Genese 49:6 - Iaai Bible 1901 (New Caledonia)

⁶ Hanuk lö, u ma ca he ka ûne gadru; Soik lö, ca bi hanen hnödru hna ûkha-caköu; Anyin ödre hlingâ at hnyi anyidru hmönyin, Me sö can bolok hnyi hnödru hna bi gan.

Genese 49:6 ပူးပေါင်းရင်းမြစ်များ

Genese 34:30

Ke Jekob ame ha kö Simeona me Levi, ka habe, Öbe ohmaki nya, he ka obokongi nya ka aten hnyei, wale at Kanana me Perizi: ke ötin wakhalet, kʼ adre me he ka ukhacaköu könya me kun nya; mʼ adre me he ka hiö nya me anyik lap.

II. Samuela 8:4

Ke Davita ame hûgûnâ gan khaca thauzan ke seven haded tavat tabö hors, ke twente thauzan tavat he hon kânâ: ke Davita ame sö can je hors hanen je kariota hia, kʼ ame ip biju keihen hobi kâu je kariota a khaca haded.

I. Man Ûlabainy Je Than. 18:4

Ke Davita ame hûgûnâ gan wan thauzan je kariota, ke seven thauzan tavat tabô hors, ke twente thauzan tavat he hon kânâ: ke Davita ame subâ can je hors anyin je kariota, ke e ame ip biju keihen hobi kâu je kariota a wan haded.

Salamo 1:1

HNAHIC hnen at ame ca vheno uhne-namö anyin tavat ae monu, Kʼ ame ca tot hnyi gethen deny tavat adre me ânyâ hulo, Kʼ ame ca laba hnyi tap taben at ame ûhiö.

Salamo 103:1

HANUK lö, haisoi Iehova thö; Ke so he kâ haisoâ ien ae kap ge ta je ûnyi hia eû hnyi hnyekuk.

Salamo 139:19

Khong lö, e hnathu u me he ka hlingâ at ae kong: Anyin a wale, ûsâkâûö but mönya öbun tavat öbun e mâdrâ dra.

Salamo 16:9

Anyin a wale ame senyin hnyekuk, me hobâ anyik mec: Ame he but minya unyik ka laba hnyi gejon.

Salamo 26:9

Ca he ka tha hom hanuk me tavat ae kong, Me melik unyin tavat ûhlingö:

Salamo 28:3

Ca tha lili nya me tavat ae kong, Me tavat adre me ânyâ hulo; Adre me ha je hofuc iny ûsoköu ka je liamewaeny mödra, Ke haba ûokonguny eû hnyi hnyidrin.

Salamo 30:12

Me me he ka khumöng oganö u hnen anyik mec, kʼ ame ca he ka laba hnyibû. Iehova lö Khonguk, oge me he ka oganö u nyiele balua.

Salamo 42:11

Hanuk lö, ieû gam u me ilitmak? Ke ieû u me hmak gan eû hnyi hnyekuk? Lubahingen ju Khong: anyin oge me he ka oleâ kâu bi, Wale melen linyimakök, me Khonguk.

Salamo 42:5

Hanuk lö, ieû gam u me ilitmak? Ke ieû u me hmak gan eû hnyi hnyekuk? Lubahingen ju Khong: anyin oge me he ka oleâ kâu Ge möt ûnyi hnyi hnyimakan.

Salamo 43:5

Hanuk lö, ieû u me ilitmak gan? Ke ieû gam u me hmak eû hnyi hnyekuk? Lubahingen ju Khong: anyin a oge me he ka oleâ kâu, A melen hnyimakök, me Khonguk.

Salamo 5:10

Khong lö, haikongu ödra but; E so adre me ta ûnyi ge anyidra bi je ûhnenamö: Obʼ ödra but can adre osehia hanyâûâ Anyin adre me ûkhin fuc möu.

Salamo 57:8

Hmanenangik lö, hmak dö; nabela me kitara lö, hmak dö: Ke oge me he bi nya ka hmâkâ hnyi haolany.

Salamo 64:2

U me he ka ikhölö nya hnyi ûhnenamö duöng anyin tavat adre me ânyâ monu; Me imonumonuiny tavat adre me ânyâ hwali:

Ta je Vejec 1:11

Adre me ne ha, ka habe, Öta be, Ate me mokulec at, Ate me he ka tuö at ae ba hnyikongon, ke ba can;

Ta je Vejec 12:5

Ame ûcû ta je hna ûnykûme hnen at ae wisa, Ke tang iyawo je ûhnenamö anyin tavat ae kong.

Jeremia 15:17

Oge me ca laba hnyi ûkhacaköu anyin tavat adre me walak me hop: oge me hake laba can hnyamâm; anyin a u je hia but öunöngöti nya ge hmonyin.

Jeremia 4:19

Hnyekuk, hnyekuk! oge me vec ut eû hnyi hing hnyik; ame bwebwet hnyekuk eû hnyik; e ca khanönya he ka laba hnyibû; anyin a u je long ut, hanuk lö, ifucin trutru me hwan vat.

Luka 12:19

Mʼ oge me he ka ha ka hanuk, ka habe, Hanuk lö, e se hia ta je ûnyi adre ûkhöûnâ hobi köu hnân ta je huna ae se; ö u menâ, han me ic me senyin.

II. Korinito 6:14

Ca ûhûkölöbun monu köu me tavat adre me ca labageju bi: anyin ame he ka hawa hwakecin ae wisa he ka tha e me hwakecin ae ca wisa bi? ke ame he ka hawa ka tha e melam me menekholom?

Deuteronomi 27:24

Hnaûhango at ame kot ikhâlâ ke at. K! ame he tavat hia ka ha, ka habe, Amen.

Josua 11:9

Ke Josua ame ânyâ ködra helâ me Iehova ame ha kâu: e ame sö can haledrin je hos, me le anyidrin je kariota ge meic.

Owisa 5:21

A hom degeci ödrin hnen wagewe Kisona, Hnen wagewe ehac, wale wagewe Kisona. Hanuk lö u je hia but uto ju at ae hwege.