Genese 6:9 - Iaai Bible 1901 (New Caledonia)

⁹ Walang ta je dö anyi Noa. Haba Noa, at ae wisa, ke fâfâ but hnyi anyin ta je dö: haba Noa ame tha he me Khong.

Genese 6:9 ပူးပေါင်းရင်းမြစ်များ

Genese 10:1

KE walang ta je dö anyin laku Noa, Sema, me Hama, me Jafeta: ke ödrin e hnokoâ lakudrin obaga hwaban dö uoû.

Genese 17:1

KE nainte nain hunai Aberama, me ame manen dut Iehova kö Aberama, me ha kân, ka habe, Inya ang Khong Ataekhanahia; u ma he hnyi hnyimakök, ke wisa but.

Genese 2:4

Walang je bongon ioiny drany me hmeledrany, waleji hnyi ûen adre op li ûnyi e, hnyi bong Iehova Khong ame ânyâ hmeledrany me drany.

Genese 48:15

Ke e ame hahnahici Josefa, me ha, ka habe, E so ame he Khong, wale hnen lakamök Aberahama me Isaaka hna he hnyi hnyimakan, a Khong waleji at ame ha ök hwân kʼ iny tiga wanakat ke ne o but hnyi bong ang,

Genese 5:1

WALANG tusiny je dö ûnyi ga Adamu. Haba hnyi bong Khong ame op at hnyin, e ame op e me we Khong;

Genese 5:22

ke Enoka ame labö tha he me Khong hnyi kun ta haded ta je huna hwaban hnen hna hnöku Methusela, ke ame hnokoâ ta je da me in:

Genese 5:24

haba Enoka ame labö tha he me Khong: kʼ ame hia thiju; anyin a Khong ame hom dö e.

Genese 6:10

Ke Noa ame hnokoâ ta lakon a kun, jia Sema, ma, Hama, me Jafeta.

Genese 7:1

HABA Iehova ame ha kö Noa, ka habe, Aiö u me ânyâm lap hia ka hnyin aka; anyin a oge hia but wâ a u wisa hnyi hnyimakök hnyi dö ang.

II. Samuela 22:24

Ke ba kongik kâu, Ke oge me tuö nya, mʼ oge me ca hnyi monu.

I. Je Than 3:6

Ke haingö Solomona, ka habe, U je betenge gan hmâ ga cica Davita athnyabaem, hoton hnen hnaʼ he hnyi hnyimâkâm hnyi hnathu, me hwakecin ae so, me hnyekon ae wisa köu; ke u je tuö hobi kâu ibetengiö ang ae gan, a u je ham kâu nokon he ka laba hon anyin theron, helâ me hnyi bong ang.

II. Man Ûlabainy Je Than. 15:17

Ke adre ca hom degecâ je dok ae gorany hnyi Isaraela: ke so bi, e wisa hnyeku Asa, hnyi bongon je bong hia.

II. Man Ûlabainy Je Than. 25:2

Ke e ame ânyâ wisa hnyi hnyimakö Iehova, ke so bi e ca bekhot ut hnyekon.

Jobu 1:1

E HU ke at hnyi hnyei Uza, Jobu ien; ke bekhot me wisa hwakecin, e at ame outen Khong me ûsâkâûö me hulo.

Jobu 1:8

Haba Iehova ame ha kö Satana, ka habe, Hawa, u je wâ ûnykûme athnyabaik a Jobu, anyin ae ba ke at ae ûcû mē eang hmeledrany, at ae ti so hwakecin ke wisa, at ame outen Khong, me ûsâkâûö me hulo.

Jobu 12:4

Oge me ûcû me at ame hluma gan hnen waeny, Waleji at ame hongot ka Khong, me e ame thu; Adre me hluma ge at ae wisa, me so hwakecin.

Salamo 37:37

Bi haten ju at ae wisa, ke wâ ju at ae fofâ: Anyin ame he ka hnahic ut obiny at eling.

Salamo 37:39

Ke haba ûhomeli anyin tavat ae wisa, me ûnyi ga Iehova; E thibi tang hwegiödra hnyi ûen vec.

Ta je Vejec 4:18

Ke haba gethen deny tavat ae wisa me helâ me melam ae hadröngöc, Ame melam tot ke ne o but jebigö.

At Khet 7:20

Anyin ae ba at ae wisa eang hmeledrany, a at ame ânyâ so kʼ ame ca ânyâ hulo.

Ezekiela 14:14

eja ke ne a ne eling hnyat ang a kun, a Noa, me Daniela, me Jobu, ödrin e he ka ve omeli ödrin bi hake ödrin hnen hwakecidrin ae wisa, haingen Than Iehova.

Ezekiela 14:20

eja ke ne a ne eling Noa, me Daniela, me Jobu, haingen Than Iehova, Kia inya inya, a ödrin e ca he bi ka omelo je lakon obaga me wahlu; ke ödrin e he thibi ka omeli ödrin bi ge hwakecidrin ae wisa.

Habakuka 2:4

Wâ bi, ame bi gan hnyekon, kʼ ame ca fofâ bi eû hnyin: ke ame he at ae wisa hwakecin ka möt hnen anyin labageju.

Luka 1:6

Ke ödru li at ae wisa hnyi hnyimakan Khong, kʼ ödru me vheno ta je hnanyibu ke ta je hna otilâ hnen Than, ke ba monu gadru.

Luka 2:25

Ke wâ bi, wale ke at hnyi Jerusalema Simeona ien; e at ae wisa hwakecin me outen Khong, ame halubahingen hna otubwelâ at Isaraela: ke e Hanu Kap hnyi hon.

Luka 23:50

Ke wâ bi, wale ke at Josefa ien, at ûhnenamö, ke at ae so me wisa,

Ta je huliwa 10:22

Ke haingödrin, ka habe, Haba Konelio, keneturio, at ae wisa hwakecin, me outen Khong, me hna haisoâ hnen at Juda hia, ame kû kâu hnen angela ae kap he ka hawo u ka hnyi umen uma, me me he ka long hofuc gam.

Roma 1:17

Anyin ame manen dut hnyin e hwakecin ae wisa anyin Khong ûnyi ge labageju, mʼ adre me he ka labageju: helâ me hna sihnalimen, ka habe, Ame he ka möt tavat ae wisa hwakecidra ûnyi ge labageju.

Galatia 3:11

Ke e manen ae ba at adre me haiwisa hnyi hnyimakan Khong ûnyi ge hnanyibu: anyin, Ame he ka möt at ae wisa hwakecin ûnyi hnyi labageju;

Deuteronomi 18:13

U me he ka ti wisa kö Iehova Khongom.

Heberu 11:7

Hnen labageju Noa ame tibet hu, me omelö anyin lap; anyin a Khong ame koû kâu ge ta je ûnyi adre tiga ca wâ hnyi ûen eling, ke e ame ot; e ame ohnaûhangoâ hmeledrany hnen e, me adre me wia e me atö hnyi hwakecin ae wisa hoton labageju.

I. Peteru 2:5

ke adre me up öbun minya goranyai a je veto ae möt hnân umen hanu, mʼ öbun e tavat bihut ae kap, he ka hudo ta je hudiny hanu, wale ae so ka Khong ûnyi ga Iesu Keriso.

II. Peteru 2:5

ke ame ca betenge bi ge hmeledrany ehac, ke ame omeli Noa me hnyat minya a seven, at ame khetâ hwakecin ae wisa, hnyi ûen e ame oâ uoû ka hnyi hmeledrany ae kong;