Genese 48:16 - Iaai Bible 1901 (New Caledonia)

¹⁶ waleji angela at ame omeli nya ûnyi hnyi ta je kong hia, e so e ame ohnahica li thöth; ke so adre ip hudru iök, me ien lakamök Aberahama, me Isaaka; ke so ödru me he ka ti si eang hmelen.

Genese 48:16 ပူးပေါင်းရင်းမြစ်များ

Genese 22:11

Ke haba angela anyi Iehova ame hawâ e ûnyi hnyi drany me ha, ka habe, Aberahama, Aberahama lö: me haingen, ka habe, Inya ang.

Genese 22:15

Ke ame olo hongot angela anyi Iehova kö Aberahama ûnyi hnyi drany,

Genese 32:28

Me e ame ha, ka habe, adre me ca he hmetu ka hao u Jekob, ke Isaraela bi: anyin a u je hia but nâ hwegiâm me Khong me tavat, ke ne u hwege.

Genese 46:3

Ke e ame ha, ka habe, Inya Khong, a Khongon kâmâm: ca ot he ka he Aigupito ai; anyin oge me he ka wiö u eling me hnyei ae gan:

Genese 48:5

Ke walang ang haba li lakom jia Eferaima me Manase adre hnokoâ gam hnyi hnyei Aigupito, kʼ iny tiga ca o köu eang Aigupito, me ödru li lakuk bi, helâ me Reubena me Simeona.

Genese 49:22

Josefa, anginy ûö ae wa, Anginy ûö ae wâ hnyi an; Ame iâû ta je anginy hon hak veto.

II. Samuela 4:9

Ke haba Davita ame thu kö Rekaba me Baana a liamekeiny mē a li laku Rimona at Berotha, me ha ködru, ka habe, Kia inya Iehova, at ame omelö hanuk ûnyi hnyi ta je kong hia,

I. Je Than 1:29

Me haba than ame khemanyin, ka habe, Kia inya Iehova at ame omeli nya ûnyi hnyi anyik ta je vec hia,

II. Man Ûlabainy Je Than. 7:14

ke e ka he lakeik, hnyat adre ip iök hudrin, ka oûhnyûkongu ödrin bi, me hic, me elâm hnyimakök, me hmetu ûnyi hnyi dedrin je gethen ae kong; awe, oge me he ka long hnyi drany, me hna anyidrin monu, me osoâ idrin hnyei.

Salamo 121:7

Ame he Iehova ka tuö u hnyi ta je ûnyi hia ae kong; E ame he ka tuö hanom.

Salamo 34:2

Ame he hanuk ka hobeluö Iehova: Ame he tavat ae ilemuk ka long me senyin.

Salamo 34:22

Iehova ame omelo hanon lathnyabainy; Ke adre me ca ho ka hangâ ke at unyin tavat adre me labageju kâu.

Salamo 34:7

Ame hunuma angela anyi Iehova igigilo tavat adre me outen e, Me omeli ödra.

Salamo 34:8

Öbun na drem cubecâ ju me wâ a at ibetengiö Iehova: Hnahic hnen at ame labageju kâu.

Esodo 1:7

Ke ame dudu me si but ta je lakon Isaraela, me se hia, kʼ adre me hwege tot; ke unöngötö hnyei gadra.

Isaia 47:4

At ame ûcû melita, Iehova tuhan sabaoth ien, wale Kabi Isaraela.

Isaia 63:9

E ame tha vec mödra hnyi anyidra ta je vec hia, ke e ame omeli ödra ge angelainy hnyimakan: e ame ûcû ödra hnyi anyin ibetengiö, ke hnen hna betenge baû; ke ame hum ödra me kop ödra bala bi hnyi je bong ehac.

Jeremia 14:9

Anyin a ieû, u je helâ me at ame gâ ön, ke helâ me at ae hwege ae ca khana he ka omelo? ke so bi, u bi Iehova hnyi wanböhmun, ke u je ip iâm huhmun; ca hna degeci ohmun bi.

Jeremia 15:21

Ke oge me he ka hûgûnö u ûnyi hnyi hnyamen tavat ae kong, ke oge, me he ka ûco melam ûnyi hnyi hnyamen tavat a ödra wathethot.

Amosa 9:12

mʼ adre me he ka hu je kolon ge at Edoma, ke ta je hnyei hia wale adre me ip hudra iök, haingo Iehova, at ame ânyâ e.

Malaki 3:1

WÂ bi, oge me kunâ anyik ûthumetu ke e ame he ka ânyâwia gethen hnyi hnyimakök: ke ame he ka ie o ka hnyi uma umen Than wale öbun e elâm; me ûthumetuiny ûhihinyköu at öbun e senyinâ, wâ bi, e ame o, haingö Iehova tuhan sabaoth.

Numera 1:46

wale tavat hia adre aû, me ödra siks haded ke theri thauzan ke faiv haded ke fifte.

Mataio 6:13

Ca hum ohmun ka hnyi ûcûbic, ke so bi hûgûnʼ ohmun dut ûnyi hnyi hulö.

Ioane 17:15

Oge me ca sumatö u a u me he ka hum ödrin ûnyi eang hmeledrany, ke so bi he ka tuʼ ödrin hnyi hulö.

Ta je huliwa 15:17

Madre me he ka elâm Than hnen ta je kolon tavat, Me Aten ke je hnyei hia wale adre hwenyi iödra ûnyi hnyi iök,

Roma 8:23

Ke ca hake e, ke öta minya hnyat ae hu gata wan a bân anyin Hanu, haba öta ate me mâng minya eû hnyi je hnyekuta, me halubahingen he ka wia me me lakon, wale hna omelö ta je unyita.

I. Korinito 10:4

ke ödra hia adre me tha ijem belen hanu: anyin adre me ic ûnyi hnyi kiciny hanu ame ûhnûhnû: haba kic eling, me Keriso.

I. Korinito 10:9

Ke ca he minya öta ka cubec Than, helâ me keihen gadra adre me cubec, me adre me mokcu ge ta je on.

Deuteronomi 28:10

Ke ame he je hnyei hia eang hmelen ka wâ a gʼ adre ip iö Iehova hom; mʼ adre me he ka outö o.

Deuteronomi 33:17

E hmanenang nokon haleny bolok a bân; Ke haba li faoiny, me wale faoiny bolok ae hiny: Ge li ûnyi e e ame he ka hukâ je hnyei hia ke ne o but je obiny hmeledrany: Ke haba ödra, me, je ten thauzan anyi Eferaima, Ke ödra je thauzan anyi Manasi.

II. Timoteo 4:18

Ke ame he Than ka omeli nya ûnyi hnyi ta je huliwa hia thithö ae kong, ke e ame he ka omeli nya ke ne o but ka hnyi dokhon dokhu ethö hnyi drany: e so adre me ogânâ e nyiele nyiele balua. Amen.

Tito 2:14

waleji at a hamen ham e hnân hobi köta, me me he ka ûcû öta ûnyi hnyi ta je hulo hia thithö, me ânyâwia hnân hobi kâu tavat hnân athnyabainy bi, hnyat ae hwege ka hnyi ta je huliwa ae so.

Heberu 11:21

Hnen abageju Jeko ame ve hahnahicâ li laku Josefa, hnyi ûen e ame he ka mok; ke e ame khudrung hon ban ciny uci.

Josua 17:17

Ke Josua ame ha ka lap anyi Josefa, jia Eferaima, me Manase, ka habe, U hnyei ae gan me tren man ae gan: ke u me ca he ka jekhom a khaca thibi;