Genese 6:18 - Iaai Bible 1901 (New Caledonia)

¹⁸ Ke oge me he ka otilâ hmâ anyik ûhihinyköu möu; ke u ma he ka dit ka hnyi aka, u, me je lakom, me âiâm, me lâiân je lakom a tha ödrin möu.

Genese 6:18 ပူးပေါင်းရင်းမြစ်များ

Genese 17:21

Ke haba anyik ûhihinyköu me, oge me he ka ohmâ e me Isaaka, at ame he Sara ka hnokoâ ûnyi gam hnyi ûen eang hnyi huna ame he ka o.

Genese 17:4

Wâ bi, e unyâm anyik ûhihinyköu, ke u me he ka kamen ta je hnyei ae se.

Genese 17:7

Ke oge me he ka ohmâ anyik ûhihinyköu möu me ta je mâtrânâm hwabâm hnyi anyidra ta je dö hnân ûhihinyköu ae ca ba balua, me oge me he ka Khongom me ta je mâtrânâm hwabâm.

Genese 7:1

HABA Iehova ame ha kö Noa, ka habe, Aiö u me ânyâm lap hia ka hnyin aka; anyin a oge hia but wâ a u wisa hnyi hnyimakök hnyi dö ang.

Genese 7:13

Haba hnyi bong eling a khaca ame tha didrö ka hnyin aka Noa, me Sema, me Hama, me Jafeta je laku Noa, me öiö Noa, me kun a lâiân je lakon;

Genese 7:7

Me ame tha didrö Noa ka hnyin aka, me lakon, me âiân, me lâiân je lakon, can köiö ame uoû.

Isaia 26:20

Aiö u, ik hnyei, didro ka hnyi je hnyeulem, ke hlöng ju hwanuma hwabâm: ke ikhölö ju helâ me thuthubadecmak ke ne o but ame hia but hmonyin,

Heberu 11:7

Hnen labageju Noa ame tibet hu, me omelö anyin lap; anyin a Khong ame koû kâu ge ta je ûnyi adre tiga ca wâ hnyi ûen eling, ke e ame ot; e ame ohnaûhangoâ hmeledrany hnen e, me adre me wia e me atö hnyi hwakecin ae wisa hoton labageju.

I. Peteru 3:20

waleji a tavat adre me ca ûling ehac, hnyi ûen lingvec ae beû hmâ anyin Khong ame halubahingen hnyi ûö Noa, ke e ame penapena hu, waleji adre omelö hnyat ae wakhalet hnyin, a ödrin eit hnyi köiö:

II. Peteru 2:5

ke ame ca betenge bi ge hmeledrany ehac, ke ame omeli Noa me hnyat minya a seven, at ame khetâ hwakecin ae wisa, hnyi ûen e ame oâ uoû ka hnyi hmeledrany ae kong;