele vat ka vheno ibun hnyei.

Iakobo 3:7

Anyin adre me ohnamâ ta je meno ae ve bongon me ta je meno ame gâ, me ta je ûnyi ame iyâû, me ta je ûnyi ae möt eû hnyin köiö, adre hia but ohnamâ ta je ûnyi e ge metâ anyin at: