Genese 48:21 - Iaai Bible 1901 (New Caledonia)

²¹ Ke haingö Isaraela kö Josefa, ka habe, Wâ bi, Oge me he but ang ka mok: ke ame he Khong ka tha e möbun, me hum öbun hmetu ka hnyi hnyei lakamöbun.

Genese 48:21 ပူးပေါင်းရင်းမြစ်များ

Genese 12:5

Haba Aberama ame hum Sarai a âiân, me Lota a nokon liamekeiny më, me tang omjehedrin hia ödrin e hia but ûkböûna, me je hnyat ödrin e hia but hom unyidrin hnyi Karan; ke ödrin e he but ka hnyi hnyei Kanana; me Ödrin e o but hnyi hnyei Kanana.

Genese 15:14

ke oge me he ka owisa ka hnyei eling minya, adre me bi athnyabainy: ke hwaban dö e adre me he ka he hmetu me omjeû ae gan.

Genese 15:16

Ke haba hnyi dö ae vakiny adre me he ka hmetu jem: anyin ae tiga ca bekhöt ut konginy at Amora.

Genese 26:3

u ma laba kanyua hnyi hnyei eling, ke oge me he ka tha e möu, me ohnahici u; anyin oge me he ka ham köu me ta je mâtrânâm ta je hnyei hia eang, me oge me he ka ohwâdâ hnök hna ûhihinyköu kö Aberahama a kâmâm;

Genese 28:15

Ke wâ bi, tha inya möu, ke oge me he ka tuö u hnyi je hnyei hia u je he ka hnyin, me ohmetu u ka hnyi hnyei eang: anyin oge ma ca he ka hnö u ke ne o but oge hia but ânyâ hnök hna ha köu.

Genese 37:1

KE Jekob ame laba hnyi hnyei hnen kamen hna laba kanyua hnyin, wale hnyei Kanana.

Genese 46:4

oge me he ka tha he möu Aigupito ai; kʼ oge me he bi nya ka hum u hmetu ûheny e: kʼ ame he Josefa ka hlec li emâkâm.

Genese 47:29

Ke hakekeny jut ûen ame he Isaraela ka mok; ke e ame baö Josefa e nokon, me hûna kâu, ka habe, U je ne betenge gak, ö u inâ ju hnyamâm hmelen jevak, me ânyâ ûnyi ae so me hnathu könya; u na ca he ju ka könim nya eang Aigupito:

Genese 50:24

Ke haingö Josefa ka je liamekeiny me, ka babe, Oge me be but ang ka mok: ke e hnathu ame be Khong ka senʼ obun, me hum öbun tinyi hnyi hnyei eang ka hnyi hnyei e ame khemanyiuâ ko Aberahama, me Isaaka, me Jekob.

Genese 50:6

Ke haingö Farao, ka habe, He thö ka konâm kâmâm, helâ me hnen hna kunö u he ka khemanyin.

Salamo 18:46

E möt Iehova; e so he ka olongo kicik; Ke so adre me ogöranyâ Khongon melik:

Luka 2:29

Than lö, u ma hna but walang ang athnyabaem he ka he hnyi hnahic, Helâji me hwâm hofuc;

Ta je huliwa 13:36

Haba Davita ame ânyâ weny Khong hnyi anyin dö, me ame mokut bi, kʼ adre me ip e unyin lakamen, ke ame wâ hna bobot:

Deuteronomi 30:3

awe, ame he Iehova ka ohmetu u ûnyi hnyi hna bâ, me betenge gam, me he hmetu ka ûkhacaköuö u ûnyi hnyi ta je hnyei hia wale Iehova ame hia but oveseiö u ka hnyin.

Deuteronomi 31:8

Ke haba Iehova me wale at ame he hnyi hnyimâkâm; ke e ame he ka tha e bi möu, e ame ca he ka hia unyâm, me hna degeci u: ca ot ke ca öbubuny bi.

II. Timoteo 4:6

Anyin adre me hwân walang ang he ka hudi nya, ke ame o thö ang ûen oge me he ka he but hnyin.

Heberu 7:3

ae ba kamen me hinyen, ke ba minya deo lakiben, ke ba minya hwân ta je bonginy, ke ba minya obiny möt, ke adre oûco me Nokon Khong), me, e at bihut bala bi.

Heberu 7:8

Ke haba walang, ame kap je ke keihen a libenyitainy hnen tavat adre me he ka mok; ke waleji ke at adre ohnathoâ a e möt bi.

Josua 1:5

E ba at ame he ka khana ka tot hnyi hnyimâkâm hnyi je bong bongon ânyâm möt; oge me he ka tha inya mou helâji me hnok hna tha e me Mose: ame ca he ka hiö nya unyâm me hna degeci u.

Josua 1:9

Hawa, oge ca hûna köu? Hwege thö, ke hnyok baga but; ca ot, ke ca öbubuny bi, anyin a e bi unyâm Iehova Khongom hnyi je dok u me be ka hnyin.

Josua 23:14

Ke wâ bi, oge me he ka vheno hnyi bong ang gethen deny aten hmeledrany hia: ke e khanʼ öbun dut hnyi ta je hnyok me je hanubun, ae ca haû ke ûnyi hnyi ta je ûnyi hia ae so a ha Iehova Khongubun gabun; e hwâdâ hia köbun, he ca haû bi ke ûnyi a khaca.

Josua 3:7

Ke haba Iehova ame ha kö Josua, ka habe, Oge me he ka hwân hnyi bong ang ka oganö u hnyi hnyimakan at Isaraela hia thithö, me me khanʼ ödra a tha inya möu, helâji me tha inya me Mose.

II. Peteru 1:14

e khanö nya ae logot oge me he ka uny degecâ but umök uma menâ, helâ me hnen Tuhöta Iesu Keriso hna omanenâ könya.