Genese 6:17 - Iaai Bible 1901 (New Caledonia)

¹⁷ Ke wâ bi, inya oge me he ka oûkhutukhavâ hmeledrany ge uoû, me me he ka ohia unyin hia ae hu hnyin homenâiny möt ûnyi eang hmelen; kʼ ame he ka mokcu ta je ûnyi hia thithö eang hmelen.

Genese 6:17 ပူးပေါင်းရင်းမြစ်များ

Genese 2:7

Ke haba Iehova Khong ame op at ge sesâiny kânâ, me menâ ka hnyi li hnyingöiny homenâiny möt; ke haba at ame wia me me hanu ae möt.

Genese 6:13

Ke Khong ame ha kö Noa, ka habe, A o but hnyi hnyimakök obiny tavat hia thithö; anyin a unöngötö hmeledrany hnen ûkonguny ûnyi gadra; ke wâ bi oge me he ka tha ohiʼ ödra me hmeledrany.

Genese 6:16

U ma he ka tubeaka ethö hon, ke u ma he ka oumo e ethö hnyi kubit a khaca; ke u ma he ka bi hwanumen aka hnyi ke haten; ke u ma he ha ânyâ kun ta deö dek, khaca hnyikânâi, me ke at a loiny, me kuniny, eiö hnyin.

Genese 6:7

Ke Iehova ame ha, ka habe, Oge me he ka ohia at waleji oge hia but op, ûnyi hnyi kânâ; wale at, me menoiny hnyot, me ûnyi ame iyâû, me meno ame gâ ethö; anyin a khenyi but hnyekuk ge hnök hna up ödra.

Genese 7:15

Ke adre me didrö kö Noa ka hnyin aka, ûsa lo ûnyi hnyi ta je unyin hia wale ae hu homenâiny möt eû hnyidra.

Genese 7:17

Ke e bi uoû hnyi hmeledrany fâte ta je bong; ke ame gan tot köiö, me ame matö göranyai aka hon hmeledrany.

Genese 7:4

Anyin a seven biju ta je bong me oge me he ka ota we ka hnyi hmeledrany hnyi fâte ta je lany ke fâte ta je lit; ke oge me he ka ohia eang hmeledrany ta je ûnyi hia ae möt waleji oge hia but op.

Genese 9:9

Wâ bi, inya oge me otilâ anyik ûhihinyköu möbun, me je mâtrân hwaböbun,

Jobu 22:16

Waleji adre hom huli ödrin hnyin, Kʼ adre me hingölö tab ödrin helâ me wagewe:

Salamo 107:34

Me kânâ ae wa me me hnyebubainy sâlt, Can hulo anyin tavat adre me labâ e.

Salamo 29:10

Iehova ame laba me than hnyi ûen Uoû; Eke, Iehova ame laba a than nyiele balua.

Esodo 14:17

Ke haba inya oge me he bi nya ka onâkâ hnyekon at Aigupito, kʼ adre me he ka hnu hotudra ka hnyin: kʼ oge me he ka oganö nya bi ga Farao, me anyin je vat hia, me anyin je kariota, me anyin je hnyat tabö hos.

Isaia 51:12

Inya, inya at ame otubweli öbun: u ia, at ame outen at ame he ka mok, ke nokon at adre me he ka wia me me ûcû me hna önying:

Isaia 54:9

Anyin ae ûcû könya ûnyi ang me uoû unyi Noa; anyin a helâ me hnok hna khemanyin a gʼ ame ca he uoû ga Noa ka tube hmele drany, helâe oge hia but khemanyin a oge me ca he ka hmonyin hmetu köu, me thawo u.

Ezekiela 34:11

Ke walang hna ha hnen Than Iehova, ka habe, Wâ bi, hamök he ka elâm hnok hnahat mamoe me elelâm.

Ezekiela 34:20

Anyin a wale, walang hna ha hnen Than Iehova, ka habe, hamök a walonya ang, he ka owisa je meno ae pipikhenya me je meno ae delâ.

Ezekiela 5:8

anyin a wale, walang hna ha hnen Than Iehova, ka habe, Wâ bi, e ve inya möu, a inya; ke oge me he ka ti bi hwaban köu eû hnyi wanbâm hnyi hnyimakan ta je hnyei.

Ezekiela 6:3

ma ha, ka habe, Je buceniny Isaraela lö, long ju hofuc hwan Than Iehova, ka habe, Walang hna ha hnen Than Iehova, ka je bucen, me je hut, me je wadeny köiö, me je hnyigöuleny bucen, ka habe, Wâ bi, inya oge me he ka oâ köbun hele vat, ke oge me he ka ohia anyibun je dok ae gorany.

Hosea 5:14

Anyin a oge me he ka helâ me liona ka Eferaima, ke helâ me nak liona ka lap anyi Juda: haba inya me oge me he ka oloû kia me he but; oge me he ka hom, ke ba at ame he ka hûgûnâ.

Levitiko 26:28

me oge me he bi nya ka hna degeci öbun hnyi hmönyin: ke oge me he minya ka oseven kuc öbun can anyibun je hulö.

Amosa 9:6

e thibi at ame op je hnyeuleny ethö hnyi drany, kʼ ame bi taben hnyeuleny hnyi hmeledrany: at ame hawâ köien köiö ae gan me hingâlâ ka hnyi hon kânâ, Iehova ien.

Mataio 24:39

ke ca khanʼ ödra bi ke ne o but ame o thö uoû, me ame tha ohiʼ ödra hia but; ke ame he ka helâe, e ka o hmetu Nokon at.

Luka 17:27

Adre me han, adre me ic, adre me faipoipo, ke ûham ta momo, ke ne o but hnyi bong ame dit Noa ka hnyi hu, me ame o but uoû me ohiʼ ödra hia.

Roma 5:21

ke haba hulo ame musi ka hnyi mok, me helâe ame he ibetengiö baû ka musi hnen hwakecin ae wisa ka hnyi möt ame ca ba balua, a deny Iesu Keriso a Tuhöta.

Roma 6:23

Anyin a haba hwaban hulö, me mok; ke haba bwihlany a ham bâûâ hnen Khong, me möt ame ca ba balua, ûnyi ga Iesu Keriso a Tuhöta.

Deuteronomi 32:39

Wâ bi walang ang, a inya but ang, Ke ba ke khong unyik: Oge me hlingâ, ke oge me omelö; Oge hia but oâtâ, ke oge me ometo: Ke ba at ae khana he ka hûgûnâ ûnyi hnyi hnyamok.

Heberu 11:7

Hnen labageju Noa ame tibet hu, me omelö anyin lap; anyin a Khong ame koû kâu ge ta je ûnyi adre tiga ca wâ hnyi ûen eling, ke e ame ot; e ame ohnaûhangoâ hmeledrany hnen e, me adre me wia e me atö hnyi hwakecin ae wisa hoton labageju.

I. Peteru 3:20

waleji a tavat adre me ca ûling ehac, hnyi ûen lingvec ae beû hmâ anyin Khong ame halubahingen hnyi ûö Noa, ke e ame penapena hu, waleji adre omelö hnyat ae wakhalet hnyin, a ödrin eit hnyi köiö:

II. Peteru 2:5

ke ame ca betenge bi ge hmeledrany ehac, ke ame omeli Noa me hnyat minya a seven, at ame khetâ hwakecin ae wisa, hnyi ûen e ame oâ uoû ka hnyi hmeledrany ae kong;