Genese 8:21 - Iaai Bible 1901 (New Caledonia)

²¹ Ke Iehova ame löng bunen ae bo; ke haingö Iehova eû hnyi hnyekon, ka habe, Oge me ca he hmetu ka hangâ kânâ can at, anyin ae kong weny hnyekon at hwân ke tiga wanakat; ke oge me ca he hmetu ka hhngâ ta je ûnyi hia ae möt, helâji me hnök hna ânyâ.

Genese 8:21 ပူးပေါင်းရင်းမြစ်များ

Genese 3:17

Ke e ame ha kö Adamu, ka habe. Anyin a u je hia but löng hoton hwan âiâm, me han ûnyi hnyi ûö waleji oge me nyibu u gan, me ha ka habe, Ca he ka han ûnyi hnyin; awe hnaûhangö but kânâ ûnyi gam; ke u ma he ka han ûnyi hnyin hnyi vec hnyi ta je bonginy ânyâm möt hia;

Genese 4:12

u ka belökâ kânâ, ame ca he hmetu ka ohwenyingâ gânâ; ke u ma he bi u ka at baû, me at he monu eang hmeledrany.

Genese 5:29

ke e ame hwenyi ien bi, me, Noa, ke haingen, Walang at ame he ka otubweli ötin ge anyitin huliwa, me vecin li hnyamöta ûnyi ge kânâ waleji a hangâ Iehova.

Genese 6:13

Ke Khong ame ha kö Noa, ka habe, A o but hnyi hnyimakök obiny tavat hia thithö; anyin a unöngötö hmeledrany hnen ûkonguny ûnyi gadra; ke wâ bi oge me he ka tha ohiʼ ödra me hmeledrany.

Genese 6:17

Ke wâ bi, inya oge me he ka oûkhutukhavâ hmeledrany ge uoû, me me he ka ohia unyin hia ae hu hnyin homenâiny möt ûnyi eang hmelen; kʼ ame he ka mokcu ta je ûnyi hia thithö eang hmelen.

Genese 6:5

Ke a wâ but Iehova a e gan hmâ butmonuiny at eang hmeledrany, ke kong ut ta je hna ûnykûme hia eû hnyi hnyekudra hnyi ta ogo bong hia.

Genese 6:7

Ke Iehova ame ha, ka habe, Oge me he ka ohia at waleji oge hia but op, ûnyi hnyi kânâ; wale at, me menoiny hnyot, me ûnyi ame iyâû, me meno ame gâ ethö; anyin a khenyi but hnyekuk ge hnök hna up ödra.

Jobu 14:4

Ie at ae khana hom ke ûnyi ae kalaöt ûnyi hnyi ûnyi ae ca kalaöt? e ba at.

Salamo 51:5

Wâ bi, adre me hnöku nya hnyi monu; Ke a erkin mönya bai hnyi hulo.

Salamo 58:3

Adre me oatkanyua tavat ae kong hwân ge hna hnokoâ: Adre me he hwali hwân eû hnyi hnyok, me ha je thoi.

Salamo 58:4

Haba anyidra pâizon me helâ me pâizoniny on: Ödra ûcû me asipi ae wejiji, at ame hlöng hnyikonyen;

Esodo 29:18

Ke u me he ka tha le hia mamoe baga hon taben hut; wale hut hnân le kö Iehova: wale hut ae bo so, me hut a le ge meic kö Iehova.

Esodo 29:25

Ke u me he ka hom je ûnyi e ûnyi hnyi je hnyamödrin, me le hon taben hut hnân hut adre le, e me bo so hnyi hnyimakö Iehova.

Ta je Vejec 20:9

Ie at ame he ka ha, ka habe, Oge hia but okalaötâ hnyekuk, Iny bo so but ûnyi ge hulo?

At Khet 7:20

Anyin ae ba at ae wisa eang hmeledrany, a at ame ânyâ so kʼ ame ca ânyâ hulo.

Isaia 47:12

Todrö walang ang me ânyâm ta je bihihwakecin, me hnâm hna osehia bi khong, wale u je huliwa hnyin hwân kʼ u tiga wanakat; ame ne khanö u he ka bi troban, ame ne he ka tom.

Isaia 47:15

Adre me he ka helâe köu ta je ûnyi waleji u je hia but huliwa hnyin: haba tavat adre me ûcû omjeû unyâm hwân ke u tiga wanakat me adre me he ka ve he but hnyi dedra je gethen; ke ba bi at ame he ka omeli u.

Isaia 48:8

Eke, u je ca long; eke, e ca khatö u, eke, adre ca khong li hnyikönyâm hwân ehac: anyin ae khanö nya a u at iyawo gan hmâ, ke u at hanyâûâ hwân hnyi hnyekon hinyâm.

Isaia 53:6

Öta hia thithö ate me hia but he monu helâ me je mamoe; ate me ve saû ka hnyi je gethen, ke haba Iehova ame ip hon e anyita ta je hulo hia thithö.

Isaia 65:6

Wâ bi, a sihnalimen dut hnyi hnyimakök: oge me ca he ka laba hnyibû, ke oge me he ka bi hwaban, eke, oge me he ka bi hwaban ka hnyi je ûlaidra,

Jeremia 17:9

Haba hnyekon at, me wale at ae ti iyawo hon ta je ûnyi hia thithö, ke ti kong e: ie at ame he ka wâhmakhmeto e?

