Genese 5:22 - Iaai Bible 1901 (New Caledonia)

²² ke Enoka ame labö tha he me Khong hnyi kun ta haded ta je huna hwaban hnen hna hnöku Methusela, ke ame hnokoâ ta je da me in:

Genese 5:22 ပူးပေါင်းရင်းမြစ်များ

Genese 17:1

KE nainte nain hunai Aberama, me ame manen dut Iehova kö Aberama, me ha kân, ka habe, Inya ang Khong Ataekhanahia; u ma he hnyi hnyimakök, ke wisa but.

Genese 24:40

Me haingen könya, ka habe, Ame he Iehova, wale oge me he hnyi hnyimakan, ka kunâ anyin angela ka tha e möu, me ohnahicâ ûhem; ke u ma he ka hok âiân nokuk ûnyi hnyi anyik lap, me hnyaba cica:

Genese 48:15

Ke e ame hahnahici Josefa, me ha, ka habe, E so ame he Khong, wale hnen lakamök Aberahama me Isaaka hna he hnyi hnyimakan, a Khong waleji at ame ha ök hwân kʼ iny tiga wanakat ke ne o but hnyi bong ang,

Genese 5:21

Ke sikste faiv ta je hunainy möt anyi Enoka, ke e ame hnöku Methusela:

Genese 5:23

ke haba je bong hia bongu Enoka, me, kun ta haded ke sikste faiv ta je huna:

Genese 5:24

haba Enoka ame labö tha he me Khong: kʼ ame hia thiju; anyin a Khong ame hom dö e.

Genese 6:9

Walang ta je dö anyi Noa. Haba Noa, at ae wisa, ke fâfâ but hnyi anyin ta je dö: haba Noa ame tha he me Khong.

I. Je Than 2:4

me me he Iehova ka ohmâ hwan hofuc, waleji e ame ha gak, ka habe, Ame ne he lakom ka tuö dedrin je gethen he ka he hnyi hnyimakök hnyi hnathu ge hnyekudrin ae bekhot me hanu ae bekhot, (haingen,) ame ca he ka ba hwabâm hon theron hnyi Isaraela.

II. Je Than 20:3

Iehova lö, oge me khöû köu, Ö u ûnykûme ju walang ang hnok hna he hnathu hnyi hnyimâkâm, me hnyok ae wisa, me ânyâ ûnyi ae so hnyi hnyimâkâm. Ke Hezekia ame tenge hwege.

Salamo 116:9

Oge me he ka he hnyi hnyimakö Iehova Hnyi hnyei iny tavat ae möt.

Salamo 128:1

HNAHIC hnen at ame outö Iehova, A at ame vheno deny ta je gethen

Salamo 16:8

Oge hia but ip Iehova bala hnyi hnyi-makök: Oge me ca he ka bwebwet, anyin a e bi hnyi ke keihök a metök.

Salamo 26:11

Ke oge me he bi nya ka vheno hwakecin ae wisa: Omeli nya ju, me betenge ju gak.

Salamo 56:13

Anyin a u je hia but omelo hanuk ûnyi hnyi mok: Hawa, u je ca omelo li cak, ödra ka waifilica? Me inye he ka he hnyi hnyimakan Khong Hnyi melaminy tavat ae möt.

Salamo 86:11

Iehova lö, nö nya thö ge dem gethen; oge me he ka vheno ânyâm hnathu: Othabongonâ ju hnyekuk me inye ot ge iâm.

Esodo 16:4

Ke haba Iehova ame ha kö Mose, ka habe, Wâ bi oge me he ka ota köbun jeû helâ me we ûnyi hnyi drany; kʼ ame he tavat ka thigâ e hnyi je bong ae ûcû ka hnyi bong, mʼ inye he ka cubic odra, adre me ne he ka vheno anyik hnanyibu, ame ne ba.

Khumöng Hwanyi Solomona. 1:4

Lili nya thö; mʼ ohmun e he ka wadring hotom: Than ame su nya ka hnyi je hnyeuleny: Öhmun e he ka senyin me hobi u, Öhmun e he ka ha gânâ ge ânyâm ibetengiö hon waina: Adre me hnyok köu hnyi wisa.

Hosea 14:9

Ie at ae metâ, me me wâ ûnykûme ta je ûnyi eling? ie at ame wâ wia me me wâhmakhmeto ta je ûnyi e? anyin ae wisa je gethen de Iehova, ke ame he at ae wisa ka vheno; ke ame he tavat hanyâûâ ka ta hnyin.

Levitiko 26:12

Ke oge me he ka ngenu hnyi wanböbun, ko oge me he ka Khongubun, ke öbun e he ka lakeik.

Amosa 3:3

Hawa, ame he ka tha he li at a lo, e ka ca tha hnyekudru bi?

Mika 4:5

Anyin a tavat adre me ve he hnyi ien ta je khongudrin, ke ate me he bi öta ka he hnyi iö Iehova Khonguta nyiele nyiele balua.

Mika 6:8

At lö, e ame hia but omanenâ köu ûnyi ae so ke ie ke ûnyi ame we Iehova gam, ke so bi he ka ânyâ wisa, me hnyokâ ibetengiö, me tha he me Khongom ke hnyok ae hnyikânâ?

Malaki 2:6

E hnyi hnyimen hnanyibuiny hnathu, ke adre me ca wâ hwakecin ae kong hnyi esongodiny: e ame tha he mönya hnyi ûsoköu me wisa, me ohmeto tavat ae se hia ûnyi hnyi hulö.

Luka 1:6

Ke ödru li at ae wisa hnyi hnyimakan Khong, kʼ ödru me vheno ta je hnanyibu ke ta je hna otilâ hnen Than, ke ba monu gadru.

Ta je huliwa 9:31

Ke hnahic ut ekalesia hnyi je ke keihen Juda hia, me Galilaia, me Samaria, kʼ ame khulelau bi; ke adre me labö he me ot ka Than, kʼ ame kahwa je hnyekudra ûnyi ge Hanu Kap, kʼ adre me osehia but.

Roma 8:1

ANYIN a wale, e ba hmetu hnaûhango kodra unyin Keriso Iesu.

I. Korinito 7:17

Ke so ame ve he tavat helâ me Than ame ve khenâ oûco, ke helâ me Khong ame ve hawʼ ödra. Ke oge me owisa helâe hnyi je ekalesia hia thithö.

II. Korinito 6:16

Ke ame he ka kâmâu ka tha bongon uma umen Khong me ta je hnatheat? anyin a öta ang uma umen Khong ae möt; helâ me hna ha hnen Khong, ka habe, Oge me he ka laba eû hnyidra, me tha he mödra; ke oge me he bi nya ka Khongudrin, ke adre me he bi ka lakeik.

Efeso 5:15

Anyin a wale, wâ wia ûhebun, ca he bi ka helâ me tavat ae monu, ke so bi helâ me tavat ae metâ;

Deuteronomi 13:4

Öbun e he ka hnu hotu Iehova Khongubun, me outen, me tuö anyin je hnanyibu, me löng ifucin, kʼ öbun e he ka bi athnyabainy, me kece kâu.

Deuteronomi 28:9

Ame he Iehova ka ohmö u inʼ u hnyei ae kap hobi kâu e bi, helâ me e ame khemanyin köu; u je ne he ka tuö je hnanyibu anyi Iehova Khongom, ae vheno deny je gethen.

Deuteronomi 5:33

Öbun e he ka vheno hia gethen wale Iehova Khongubun ame hûna köbun, mʼ öbun e möt, me so, me se hia bongubun je bong hnyi hnyei öbun e he ka hu.

Kolose 1:10

mʼ öbun e he bala ka ûcû ka Than, he ka osenyinâ bala e, me wa hnyi ta je huliwa ae so hia, me kû tot hnyi metâ anyin Khong;

Kolose 4:5

E so öbun e he hnyi metâ unyidra eû hnyou, me oûnyihnathoâ ta je ûen,

I. Thesalonika 2:12

mʼ öbun e he bala ka ûcû ka Khong, at a hawʼ öbun ka hnyi dokhon dokhu me anyin hmanenang.

I. Thesalonika 4:1

KE walang obiny, hnyat me lakeiny lö, öhmun e sumat me ûjengi öbun ge Than Iesu, ka habe, haba hnöbun hna kap gahmun ge bongon he a öbun, me me osenyinâ Khong, ke öbun e he helâe,— mʼ öbun e he ka hwege tot hnyin bala.

I. Ioane 1:7

ke ate me ne he hnyi melam, helâ me e hnyi melam, awe, ate me tha laba ke at me ke at, kʼ ame hneû degecâ anyita ta je hulo hia thithö hnen dro Iesu a Nokon.