Genese 49:8 - Iaai Bible 1901 (New Caledonia)

⁸ Juda lö, ame he je liamekeiny möu ka oganö u: Ame he hnyamâm ka e hnyi nyin je iwahnaihmiony möu: Kʼ ame he lakon kamâm ka iâû gam.

Genese 49:8 ပူးပေါင်းရင်းမြစ်များ

Genese 27:29

E so ame he tavat ka hulwa köu, Me ta je hnyei he ka nom ju köu: U me he ka thaniny je liamekeiny möu, Ke ame he je lakon hinyâm ka nom ju köu: Ame he ka hangâ but at ame hangö u, Kʼ ame he ka hnahic ut at ame hahna hici u.

Genese 29:35

Ke e ame erkin hmetu, me e ame hnokoâ da: ke haingen, ka habe, Walang ang Oge me he ka ogânö Iehova: anyin a wale e ame kwenyi ien Juda; ke e ame mwi thö.

Genese 42:6

Ke Josefa ame musi hnyi hnyei, kʼ ame ûcû jeû me tavat hia hnyi hnyei: kʼ ame o but je latuhö Josefa me nom ju hnyikânâi kâu.

Genese 46:12

Ke haba je laku Juda; jia Era, me Onana, me Sela, me Farez, me Zera: ke a mokcu Era me Onana hnyi hnyei Kanana. Ke lo li laku Farez, jia Hezerona me Hamula.

II. Samuela 22:41

Ke u je wia hoton könya je iwahnaihmiöny mönya, Mʼ oge me he ka ohiʼ ödra adre me hûkötiö nya.

II. Samuela 24:9

Ke haba Joab ame ham ka than ûseiny hna aû tavat: ke e hu hnyi Isaraela eit haded thauzan tavat hwege, tavat hok hele vat; ke faiv haded thauzan at Juda.

II. Samuela 5:3

Ke ame o but wahingatiny at Isaraela hia thithö ka than hnyi Heberona; me Davita than ame ûhihiny-köu mödrin hnyi Heberona hnyi hnyimakö Iehova: me ödrin e hû Davita me me tuhan Isaraela.

I. Man Ûlabainy Je Than. 28:4

Ke so bi haba Iehova, Khongu Isaraela, ame ûco nya ûnyi hnyi lap hia anyi cica mʼ inye than Isaraela nyiele balua; anyin a e ame ûco Juda me hnân at musi; me lap anyi cica ûnyi hnyi lap anyi Juda; kʼ ame senyin gak unyin laku cica, mʼ inye than Isaraela hia:

I. Man Ûlabainy Je Than. 5:2

Ke haba Juda me at ae hwege hon je liamekeiny mē, ke a deny e than; he e hu ga Josefa hanymen atö:)

II. Man Ûlabainy Je Than. 14:8

Ke e hu utbavat anyi Asa tavat hok bec me ö, ûnyi ge at Juda theri haded thauzan, me ûnyi ge at Beniamina, tavat hok bec me hlic fana ödrin tu haded ke eite thauzan: haba ödrin hia eling tavat ae hwege.

II. Man Ûlabainy Je Than. 15:9

Ke e ame ûkhacaköuâ at Juda me Beniamina hia, me je atkanyua unyidrin ûhedrin Eferaima, me Manase, me Simeona: anyin ae se hia at Isaraela adre me utut unyin, hnyi ûen ödrin e wâ a Iehova Khongon ame tha e më.

II. Man Ûlabainy Je Than. 17:2

Me a ame ip vat hnyi ta je tauniny Juda adre me up haginy, me ip je lap tue hnyi hnyei Juda, me je tauniny Eferaima, waleji a hûgûnâ Asa a kamen.

II. Man Ûlabainy Je Than. 30:11

Ke so bi haba keihen at Asera, me Manase, me Zebulona, me, ödrin e oûhnyûkongi ödrin bi, me hnyi he Jerusalema ai.

Salamo 76:1

E KHANʼ ödra but Khong hnyi Juda: E gan hmâ ien hnyi Isaraela.

Isaia 9:7

Ame ca he ka hu obiny ûganiny anyin musi, me ûsoköu hon theron anyi Davita, me hon dokhon dokhu, he ka ohmâ e me cö e ge hna owisa me hwakecin ae wisa hwân walang ang ke ne o but nyiele balua. Ame he ka ânyâ e hnen weny ae gan hmâ anyi Iehova tuhan sabaoth.

Ezekiela 21:29

Adre me wâ iyawoâ hobi köu, adre me bi khong thoi hobi köu, he ka ip u hon nyin tavat ae kong adre kot moko, wale a o but bongudra bong, hnyi ûen umö hwakecin ae kong.

Numera 1:27

haba tavat adre me aû ûnyi hnyi tribu Juda, me ödra sevente foa thauzan ke siks haded.

Numera 10:14

Ke ame he bân haten lap anyin laku Juda, hoton anyidra je utbavat: ke haba at ame musö anyin vat, me, Nasona, nöku Aminadaba.

Numera 26:20

Ke haba laku Juda hoton anyidra je lap; ûnyi ga Sela, me, lap anyin at Sela: ûnyi ga Farez, me, lap anyin at Farez: ûnyi ga Zera, me, lap anyin at Zera.

Numera 26:22

Wale je lap anyi Juda hoton hna öû ödra, ke ödra sevente siks thauzan ke faiv haded.

Deuteronomi 33:7

Ke walang hna hahnahici Juda: kʼ ame ha, ka habe, Iehova lö, löng ju ifuci Juda, Me hom e ka hnyi iny hnyei: E ame ka vat hobi kâu ge li hnyamen; Ke u me he ka hadruâ can je iwahnaihmiony mē.

Heberu 10:13

ke hwân eling e ame lubahingen bala ke ne o but adre me wia ta je iwahnaihmiony më me taben li hnyeûcan.

Heberu 7:14

Anyin ae manen a ga o but Tuhöta ûnyi hnyi Juda; ke ba hofuc a ha Mose ge hanymen at bihut hnyi tribu eling.

Josua 10:24

Ke ödrin e hia but hom kö Josua je than eling a thabûng, me haba Josua ame hawâ at Isaraela hia thithö, me ha ka je taben vat a tha he mē, ka habe, Ai öbun jem me uto ju nyin je than eang. Me ödrin e he me uto je nyidrin.

Josua 15:20

Walang jekhon tribuiny laku Juda hoton anyidrin je lap.

Hna Omanenâ 11:15

Ke adre tûâ trutru anyin angela a seveniny; me ame o je hwan hofuc ae gan hnyi drany, ame ha, ka habe, Haba dokhu dokhon hmeledrany, me adre hia but wia hnân hobi kâu Tuhöta me Keriso a anyin: me e ame he bi ka musi nyiele nyiele balua.

Hna Omanenâ 5:5

ke haba ke at hnyi wahingat ame ha könya, ka habe, Ca tenge: wâ bi, e hwege Lionainy tribu Juda, Khûen anyi Davita, he ka lau tusi, me khong je hna ohmâ haten e a seven.

Owisa 20:18

Ke ame todrö lakon Isaraela, me he Beth-ela ai, me elâm unyin Khong, me ha, ka habe, Hamö ia he ka bân me vat me laku Beniamina? Me Iehova ame ha, ka habe. Bân at Juda.