Genese 6:5 - Iaai Bible 1901 (New Caledonia)

⁵ Ke a wâ but Iehova a e gan hmâ butmonuiny at eang hmeledrany, ke kong ut ta je hna ûnykûme hia eû hnyi hnyekudra hnyi ta ogo bong hia.

Genese 6:5 ပူးပေါင်းရင်းမြစ်များ

Genese 13:13

Ke e kong at Sodoma, ke beönua anyidra monu hnyi hnyimakö Iehova.

Genese 8:21

Ke Iehova ame löng bunen ae bo; ke haingö Iehova eû hnyi hnyekon, ka habe, Oge me ca he hmetu ka hangâ kânâ can at, anyin ae kong weny hnyekon at hwân ke tiga wanakat; ke oge me ca he hmetu ka hhngâ ta je ûnyi hia ae möt, helâji me hnök hna ânyâ.

Jobu 15:16

Ke e ti ikiki me bokong at, Wale ame ijem hulö helâ me köiö!

Jobu 22:15

Hawa, u me he bala ka laba hnyi gethen ehac Waleji a vheno hnen tavat ae kong?

Salamo 53:2

Haba Khong ethö hnyi drany ame wâ lakon tavat, Me me wâ thö, hawa, e hu at ame wâ ûnykûme, Me elâm Khong.

Ta je Vejec 6:18

Me hnyok ame ûnykûme bibihwakeoin ae kong, Me li can ame wadring ka hnyi hulo;

At Khet 7:29

Wâ bi, waleû ûnyi a khaca oge me wâ, a Khong ame op at he ka wisa; ke adre me elâm bi je biûnyi ae se hia.

At Khet 9:3

Walang ûnyi ae kong hnyi ta je ûnyi adre ânyâ hmelen seûno, a khaca thibi ûnyi ame o ka tavat hia: eke, e ûnöngöt minya thö hnyekon tavat ge hulo, ke e bi hwen monu hnyi ta je hnyekudra, kʼ ödra tiga möt bi, ke hwaban e adre me he ka tavat adre mokcu.

Jeremia 17:9

Haba hnyekon at, me wale at ae ti iyawo hon ta je ûnyi hia thithö, ke ti kong e: ie at ame he ka wâhmakhmeto e?

Jeremia 4:14

Jerusalema lö, hneû but hnyekom wale hwakecâm ae kong, me u me he ka mot. Ame he ka mokut eû hnyekom je hna ûnykûme ae kong ke ne o but kehö?

Ezekiela 8:12

Ke e ame ha könya, ka habe, Nokon at lö, hawa u me hia but wâ hna ve ânyâ hnen wahingatiny lap anyi Isaraela hnyi dok ae menekholom hnyi je hnyeuleny je ûhöûcû? anyin adre me ha, ka habe, Ame ca ō ʼta but Iehova; Iehova ame hia but hna degecâ hmeledrany.

Ezekiela 8:9

Ke haingen könya, ka habe, Didro me wâ ta je ûnyi ae ikiki me kong adre me ânyâ eling.

Mataio 15:19

Anyin ame didrut ûnyi hnyi hnyok ta je hna ûnykûme ae kong, me je ûhlingö, me venöu âiân ke at, me bi ûnyi monu, me venöu, me ohnatho thoi, me haikongo:

Mataio 24:37

Ame he ka helâ me je bong bongu Noa ioiny Nokon at.

Luka 17:26

Ame he ka ûcû ûen Nokon at me je bong eji bongu Noa.

Deuteronomi 29:19

ke e ka löng hofucin ûhangö eang, me e ame he ka hahnahicâ e bi hnyi hnyekon me ha, ka habe, Eja ke ne oge ne vheno weny hnyekuk, he ka bi hnen ûnyi ae kukuba ge ûnyi ae mada, me oge me he ka so but:

Tito 3:3

Anyin a öta ta je monu ehac, me tavat ca ûling, me tavat adre iyawâ, me bi athnyabainy ta je weny ae kong, me ta je ûnyi hnân osenyinâ unyin a ve bongon bi, ate me laba hnyi hnyok ae kong me ihunyinköu, tavat hnân ikikiâ, me tavat adre me ûikikiköu.

I. Peteru 3:20

waleji a tavat adre me ca ûling ehac, hnyi ûen lingvec ae beû hmâ anyin Khong ame halubahingen hnyi ûö Noa, ke e ame penapena hu, waleji adre omelö hnyat ae wakhalet hnyin, a ödrin eit hnyi köiö: