Genese 6:13 - Iaai Bible 1901 (New Caledonia)

¹³ Ke Khong ame ha kö Noa, ka habe, A o but hnyi hnyimakök obiny tavat hia thithö; anyin a unöngötö hmeledrany hnen ûkonguny ûnyi gadra; ke wâ bi oge me he ka tha ohiʼ ödra me hmeledrany.

Genese 6:13 ပူးပေါင်းရင်းမြစ်များ

Genese 49:5

Haba Simeona me Levi, ödru liamekeiny; Ke haba anyidru li hele vat me hnân ûokonguny.

Genese 6:14

Tibet ju hobi köu aka ge utö a gofa; ke u me he ka ânyâ ta je hnyeule hnyin aka, ke u me he ka okeceâ eiö hnyin me hoton ge ouge.

Genese 6:4

Haba hnyi je bong eling e hu je Nefilim eang hmelen, me hnyi je bong minya a biliny, waleji hnyi ûen ame o but ta je lakon Khong ka lakon tavat a ta je hlu, ke adre me hnokoâ lakudra: haba tavat eling waleji tavat ae hwege ehac, me tavat ae lung.

Genese 7:21

Ke ame mokcu ta je ûnyi hia ame bwebwet eang hmelen, a ta je meno ame gâ, me meno a vak can, me menoiny hnyot, me ta je ûnyi hia ame iyâû waleji adre iyâûâ kânâ, me tavat hia:

Genese 7:23

Ke adre ohia but ta je ûnyi hia thithö ae möt eang hmelen, wale at, me meno a vak can, me ûnyi ame iyâû, me meno ame gâ ethö; ke a hiʼ ödra but ûnyi eang hmelen; ke hake Noa thiju, me hnyat a tha e më hnyin aka.

Genese 7:4

Anyin a seven biju ta je bong me oge me he ka ota we ka hnyi hmeledrany hnyi fâte ta je lany ke fâte ta je lit; ke oge me he ka ohia eang hmeledrany ta je ûnyi hia ae möt waleji oge hia but op.

Genese 8:21

Ke Iehova ame löng bunen ae bo; ke haingö Iehova eû hnyi hnyekon, ka habe, Oge me ca he hmetu ka hangâ kânâ can at, anyin ae kong weny hnyekon at hwân ke tiga wanakat; ke oge me ca he hmetu ka hhngâ ta je ûnyi hia ae möt, helâji me hnök hna ânyâ.

Isaia 34:1

ÖBUN ta je hnyei lö, hakekeny dö he ka long; ke öbun tavat, tevehlöng ju: e so ame he hnyei me unöngötiny ka long, me hmeledrany minya me ta je ûnyi hia ame kû hnyin.

Jeremia 51:13

At ame laba hnyi je köiö ae se hia, me tren omjeû ae gan, ame o but obiny köu, tulutiny behnyekon a u.

Amosa 3:7

E hnathu ame ca he bi Than Iehova ka ânyâ ke ûnyi a ne ca bân ka omanenâ weny ka je perofeta a je athnyabainy.

Amosa 8:2

Ke e ame ha könya, ka habe, Amosa lö, ieû u je wâ? Me haingök ka habe, tang wan ûö ae mat. Me haingo Iehova könya, ka habe, A o but obiny ka lakeik a at Isaraela; oge me ca he hmetu ka he me digic ödra.

Heberu 11:7

Hnen labageju Noa ame tibet hu, me omelö anyin lap; anyin a Khong ame koû kâu ge ta je ûnyi adre tiga ca wâ hnyi ûen eling, ke e ame ot; e ame ohnaûhangoâ hmeledrany hnen e, me adre me wia e me atö hnyi hwakecin ae wisa hoton labageju.

I. Peteru 4:7

Ke e hakekeny jut obiny ta je ûnyi hia tbithö: anyin a wale metâ thʼ öbun ke hmâkâ thö me hic: