Genese 6:7 - Iaai Bible 1901 (New Caledonia)

⁷ Ke Iehova ame ha, ka habe, Oge me he ka ohia at waleji oge hia but op, ûnyi hnyi kânâ; wale at, me menoiny hnyot, me ûnyi ame iyâû, me meno ame gâ ethö; anyin a khenyi but hnyekuk ge hnök hna up ödra.

Genese 6:7 ပူးပေါင်းရင်းမြစ်များ

Genese 6:6

Ke Iehova ame ietra a gʼ ame hia but op at eang hmelen, ke e hmak ut hnyekon.

Genese 7:21

Ke ame mokcu ta je ûnyi hia ame bwebwet eang hmelen, a ta je meno ame gâ, me meno a vak can, me menoiny hnyot, me ta je ûnyi hia ame iyâû waleji adre iyâûâ kânâ, me tavat hia:

Genese 7:4

Anyin a seven biju ta je bong me oge me he ka ota we ka hnyi hmeledrany hnyi fâte ta je lany ke fâte ta je lit; ke oge me he ka ohia eang hmeledrany ta je ûnyi hia ae möt waleji oge hia but op.

Genese 8:21

Ke Iehova ame löng bunen ae bo; ke haingö Iehova eû hnyi hnyekon, ka habe, Oge me ca he hmetu ka hangâ kânâ can at, anyin ae kong weny hnyekon at hwân ke tiga wanakat; ke oge me ca he hmetu ka hhngâ ta je ûnyi hia ae möt, helâji me hnök hna ânyâ.

Salamo 37:20

Ke ame he ka hia tavat ae kong, Ke ame he je iwahnaihmiöny me Iehova ka helâ me pipikhenyainy lakon mamoe: Adre me he ka aû but, me hi ödra but hnyi hainy meic.

Ta je Vejec 10:27

Haba ot kö Iehova, ame osehia ta je bong: Ke adre me he ka owakhaletâ ta je hunainy tavat ae kong.

Ta je Vejec 16:4

Iehova ame op ta je ûnyi hia he ka ve hu hanymen: Eke, me at minya ae kong hobi kâu bong ae kong.

Isaia 27:11

Ke e ka meleca ta je vheiny, me adre me he ka thu degecâ; ame he omomo ka he bi, me thong ut ge meic: anyin a e hnyei ame ca wâhmakhmeto; anyin a wale ame ca he ka betenge gadra at ame up ödra, ke haba at ame otilʼ ödra, me ame ca he bi ka ânyâ so ködra.

Hosea 4:3

Anyin a wale ame he hnyei ka tenge, kē sēnyin hia but tavat adre me labâ e, tha ödra me je menoiny hnyot, me je meno ame gâ ethö; eke adre me he minya ka hom but je wâ eû hnyi köiö.

Amosa 7:3

Haba Iehova ame ietra ûnyi e: Ame ca he ka hwâdâ haingo Iehova.

Amosa 7:6

Haba Iehova ame ietra ûnyi e: Ame ca he ka hwâdâ haingen Than Iehova.

Zefania 1:18

E ca khana bi anyidra sileva me gol he ka omeli ödra hnyi bonginy hmonyin anyi Iehova; ke adre me he ka thong degecâ hnyei hia ge meicin anyin ciâ: anyin a e ame he ka bi obiny, eke, obiny ae mweimwei ka tavat hia adre me laba hnyi hnyei.

Zefania 1:2

Haingö Iehova, ka habe, Oge me he ka ti ohia ta je ûnyi hia thithö ûnyi hnyi hon kânâ.

Zefania 1:3

Oge me he ka ohia tavat ke omeno; oge me he ka ohia omeno ame gâ ethö, ke ta je wâ eû hnyi köiö, ke ta je ûnyi ame öhaûâ, ke tavat minya ae kong; me oge me he ka subâ degecâ at ûnyi hnyi hon kânâ haingö Iehova.

Deuteronomi 28:63

Ke wâ bi, helâji me Iehova ame senyin köbun he ka osoi öbun, me osehiʼ öbun, me helâe e ame he ka senyin köbun he ka ohiʼ öbun, me oumi öbun; ke adre me he ka oc degeci öbun ûnyi hnyi hnyei u me he ka hnyin mʼ u me hu.

Deuteronomi 29:20

ke ame ca he Iehova ka hna e, ke so bi, ame he ka sâ hmönyin anyi Iehova me anyin ciâ ka at eling, kʼ ame he bi ka ta hon hnaûhango hia adre sihnalimen hnyi tusi ang, ke ame he Iehova ka kot degecâ ien ûnyi eang hmeledrany.

I. Samuela 15:11

Inya oge me ietra hnok hna otilö Saulo me than: anyin a e ame hmetu but ûnyi hnyi hnen hna he hotuk, ke e ame ca ânyâ hnok je hna hûna. Me ame hmönyi Samuela; me tenge kö Iehova hnyi hnyinghet hia.