Genese 5:2 - Iaai Bible 1901 (New Caledonia)

² e ame up ödru a baga me momo; ke e ame hahnahici ödru, me hwenyi iödru at, hnyi bong adre up ödru hnyin.

Genese 5:2 ပူးပေါင်းရင်းမြစ်များ

Genese 1:27

Ke Khong ame op at ae we e bi, ame op e me we Khong; e ame up ödru baga me momo.

Genese 1:28

Ke Khong ame hahnahici ödru: ke haba Khong ame ha ködru, ka habe, Si but, me dudu but me ödedoâ hmeledrany, me hom ûhnyûkongo; me musö thö ta je wâ eû hnyi köiö, me ta je meno ame gâ ethö, me ta je ûnyi hia ae möt ame iyâûâ hmeledrany.

Genese 2:15

Ke haba Iehova Khong ame hom at, me ip ju e hnyi hnyei Edena he ka belökâ me tuö.

Genese 2:23

Ke haingen at, ka habe, Walang jö hanen je jeiök, me utiö hanen vik: adre me he ka hwenyi ien, me, Momo, anyin adre hom ûnyi ge baga.

Genese 5:3

Haba Adamu ame möt hnyi khaca haded ke thöte ta je huna, me e ame hnokoâ ke da helâ me e bi, me we e; me hwenyi ien, me, Setha:

Malaki 2:15

Hawa, e ame ca ânyâ ûnyi a khaca, ke e unyin kolon hanu? Ke at a khaca geû? Anyin e ame elâm mâtrân ae so. Anyin a wale, tuö ju je hanubun, me ca he ke at ka iyawâ âiân anyin hidröu.

Mataio 19:4

Me e ame thu me ha, ka habe, Hawa, öbun e ca hnyi aû, a haba at ame op tavat hnyi can a e ame up ödru baga me momo,

Mareko 10:6

Ke haba adrem hwân dö hnyi hna op ta ûnyi, e ame wiʼ ödru baga me momo.

Ta je huliwa 17:26

ke e ame op hnyi dra a khaca tavat hia he ka labâ hmeledrany, ke a hia but thu je ûen adre otilâ ehac, me je hnyigoulen je idra;