Genese 5:5 - Iaai Bible 1901 (New Caledonia)

⁵ Ke haba ta je bong hia ame möt hnyin Adamu, me, nain haded ke thöte ta je huna: kʼ ame mokcu.

Genese 5:5 ပူးပေါင်းရင်းမြစ်များ

Genese 3:19

ke u me he ka han ûnyi ge khuniny hnyimâkâm, ke ne o but ûen u me he ka hmetu ka hnyi kânâ; anyin adre hum u ûnyi hnyin e; anyin a u sesâiny kânâ, ke u me he ka hmetu hmetu ka knyi sesâiny kânâ.

Genese 5:11

ke haba ta je bong hia bongu Enosa, me, nain haded ke thabûng ta je huna: ke ame mokcu.

Genese 5:4

ke haba ta je bong bongu Adamu hwaban hnen hna hnöku Setha, me, eit haded ta je huna: ke e ame hnokoâ je da me in.

Genese 5:6

Haba Setha ame möt hnyi khaca haded ke thabûng ta je huna, me hnöku Enosa:

Genese 5:8

ke haba ta je bong hia bongu Setha, me, nain haded ke twelv ta je huna: ke ame mokcu.

II. Samuela 14:14

Anyin a bongon bi at he ka mok, me helâ me köiö adre hingâlâ hnyikânâi, waleji adre me ca he hmetu ka ûkhöûnâ; ke haba khaca Khong ame ca hlingâ at, ke e ame bi deny, me me ca hia gan at adre me obâ.

I. Man Ûlabainy Je Than. 1:1

ADAMU, Setha, Enosa;

Jobu 30:23

Anyin ae khanö nya a u me he ka lili nya ka hnyi mok, Me uma adre penapena hobi kâu tavat hia ae möt.

Salamo 89:48

Ie at ame he ka möt, kʼ ame ca he ka wâ mok bi, At ame he bi ka omelo hanon ûnyi hnyi hnyamen erkemok? [Sela.

Salamo 90:10

Haba ta je bonginy ta je hunaihmun, me sevente ta je huna, Kʼ ame ne eite ta je huna, e ka hwege at; Ke so bi e huliwa me hlöuhlöu hmanenangidra; Anyin a ame ie hia but, me ohmun e did ut.

At Khet 12:5

eke, adre me he ka outen ûnyi ae gorany, ke e bi eû hnyi gethen ta je ûnyi hnân outen; kʼ ame he saked ka vhong, kʼ ame he ka hmak ge wahamon, ke ba hmetu hna weny: anyin ame he at ka hnyi umen uma a nyiele balua, kʼ ame vheno gethen hnen tavat adre me hnyamok:

At Khet 12:7

ke ame hmetu sesâ hnyikânâi, helâ me ehac, ke ame he hmetu hanu ka Khong at ame ham e.

At Khet 9:5

Anyin ae khana tavat ae möt a gʼ adre me he ka mok: ke ca khana bi tavat adre mokcu ke ûnyi, ke ba hmetu bi hwaban kodra; anyin adre hnying bi gadra.

At Khet 9:8

E so e hau bala je khaûâm; ke ca he ka hia wakaco hnyi hon bâm.

Ezekiela 18:4

Wâ bi, haba je hanu hia, me anyik, anyik bi hanon kamen, ke anyik minya hanon nokon: ke haba hanu ame ânyâ hulo, me ame he bi ka mok.

Deuteronomi 30:20

me hnyok ju kö Iehova Khongom, me löng hoton hwan hofuc, me kece kâu; anyin a e melam, ke at ame osehia bongom je bong: mʼ u me he ka labā hnyei Iehova ame khemanyin ka lakâmâm, jia Aberahama, me Isaaka, me Jekob, he ka ham ködrin.

Heberu 9:27

Adre me ip ka tavat he ka okhaca mok, ke hwaban e ûhnei;