Genese 7:23 - Iaai Bible 1901 (New Caledonia)

²³ Ke adre ohia but ta je ûnyi hia thithö ae möt eang hmelen, wale at, me meno a vak can, me ûnyi ame iyâû, me meno ame gâ ethö; ke a hiʼ ödra but ûnyi eang hmelen; ke hake Noa thiju, me hnyat a tha e më hnyin aka.

Genese 7:23 ပူးပေါင်းရင်းမြစ်များ

Genese 6:17

Ke wâ bi, inya oge me he ka oûkhutukhavâ hmeledrany ge uoû, me me he ka ohia unyin hia ae hu hnyin homenâiny möt ûnyi eang hmelen; kʼ ame he ka mokcu ta je ûnyi hia thithö eang hmelen.

Genese 8:18

Me Noa ame didrut, me je lakon, me âiân, me lâiân je lakon a tha ödrin më:

Jobu 5:19

E ame he ka omeli u hnyi je vec a siks; Eke, ame ca he ka kalö u hnen hulo hnyi seveniny.

Salamo 91:1

HABA at ame laba hnyi hna lubaduöng anyi Beönua, Me ame he ka laba bala huyi hmenon Ataekhanahia.

Salamo 91:7

Ame he khaca thauzan ka ta hnyi ke keihâm; Ke ten je thauzan hnyi hnyamâm a metâm; Kʼ ame ca he bi ka hakekenyi u.

Ta je Vejec 11:4

E ca ûnyi hnathu omjeû hnyi ûen hmonyin: Ke haba hwakecin ae wisa me wale ûhomeli ûnyi hnyi hna mok.

Mataio 25:46

Ke haba tavat ang, me adre me he ka he ka hnyi hna bi hwaban ame ca ba balua; ke haba tavat ae wisa hwakecidra ka hnyi möt ame ca ba balua.

Heberu 11:7

Hnen labageju Noa ame tibet hu, me omelö anyin lap; anyin a Khong ame koû kâu ge ta je ûnyi adre tiga ca wâ hnyi ûen eling, ke e ame ot; e ame ohnaûhangoâ hmeledrany hnen e, me adre me wia e me atö hnyi hwakecin ae wisa hoton labageju.

I. Peteru 3:20

waleji a tavat adre me ca ûling ehac, hnyi ûen lingvec ae beû hmâ anyin Khong ame halubahingen hnyi ûö Noa, ke e ame penapena hu, waleji adre omelö hnyat ae wakhalet hnyin, a ödrin eit hnyi köiö:

II. Peteru 2:5

ke ame ca betenge bi ge hmeledrany ehac, ke ame omeli Noa me hnyat minya a seven, at ame khetâ hwakecin ae wisa, hnyi ûen e ame oâ uoû ka hnyi hmeledrany ae kong;

II. Peteru 2:9

e khana Than hwakecin hna omelö tavat ae wisa hwakecidra ae ûcû me Khong ûnyi hnyi ta je ûcûbic, me he ka ip me hnân hwaban tavat ae ca wisa hwakecidra ke ne o but hnyi bong owisa;

II. Peteru 3:6

ke can e haba uoû ame ohia hmeledrany waleji adrem: