Genese 7:21 - Iaai Bible 1901 (New Caledonia)

²¹ Ke ame mokcu ta je ûnyi hia ame bwebwet eang hmelen, a ta je meno ame gâ, me meno a vak can, me menoiny hnyot, me ta je ûnyi hia ame iyâû waleji adre iyâûâ kânâ, me tavat hia:

Genese 7:21 ပူးပေါင်းရင်းမြစ်များ

Genese 1:25

Ke Khong ame ânyâ je menoiny hnyot, hoton je ve bongon e, me ta je meno a vak cadra, hoton ta je ve bongon, me ta je meno hia thithö adre me iyâû hon kânâ, hoton jeve bongon: ke Khong ame wâ a e so.

Genese 6:13

Ke Khong ame ha kö Noa, ka habe, A o but hnyi hnyimakök obiny tavat hia thithö; anyin a unöngötö hmeledrany hnen ûkonguny ûnyi gadra; ke wâ bi oge me he ka tha ohiʼ ödra me hmeledrany.

Genese 6:17

Ke wâ bi, inya oge me he ka oûkhutukhavâ hmeledrany ge uoû, me me he ka ohia unyin hia ae hu hnyin homenâiny möt ûnyi eang hmelen; kʼ ame he ka mokcu ta je ûnyi hia thithö eang hmelen.

Genese 7:4

Anyin a seven biju ta je bong me oge me he ka ota we ka hnyi hmeledrany hnyi fâte ta je lany ke fâte ta je lit; ke oge me he ka ohia eang hmeledrany ta je ûnyi hia ae möt waleji oge hia but op.

Jobu 34:15

Ame he ka tha mok tavat hia, Ke ame he at ka hmetu ka hnyi kânâ.

Isaia 24:19

A ti mou but hmeledrany, a aû but hia hmeledrany, a ti bwebwet hmeledrany.

Isaia 24:6

Anyin a wale ame an hnyei hnen hnaûhango, ke adre wâ joniny tavat adre me labā e; anyin a wale adre me thong degecâ tavat adre me labā hnyei, ke ödra wakhalet biju je kolon.

Hosea 4:3

Anyin a wale ame he hnyei ka tenge, kē sēnyin hia but tavat adre me labâ e, tha ödra me je menoiny hnyot, me je meno ame gâ ethö; eke adre me he minya ka hom but je wâ eû hnyi köiö.

Joela 2:3

Ame han meic hnyi hnyimakodra, ke haba bâhlân ame hlâ hwabödra: haba hnyei hnyi hnyimakodra, me helâ me hnyei Edena, ke hnyebuba ae ba wan hnyi hwabödra; eke, ke ba at ame kec mot ge ioidra.

Zefania 1:3

Oge me he ka ohia tavat ke omeno; oge me he ka ohia omeno ame gâ ethö, ke ta je wâ eû hnyi köiö, ke ta je ûnyi ame öhaûâ, ke tavat minya ae kong; me oge me he ka subâ degecâ at ûnyi hnyi hon kânâ haingö Iehova.

Mataio 24:39

ke ca khanʼ ödra bi ke ne o but ame o thö uoû, me ame tha ohiʼ ödra hia but; ke ame he ka helâe, e ka o hmetu Nokon at.

Luka 17:27

Adre me han, adre me ic, adre me faipoipo, ke ûham ta momo, ke ne o but hnyi bong ame dit Noa ka hnyi hu, me ame o but uoû me ohiʼ ödra hia.

Roma 8:20

Anyin adre hwenbâ hmeledrany ka hnyi ûnyi ae ca ûnyi hnathu, ca ûnyi ge weny, ke hnen bi e at ame hom hwenbâ,

Roma 8:22

Anyin ae khanʼ öta a gʼ ame mâng me vec hmeledrany hia ke ne o but hnyi bong ang.

II. Peteru 2:5

ke ame ca betenge bi ge hmeledrany ehac, ke ame omeli Noa me hnyat minya a seven, at ame khetâ hwakecin ae wisa, hnyi ûen e ame oâ uoû ka hnyi hmeledrany ae kong;