Genese 6:6 - Iaai Bible 1901 (New Caledonia)

⁶ Ke Iehova ame ietra a gʼ ame hia but op at eang hmelen, ke e hmak ut hnyekon.

Genese 6:6 ပူးပေါင်းရင်းမြစ်များ

Genese 6:7

Ke Iehova ame ha, ka habe, Oge me he ka ohia at waleji oge hia but op, ûnyi hnyi kânâ; wale at, me menoiny hnyot, me ûnyi ame iyâû, me meno ame gâ ethö; anyin a khenyi but hnyekuk ge hnök hna up ödra.

II. Samuela 24:16

Ke hnyi ûen ame he angela ka lau hnyamen hon Jerusalema he ka okongoâ, me haba Jehova ame ietra kong eling, me ba ka angela at ame ohia tavat, ka habe, Soju; kât ju hnyamâm. Ke ame tot angela anyi Iehova hnyi hna huje hwit anyi Aruna at Jebusi.

I. Man Ûlabainy Je Than. 21:15

Ke Khong ame kunâ angela Jerusalema ai he ka ohia e: kʼ ame tiga he ka ohia, me haba Iehova ame wâ, me ietra ûnyi ae kong, me ha ka angela at ame ohia, ka habe, Soju, thu hmetu ju benyâm. Ke ame tot angela anyi Iehova hnyi hna huje hwit anyi Aruna at Jebusi

Salamo 106:45

Ke e ame ûnykûme hnân hobi kodra anyin ûhikinyköu, Me ame ietra hoton ûganiny anyin betenge.

Salamo 110:4

Iehova a hia but khemanyin, kʼ ame ca he bi ka ietra, ka habe, U thibi at bihut nyiele balua helâ me hwakeci Melekisedek.

Salamo 119:158

Oge me wâ but tavat ûalecuo, me oge me hmak dö; Anyin adre me ca vheno hwâm hofuc.

Salamo 78:40

Ke ti se hia hnödra hna ûkhin fuc mâu hnyi hnyebuba, Me ojâtâ hnyekon hnyi hnyot!

Salamo 81:13

E na he ju lakeik ba ling nya, Me vheno dek je gethen hnen at Isaraela!

Salamo 95:10

Hyni ta je huna a fâte oge me wâ dö ang me iny vec gadrin, Me haingök dö, ka habe, Hnyei ang ame he monu ta je hnyekudra; Ke ca khanʼ ödra dek ta je gethen:

Esodo 32:14

Ke haba Iehova ame ietra monu, wale e ame ha he ka ânyâ ka lakeiny.

Isaia 48:18

Nakaem, u je ne long anyik ta je hnanyibu me me helâ me wagewe ânyâm hnahic, ke helâ me je waköiöiny köiö hwakecâm ae wisa:

Isaia 63:10

Ke adre me ûkhin fuc, me ovecâ banon ae kap: anyin a wale e ame hwio but me ame iwahnaihmiony mödra, ke e ame ka hamen bi vat mödra.

Jeremia 18:7

Hnyi ûen oge me he ka fuc ge ke hnyei me ke dokhu, he; ka oc ut, me hagutâ me ohia e;

Jeremia 26:19

Hawa ga Hezekia than Juda me at Juda hia, adre me hlingâ e? hawa, e ame ca outö Iehova, me khöû kö Iehova, ke haba Iehova ame ietra hulo waleji e ame ha gadra? Ate me ne ânyâ hulo ae gan hmâ köta bi.

Ezekiela 33:11

Ha thö kodra, ka habe, Kia inya inya, haingen Than Iehova, a oge me ca senyin bi ge mok anyin at ae kong; ke so bi me me he ka hmetu at ae kong ûnyi hnyi deny gethen me me möt: hmetu ju, hmetu ju öbun ûnyi hnyi debun ta je gethen ae monu; ke ieû gabun mʼ öbun e he ka mok lap anyi Isaraela?

Hosea 11:8

Eferaima lö, oge me he ka kâmâu ka hna degeci u? Isaraela lö, oge me he ka kâmâu ka hnö u? oge ma kâmâu ka wiö u helâ me Adema? me ip u helâ me Zeboim? kʼ ame hwio oûnykûmik eû hnyi hnyekuk, kʼ ame tha kû gan hmâ thö anyik je tang betenge.

Joela 2:13

kia but je hnyekubun, ke ca kia je ûkhaû bi, me hwio thö kö Iehova Khongubun: anyin a e at ame betenge baû, ke betenge vec, ke bec he ka hmonyin, ke gan hmâ anyin ibetengiö, kʼ ame ka ietra hulo.

Jona 3:10

Ke a wâ but Khong anyidra je huliwa, a adre me hwio ûnyi hnyi dedra ta je gethen ae kong; me haba Khong ame ietra ûnyi ae kong wale a ha he ka ânyâ kodra; ke e ame ca ânyâ bi.

Malaki 3:6

Anyin a inya Iehova oge me ca hwio; anyin a wale, adre ca ohiʼ öbun je laku Jekob.

Numera 23:19

Haba Khong me ca at bi, me me he ka thoi; Ke ca nokon at bi, me me he ka ietra: Hawa e ame fuc kʼ ame ca he ka ânyâ? Ame ha hofuc, kʼ adre me ca he ka owhâdâ?

Roma 11:29

Anyin ame ca ietra Khong ge hnen hna ham, me hnen hna hawâ.

Efeso 4:30

Ke ca he öbun ka ovecâ Hanon Khong ae Kap, wale at a bi hatöbun ke ne o but hnyi bonginy ûhomeli.

Deuteronomi 32:29

Ödra na metâ ju, me wâhmakhmeto ûnyi eang, Mʼadre me he ka ûnykûme obiny ködra!

Deuteronomi 32:36

Anyin ame he Iehova ka owisa lakeiny, Me ietra can lathnyabainy; E ka wâ ae ba manidrin man, Ke ba kolon, a hnyat adre ca, ke hnyat adre hna.

Deuteronomi 5:29

E na hu ju gadra hnyok ae ûcû mʼ adre me outö nya, me löng bala hnok ta je hna hûna hia, mʼ adre me so me je mâtrânidra nyiele balua!

Heberu 3:10

Anyin a wale e hmak hnyekuk ge dö eling, Haingök, ka habe, Odra monu bala eû i hnyi hnyok: Ke ca khanʼ ödra dek ta je gethen;

Heberu 3:17

Ke ie tavat ame hmak hnyekon kodra hnyi je huna a fâte? hawa, ca ödra tavat adre me ânyâ hulo, waleji a kolu but je unyidra eû hnyi hnyebuba?

Iakobo 1:17

Haba ta je bwihlany hia ae so me ta je hna ham bâûâ ae hmanenang, me ûnyi ethö ge Kamen melam, waleji ame ca ok, ke ba ong haten hwio gan.

I. Samuela 15:11

Inya oge me ietra hnok hna otilö Saulo me than: anyin a e ame hmetu but ûnyi hnyi hnen hna he hotuk, ke e ame ca ânyâ hnok je hna hûna. Me ame hmönyi Samuela; me tenge kö Iehova hnyi hnyinghet hia.

I. Samuela 15:29

Ke haba khaca, ame ca he ka thoi me ietra Man mani Isaraela: anyin a ca at, me me ietra.

I. Samuela 15:35

Ke ame ca o hmetu Samuela kö Saulo ke ne o but hnyi bong e ame mokcu hnyin: ke Samuela ame tengiö Saulo; ke Iehova ame ietra hna otilö Saulo ka thaniny at Isaraela.