Genese 48:4 - Iaai Bible 1901 (New Caledonia)

⁴ me ha könya, ka habe, Wâ bi, oge me he ka ohâti u me osi u me wiö u, mʼ u ma je hnyei ae se, ke oge me he ka ham hnyei eang ka ta je mâtrânâm a hwâbâm me me em nyiele balua.

Genese 48:4 ပူးပေါင်းရင်းမြစ်များ

Genese 12:2

ke oge me he ka wiö u me me dökhu ae gan, ke oge me he ka ohnahici u, me ogânâ iâm; ke u ma he ka hnahic:

Genese 17:13

E ûnyi hnathu he ka peritomonâ at adre hnokoâ hnyi hnyabam, me hna ûco hnen ânyâm mone: kʼ ame he ka e bi hnyi je unyibun anyik ûhihinyköu hnân ûhihinyköu nyiele balua.

Genese 17:6

Ke oge me he ka ti öei u, ke oge me he ka oâ ta je hnyei ûnyi gam, kʼ ame he ka o ûnyi gam ta je than.

Genese 17:8

Me oge me he ka ham köu, me ta je mâtrânâm hwabâm, hnyei u me laba kanyua hnyin, a hnyei Kanana hia, hnân gam nyiele balua; ke oge me he ka Khongudrin.

Genese 22:17

anyin a wale oge me he ka ti ohnahici u, me ti osiâ je mâtrânâm, me me helâ me ta je okhûiny drany, me helâ me öny hnyi haten köiö; kʼ ame he mâtrânâm ha hu homagöuleiny ta je iwa-hnaimiöny më;

Genese 26:4

ke oge me he ka osiâ ta je mâtrânâm helâ me ta je okhûiny drany, me ham ta je hnyei hia thithö ang ka ta je mâtrânâm; ke adre me he ka ohnahicâ ta je hnyei hia eang hmelen ûnyi ge ta je mâtrânâm;

Genese 28:3

Ke e so ame he Khong Ataekhanahia he ka ohnahici u, me odedu u, me osi u, me me se hia em je hnyei;

Genese 32:12

Ke u je hia but ha könya, ka habe, E hnathu oge me he ka ânyâ so köu, ke oge me he ka osehia je mâtrânâm me me helâ me Önyin köiö, wale me me ca hnân aû anyin ae se hia.

Genese 35:11

Ke Khong ame ha kâu, ka habe, Inya Khong Aekhanahia: dudu but me si but; ame he ka o unyâm ke hnyei me ta je hnyei, ke ame he ka o ûnyi gam ta je than;

Genese 46:3

Ke e ame ha, ka habe, Inya Khong, a Khongon kâmâm: ca ot he ka he Aigupito ai; anyin oge me he ka wiö u eling me hnyei ae gan:

Genese 47:27

Ke Isaraela ame laba hnyei Gosena, hnyi hnyei Aigupito; ke hu idrin eling, kʼ ödrin e hât me si gan hmâ.

Salamo 127:3

Wâ bi, jekhöûta ûnyi ga Iehova ta je wanakat: Ke hwaban ûnyi gan, wale wan tangen hnöku.

Esodo 1:11

Anyina wale, adre roe otilâ hudrin ta je tuhan hu-liwa, hnân he ka oveci ödra ge anyidrin ta je huliwa ae hmak. Ke adre me otilâ li hnyaba hobi kö Farao, Pithoma me Ramese, hnân ip omjeû hnyin.

Esodo 1:7

Ke ame dudu me si but ta je lakon Isaraela, me se hia, kʼ adre me hwege tot; ke unöngötö hnyei gadra.

Ezekiela 37:25

Me adre me he ka labâ hnyei waleji oge me ham kö Jekob athnyabaik, waleji a labâ ge lakamöbun; kʼ adre me he ka labâ e, ödra, me lakudra, me laöbidra nyiele balua: kʼ ame he Davita athnyabaik ka tuhödra nyiele balua.

Levitiko 26:9

Ke oge me he ka ogânʼ öbun me osiâ me osehiʼ öbun; me ohmâ anyik ûbihinyköu möbun.

Deuteronomi 32:8

Hnyi ûen waleji Beönua ame ha idrin ka ta je hnyei hnyin, Kʼ ame oveseâ lakon tavat, Me wale e ame kia je hnyigöulen tavat, Hoton ûganiny lakon Isaraela.