Genese 8:1 - Iaai Bible 1901 (New Caledonia)

¹ KE Khong ame ûnykûmi Noa, me ta je ûnyi ae möt, me ta je meno hia a vak can a tha e më hnyin aka: me Khong ame kunâ ang he ka tûâ hmeledrany me ame nunu but köiö;

Genese 8:1 ပူးပေါင်းရင်းမြစ်များ

Genese 19:29

Ke e ka he Khong ka ohia li tauniny hnyei ae thahon, me Khong ame ûnykûmi Aberahama me kunö Lota ûnyi hnyi wanben ûohiö, hnyi ûen e ame ohia li taun ame laba hnyin Lota.

Genese 30:22

Ke Khong ame ûnykûmi Rakela, me Khong ame löng kâu me ohnokoâ e.

Genese 9:10

me ta je ûnyi hia ae möt unyibun, a je meno ame gâ, me je meno a vak can, me je menoiny hnyot hia unyibun eang hmeledrany; a ta je meno hia ʼa didrut ûhedra hnyin aka, wale ta je meno hia eang hmeledrany.

Nehemia 13:14

Khonguk lö, ûnykûmi nya ju hnyi ûnyi ang, ke ca he ka kot degecâ anyik je huliwa ae betenge waleji oge me ânyâ ka hnyi uma umen Khonguk, me je huliwainy.

Nehemia 13:22

Me oge me kunâ at Levi he ka obosoi ödrin bi, mʼadre me he ka tuö je homagöule, me okabâ bong sabath. Khong lö, ûnykûmi nya ju hnyi ûnyi eang minya, me betenge gak helâ me ûganiny ânyâm ibetengiö.

Nehemia 13:29

Khonguk lö, ûnykûmi ödrin ju, anyin ödrin e okongoâ hanymen tavat bihut, me ûhihinyköu anyin tavat bihut, me at Levi.

Nehemia 13:31

me hobi kâu hudiny uto, hnyi ûen adre owisa, me wan a bân. Khonguk lö, ûnykûmi nya ju, me ohnahici nya.

Jobu 12:15

Wâ bi, e ame behânâ köiö, me ame hme thö: Ke ame kunâ hmetu, me me wia hnyei.

Jobu 14:13

U na he ju ka ikhölö nya hnyi erkemok, Ke oiyongi nya ke ne o but ame hia ânyâm hmonyin, U na he ju ka thu bonguk, me ûnykûme könya!

Salamo 105:42

Anyin a e ame ûnykûme hwan hofuc ae kap, Me Aberahama athnyabainy.

Salamo 106:4

Iehova lö ûnykûmi nya ju hel me hnâm hna labö betenge ka lakem; U na senö nya ju ge ânyâm ûhomeli:

Salamo 115:12

Iehova ame hia but ûnykûmi öta; ke ame he ka ohnahici öta: E ame he ka ohnahicâ lap anyi Isaraela; E ame he ka ohnahicâ lap anyi Arona.

Salamo 132:1

IEHOVA lö, ûnykûme ju kö Davita Anyin ta je vec hia;

Salamo 136:23

At ame ûnykûmi öta hnyi hna ohnyikânâi öta: Anyin a nyiele balua anyin ibetengiö

Salamo 137:7

Iehova lö, ûnykûme ju ka laku Edoma Ge bong bongon Jerusalema; Waleji adre me ha, ka habe, Thö degecâ but, thö degecâ but, Ke ne o but ka hnyi taben.

Salamo 29:10

Iehova ame laba me than hnyi ûen Uoû; Eke, Iehova ame laba a than nyiele balua.

Salamo 36:6

Haba ânyâm wisa, me helâ me je bucen anyin Khong; E dit hmonyin hnâm je hna owisa: Iehova lö, u thibi at ame tuö möt anyin at me meno.

Esodo 14:21

Ke haba Mose ame inâ hnyamen hon köiö; me Iehova ame okhuto köiö hnen ang hwei ae hwege hnyi lit ae bekhöt me omada e, ke haba köiö ame khekhe lo but.

Esodo 15:10

U je kunâ ânyâm ang, me ame hûlûlû odra hnen köiö: Adre me û but eû hnyi köiö ae man, helâ me veten kuha.

Esodo 2:24

Ke Khong ame löng anyidra mâng, kʼ ame ûnykûme Khong hnen hna ûhihinyköu me Aberahama, me Isaaka, me Jekob.

Ta je Vejec 25:23

Haba ang ûnyi hnyi hwadro, me ame hom we: Ke ame okûâ hnyimak ae hmonyin hnen bohmen ame ûhaiö.

Isaia 44:27

at ame ha ka dok ae dit, ka habe, Hme but, ke oge me he ka ohwahwacitâ ânyâm je wagewe:

Jeremia 50:38

E hu bongon ihmeiny hon köien je köihnam, kʼ ame he ka hwahwacit: anyin a e hnyeiny ta je hnatheat, kʼ adre me ti hobâ je idola.

Amosa 8:7

A hia but Iehova khemanyinâ ûnuainy Jekob, ka habe, E hnathu oge me ca he balua ka hnying anyidra ta je huliwa.

Jona 4:11

ke hawa, e ca ûcû könya he ka betenge ge Nineve taun ae gan, ke se hia aten bon khaca haded ke twente thauzan, tavat ae ca khanʼ ödra benyidra a metödra me me; ke ca ha bi omeno.

Nahuma 1:4

E ame thawâ köiö me omada e, me ohmö ta je wagewe hia: e sënyin thö Basana me Karemela, e meleca thö vongon hnyi Lebanona.

Habakuka 3:2

Iehova lö, oge hia but long ûthumetu gam, me oge me ot: Iehova lö, ohâtâ thö ânyâm huliwa hnyi wanben ta je huna, Omanenâ thö hnyi wanben ta je huna: Ke ûnykûme ju ibetengiö hnyi ûen wathethot.

Zakaria 10:11

Ke e ame he ka vheno köien ûöveci, me kot je waköiöiny köiö, ke ame he je dok ae dit hnyi Nail ka mada: ke adre me he ka ohnyikânâ bi gan anyin Asuria, ke ame he ka hia hnyi Aigupito uciny musi.

Numera 10:9

Ke öbun ka he ka vat hnyi ibun hnyei me je iwahnaihmiony möbun, tavat adre me okongu öbun, me öbun e he ka tûâ hnahna wale li trutru; me adre me he ka ûnykûmi öbun hnyi hnyimakö Iehova Khongubun, kʼ adre me he ka omeli öbun ûnyi ge je iwahnaihmiony möbun.

Numera 22:32

Ke haba angela anyi Iehova ame ha kâu ka habe, Ieû gam u me okun kot halem asina? wâ bi, oge me he jem he ka ovheli u, anyin ae kong könya ûhem:

Hna Omanenâ 16:19

Me ame subâ kunâ but taun ae gan, kʼ ame ū but je taun hnyi je hnyei: ke adre me ûnykûme Babulona taun ae gan hnyi hnyi makan Khong he ka ham kâu kaiainy wainainy anyin tang hmonyin.

Hna Omanenâ 18:5

anyin a o but hnyi drany anyin ta je hulo, ke Khong ame ûnykûme anyin ta je monu.

I. Samuela 1:19

Ke ödrin e vesâkong me hic hnyi hnyimakö Iehova, me hmetu, me o hnyi hnyabadrin hnyi Rama: ke Elekana ame khanö Hana a âiân, me Iehova ame ûnykûme kâu.