Genese 8:20 - Iaai Bible 1901 (New Caledonia)

²⁰ Ke Noa ame otilâ ke taben hnân bi hut kö Iehova; me hom ûnyi hnyi ta je meno hia a vak can ae bo so, me ta je meno hia ame gâ ae bo so, me hudo ta je hut adre le hon taben hut.

Genese 8:20 ပူးပေါင်းရင်းမြစ်များ

Genese 13:18

Me Aberama ame oc umen uma mano, me o but me laba hnyi sawajo anyi Mamere, wale hnyi Heberona, kʼ ame otilâ eling ke taben hat kö Iehova.

Genese 13:4

me ka hnyi dok e ame otilâ hnyin taben hut a bân: ke hnyi dok eling Aberama ame hawâ iö Iehova.

Genese 22:2

Ke e ame ha, ka habe, Hom dö nokom, a nokom a khaca, at u me betenge gan, jia Isaaka, me he thö ka hnyi hnyei Moria; me hudo thö e me hnân hut adre le, hon ke bucen oge me he ka ha köu.

Genese 22:9

Ke ödru me o but ka hnyi dok Khong ame ha kâu; ke Aberahama ame otilâ eling taben hut, me khutâ inyâ, me co Isaaka a nokon, me ip e hon ûtoiny taben hut.

Genese 26:25

Ke e ame otilâ eling ke taben hut, me hawâ iö Iehova, me otilâ eling umen uma mano: me je lanyi Isaaka ödrin e khû an hnyi dok eling.

Genese 33:20

Ke e ame otilâ taben hut, me hwenyi ien e El-eloe-Isaraela.

Genese 35:1

KE Khong ame ha kö Jekob, ka habe, Todrö, he thö Bethela ai, ke laba e: me otilâ e tabon hut ka Khong, at ame manen köu, waleji hnyi hnâm hna kec ga Esau a tuhâm.

Genese 35:7

Ke e ame otilâ taben but e, me hwenyi ien dok eling Ele-bethela: anyin a Khong ame manen kâu e, hnyi ûen e ame kec ge tuhan.

Genese 4:4

Ke haba Abela, e ame hom ûnyi hnyi hna hat mamoe je lakon a bân me je meno ae pipikhenya. Ke Iehova ame oûnyihnathu Abela me anyin hut:

Genese 7:2

U ma he bi ka hom unyâm, ûnyi hnyi ta je meno a vak cadra ae bo so ûsa seven, baga me momo; ke ûnyi hnyi ta je meno a vak cadra ae ca bo so, ûsa lo, baga me momo;

Genese 7:3

ke ûnyi hnyi ta je meno ame gâ ethö ûsa seven, baga me momo: me me hu mâtrân eang hmeledrany hia thithö.

Genese 8:19

ame tha didrut ûheny hnyi aka ta je menoiny hnyot hia, me ta je ûnyi ame iyâû hia, me ta je meno ame gâ, me ta je ûnyi ame bwebwet eang hmelen, hoton anyidrin je ve lap.

Jobu 1:5

Ke ame um dö je bonginy tha han, me haba Jobu ame ûkhû-nöng he ka okabi ödrin, ke e ame vesâ hnyi hnyomakatu, me hudo je hudiny leû hoton ûseidrin: anyin a haingö Jobu, ka habe, Ame ne ânyâ hulo ge lakuk, me haikongoâ Khong eû hnyi je hnyekudrin. Haba Jobu ame ânyâ helâe bala.

Esodo 10:25

Ke haingö Mose, ka habe, Hâmâm he ka hna ka hnyi je hnyamöhmun je hut, me je hudiny leû, mʼ ohmun e he ka bi hut kö Iehova Khonguhmun.

Esodo 29:18

Ke u me he ka tha le hia mamoe baga hon taben hut; wale hut hnân le kö Iehova: wale hut ae bo so, me hut a le ge meic kö Iehova.

Esodo 29:25

Ke u me he ka hom je ûnyi e ûnyi hnyi je hnyamödrin, me le hon taben hut hnân hut adre le, e me bo so hnyi hnyimakö Iehova.

Numera 7:21

ke khaca nak bolok, ke khaca mamoe baga, ke khaca nokon mamoe baga a khaca hunainy, hnân hudiny leû;

Roma 12:1

ANYIN a wale, hnyat me lakeiny lö, inya oge me ûjongi öbun ûnyi hnyi ibetengiö anyin Khong, möbun e he ka ham je unyibun me hnân hut ae möt, me kap, me so ka Khong, wale hanymöbun ae ûcû.

Heberu 13:10

E hu but gata taben hut, waleji ae ca ûcû ka tavat adre me huliwa hnyin uma menâ he ka hnyi han ûnyi hnyin.

I. Peteru 2:5

ke adre me up öbun minya goranyai a je veto ae möt hnân umen hanu, mʼ öbun e tavat bihut ae kap, he ka hudo ta je hudiny hanu, wale ae so ka Khong ûnyi ga Iesu Keriso.

I. Peteru 2:9

Ke öbun thibi dö adre me ûca, ke hnyat bihut anyin Khong, ke hnyei ae kap, ke tavat a je hing lakeiny Khong, mʼ öbun e he ka omanenâ je hwakecin ae ti so anyin at ame hawʼ öbun ûnyi hnyi lit ka hnyi anyin melam hnân lâiâ: