Genese 49:1 - Iaai Bible 1901 (New Caledonia)

¹ KE Jekob ame hawâ lakon, me ha, ka habe: Ûkhacaköu thʼ öbun, kʼ oge ame me he ka omanenâ köbun ta je ûnyi he ka o köbun hnyi ta je bong a biliny.

Genese 49:1 ပူးပေါင်းရင်းမြစ်များ

Salamo 105:15

Haingen, ka habe, Ca he ka kâlâ hnok ta je hna hû, Ke ca okongo anyik ta je perofeta.

Salamo 25:14

Haba ûbnenamö duöng ûnyi ga Iehova me wale unyin tavat adre me outen e; Ke e ame he ka omanenâ kodra anyin ûhihinyköu.

Isaia 2:2

Hnyi ta je bong a biliny adre me he ka otethmâ buceniny uma kap umo Iehova hon ban je bucen, ke adre me he ka ogöranyâ hon je hut; ke ame he ta je hnyei hia ka ok ut kâu.

Isaia 22:14

Ke haba Iehova tuhan sabaoth ame omamenâ ka hnyi li hnyikönyök, ka habe, E hnathu adre me ca he ka hna köbun hulo eang ke ne o but öbun e mokcu, ame ha Iehova tuhan sabaoth.

Isaia 39:6

Wâ bi, ame he ka o ta je bong, me adre me he ka tha hom Babulona ai ta je ûnyi hnyi umâm uma, me ta je ûnyi a hip hnen lakâmâm ke ne o but hnyi bong ang: ke ame he ka ba kolon ame ha Iehova.

Isaia 48:14

Ûkhacaköu thʼ öbun hia thithö me long; ie at gadra ame haimemenâ ta je ûnyi e? Iehova ame betenge gan, e ame he ka ânyâ weny ka Babulona, ke ame he benyin ka e hon at Kaledaia.

Isaia 53:1

IE at a kap anyihmun ûthumetu? kʼ adre hia but omanenâ kö ia benyi Iehova?

Jeremia 23:20

Ame ca he ka hmetu hmonyin anyi Iehova, ke ne o but e ame hia but ânyâ, ke ne o but e ame ohwâdâ je ûnykûmenen hnyekon: öbun e he ka ti wâhmakhmeto e hnyi je bong a biliny.

Daniela 10:1

HNYI huna a kuni Koreso than Peresi, me adre me omanenâ ke ûnyi kö Daniela, adre hwenyi ien Beletisaza; ke e hnathu ûnyi e, wale vat ae gan, me e ame wâhmakhmetoâ ûnyi e, kʼ ame wâ ûnykûme hna omanenâ.

Daniela 10:14

Ke walang ang oge me o but he ka thumetu u ge ta je ûnyi ame he ka o ka aten em hnyei hnyi je bong a biliny: anyin ae bec je bonginy hna omanenâ.

Daniela 2:47

Ke haingen than kö Daniela, ka habe, E hnathu, haba Khongubun me Khongon ta je khong, ke Tuhan ta je than, ke at ame omanenâ ta je ûnyi ae iyong, anyin ae khanö u he ka omanenâ ûnyi e ae iyong.

Amosa 3:7

E hnathu ame ca he bi Than Iehova ka ânyâ ke ûnyi a ne ca bân ka omanenâ weny ka je perofeta a je athnyabainy.

Mika 4:1

KE haba hnyi je bong a biliny adre me he ka otethmâ buceniny uma kap umo Iehova hon ban je bucen, ke adre me he ka ogöranyâ e hon je hut, ke ame he ta je hnyei hia ka he kâu.

Numera 24:14

Ke walang ang oge me he but ka hnyi ik hnyei, ke aiö u me oge me he ka ha köu ke je unyi ame he tavat eang ka ânyâ ka lakem hnyi je bong a biliny.

Luka 2:26

Ke adre hia but omanenâ kâu a deny Hanu Kap, a gʼ ame ca he ka wâ mok, kʼ ame he ka mē wâ thö Keriso anyin Than.

Ta je huliwa 2:17

Haingen Khong, ka habe, Hnyi ta je bong a biliny, Oge me he ka hingâlâ hanuk hon tavat hia thithö: Ke amer he lakubun obaga me wahlu ka perofeta, Ke ame he lakubun wahidröu ka wâ je hna omanenâ, Kʼ ame he wahingatibun ka bwo ta je bwi.

Deuteronomi 31:12

Ûkbacaköuâ tavat, obaga me omomo me tavat ae ûhnyûkong, me atkanyua unyâm hnyi ânyâm je lap, mʼ adre me löng, me nâ, me outö Iehova Khongubun, me wâ wia he ka ânyâ ta je hofucin hia hnanyibu eang;

Deuteronomi 4:30

Ke ka o köu vec, kʼ ame ne aat köu ta je ûnyi hia eling, me u me he ka hmetu kö Iehova Khongom hnyi je bong a biliny, me löng hoton hwan hofuc;

I. Timoteo 4:1

KE ame ha manenâ hnen Hanu, ka habe, ame he keihen ka hna degecâ labageju, hnyi je ûen a biliny, adre me he ka löng ta je hanu adre me omono me ta je hna ûnö anyin je demoni,

II. Timoteo 3:1

KE wâhmakhmetoâ ju ang, ka habe, ame he ka o ta je ûen ae kong hnyi je bong nyiele.

Heberu 1:2

me ame ha köta hnyi je bong ang a biliny a deny Nokon, at e ame wia me atö, me me he ka hu gan ta je unyi hia thithö, kʼ ame op ta je dö hia ûnyi gan;

Heberu 13:1

E SO e tethmâ ibetengiököu unyin hnyat me lakeiny.

Hna Omanenâ 4:1

HWABAN ta je ûnyi e, oge me wâ, ke wâ bi adre bia but khong hwanumen drany, ke haba hofuc a bân oge me löng helâ me hwan khoto ame fuc könya, me ha, ka habe, Ölö thö kââng, me oge me he ka omanenâ köu ta je ûnyi ame he ka o nyiele.