Jeremia 18:12

Ke adre me ha, ka habe, E ûnyi baû bi: anyin ohmun e he ka hnu hoton anyihmun ta je bihihwakecin, me ve ânyâ hoton ihwegien je hnyekuhmun ae kong.

Jeremia 8:6

Oge me tevehlöng me long, ke adre me ca fuc wisa: e ba at ame ietra anyin hulo me ha, ka habe, Ieû hnok hna ânyâ? ödra hia thithö adre me ve hmetu ka hnyi dedra je gethen, helâ me hors ame ie wadring ka hnyi vat.

Ezekiela 20:41

Oge me he ka köp öbun, helâ me ûnyi ae bo so, iny ka he ka hum öbun unyin ta je hnyei, me ûkhacaköu öbun ûnyi hnyi ta je hnyei waleji adre hia but ovesei öbun ka hnyin; kʼ oge me he ka kap bi ûnyi gabun hnyi hnyimakan ta je hnyei hia.

Levitiko 1:13

ke haba tang tiny me je can e ame he ka hneû hnyi köiö: kʼ ame he at bihut ka hudo hia thithö, me le hon taben hut; wale hut adre le, hut a an ge meic, ûnyi ae bo so kö Iehova.

Levitiko 1:17

ke e ame he ka kia e hnyi li bajebenyin, kʼ ame ca he ka kia luâ: kʼ ame he at bihut ka le hon taben hut, wale hon hna meic: haba e me hut adre le, hut a an hnen meic ae bo so kö Iehova.

Levitiko 1:9

ke haba tang tiny me je can, e ame he ka hneû hnyi köiö: kʼ ame he at bihut ka tha le hia hon taben hut, me me hut adre le, hut a an hnen meic, ûnyi ae bo so kö Iehova.

Levitiko 26:31

Ke oge me be ka obâ aten anyibun je taun, me ohia je dok a kabibun, ke oge me ca he ka hnulâ bunen anyibun je ûnyi ae bo so.

Levitiko 4:31

Ke e ame he ka hom pipikhenyainy hia, helâ me hna hom pipikhenyainy hudiny ole; kʼ ame he at bihut ka le e hon taben hut me me bo so kö Iehova; ke ame he at bihut ka bi hwaban anyin möt, kʼ adre me he ka thang degecâ anyin hulö.

Levitiko 8:28

Ke Mose ame kap je ûnyi e ûnyi hnyi je hnyamödrin me le hon taben hut hon hudiny leû: wale hudiny otilâ a hnân bo so: wale hut a an ge meic kö Iehova.

Numera 15:3

ke öbun ka he ka bi hut a an ge meic kö Iehova, ame ne hudiny leû, ame ne hudiny thamuö khöbi, ame ne hudiny ibetengiö, ame ne hnyi anyibun je bijeû adre thu, me me bo so kö Iehova, ame ne kau, ame ne mamoe:

Mataio 15:19

Anyin ame didrut ûnyi hnyi hnyok ta je hna ûnykûme ae kong, me je ûhlingö, me venöu âiân ke at, me bi ûnyi monu, me venöu, me ohnatho thoi, me haikongo:

Ioane 3:6

Haba hna hnokoâ ûnyi hnyi unyin, me wale unyin bi, ke haba hna hnokoâ ûnyi hnyi Hanu, me wale hanu bi.

Roma 1:21

anyin a khanʼ ödra but Khong, ke adre me ca ogânâ bi, e me ûcû me Khong, ke adre me ca oleâ minya bi; ke adre me omonoâ je ûnykûmenödra, me ölidrâ je hnyekudra ae kong.

Roma 3:23

anyin ae kong tavat hia, kʼ adre me ca o ka hnyi hmanenanginy Khong,

II. Korinito 2:15

Anyin a öhmun ang bunen ae hnebwia anyin Keriso ka Khong can tavat adre omelö, ke tavat adre me hnaûhango;

Efeso 5:2

ke he bala hnyi ibetengiö, helâ me Keriso ame betenge köbun, ame ka ham e hobi köta, hnân hut, ke hut adre hlingâ, wale ûnyi ae bo so ka Khong.

Filipi 4:18

Ke hu but gak ta je ûnyi hia ke se hia: ke iny unöngöt dö, anyin oge hia but kap ûnyi ga Epaferodito ta je ûnyi ûnyi gabun, wale bunen ae bo so, wale hut hnân kap, ame osenyinâ Khong.

I. Ioane 5:19

E khanʼ öta a ûheta unyin Khong, ke hmeledrany hia thithö ame mokut unyin at ae kong.

I. Samuela 26:19

Anyin a wale, e na he than a tuhok ka long hofuc hwan athnyabaem. Ame ne ûnyi ga Iehova hnâm hna tot könya, me so e ame be ka kap hut: ke ame ne ûnyi ge tavat, me ödra ka hnaûhango hnyi hnyimakö Iehova: anyin a ödrin e hia but obö nya hnyi bong ang me me ca tha inya me jekhoû Iehova, me ha, ka habe, He thö ka athnyaba ke je khong bi.