Genese 48:15 - Iaai Bible 1901 (New Caledonia)

¹⁵ Ke e ame hahnahici Josefa, me ha, ka habe, E so ame he Khong, wale hnen lakamök Aberahama me Isaaka hna he hnyi hnyimakan, a Khong waleji at ame ha ök hwân kʼ iny tiga wanakat ke ne o but hnyi bong ang,

Genese 48:15 ပူးပေါင်းရင်းမြစ်များ

Genese 17:1

KE nainte nain hunai Aberama, me ame manen dut Iehova kö Aberama, me ha kân, ka habe, Inya ang Khong Ataekhanahia; u ma he hnyi hnyimakök, ke wisa but.

Genese 24:20

Ke e ame ie hingâlâ but anyin kaia ka hnyi kumete, me wadring hmetu ka hnyi an ka sâû, kʼ ame se köiö hobi kâu je kamela hia.

Genese 24:40

Me haingen könya, ka habe, Ame he Iehova, wale oge me he hnyi hnyimakan, ka kunâ anyin angela ka tha e möu, me ohnahicâ ûhem; ke u ma he ka hok âiân nokuk ûnyi hnyi anyik lap, me hnyaba cica:

Genese 27:27

Me e ame hakekeny, me ûcimhnyimak më: me e ame hnulâ bunen ûkhaûen, me hahnahicâ e, me ha, ka habe, Wâ bi, haba bunen nökuk, Me helâ me bunen utkânâ hnö Iehova hna hahnahicâ:

Genese 27:4

ke ânyâ thö hobi könya utiö ae bo so helâ me wek, me hom but könya, me oge me he ka han; me me he hanuk ka hahnahici u inye tiga ca mok.

Genese 28:20

Ke Jekob ame hipʼ khöbi, me ha, ka habe, Ame ne he Khong ka tha e mönya, me tuö nya hnyi gethen ang oge me vheno, me haök, me ha khauk,

Genese 28:22

ke haba veto eang, wale oge otilâ hnân haten, ame be ka hnen uma umen Khong: ke ûnyi hnyi ta je ûnyi hia u ma he ka ham könya, e hnathu oge me he ka ham hmetu köu je ke keihen a libenyitainy.

Genese 28:3

Ke e so ame he Khong Ataekhanahia he ka ohnahici u, me odedu u, me osi u, me me se hia em je hnyei;

Genese 35:3

kʼ ate me tot me he thö Bethela ai; kʼ oge me he ka otilâ taben hut eling ka Khong, at ame ling nya hnyi bong oge me vec hnyin, me tha e mönya eû hnyi gethen oge me he hnyin.

Genese 48:16

waleji angela at ame omeli nya ûnyi hnyi ta je kong hia, e so e ame ohnahica li thöth; ke so adre ip hudru iök, me ien lakamök Aberahama, me Isaaka; ke so ödru me he ka ti si eang hmelen.

Genese 49:22

Josefa, anginy ûö ae wa, Anginy ûö ae wâ hnyi an; Ame iâû ta je anginy hon hak veto.

Genese 49:24

Ke hwege balua anyin cafana, Kʼ adre ohwegiâ li hnyamen me li benyin, Unyi ge li hnyamen thani Jekob, (Ûheny e at tuö mamoe, wale veto anyi Isaraela,)

Genese 49:28

Wale je tribu anyi Isaraela hia a twelv; ke wale hnen hna ha ködrin hnen kamödrin me hahnahici ödrin; e ame hahnahici ödrin helâ me ûcû ködrin.

Genese 6:9

Walang ta je dö anyi Noa. Haba Noa, at ae wisa, ke fâfâ but hnyi anyin ta je dö: haba Noa ame tha he me Khong.

I. Je Than 3:6

Ke haingö Solomona, ka habe, U je betenge gan hmâ ga cica Davita athnyabaem, hoton hnen hnaʼ he hnyi hnyimâkâm hnyi hnathu, me hwakecin ae so, me hnyekon ae wisa köu; ke u je tuö hobi kâu ibetengiö ang ae gan, a u je ham kâu nokon he ka laba hon anyin theron, helâ me hnyi bong ang.

I. Man Ûlabainy Je Than. 5:1

KE haba je baga laku Reubena nöku Isaraela a bân, (anyin a e atö; ke so bi e ame okongoâ hna mokut waleji a hnen kamen, me adre me ham bi jekhon a atö ka li laku Josefa nöku Isaraela; ke adre me ca sihnalimen je dö hoton je ûtangköu.

Salamo 16:8

Oge hia but ip Iehova bala hnyi hnyi-makök: Oge me ca he ka bwebwet, anyin a e bi hnyi ke keihök a metök.

Salamo 23:1

HABA Iehova at ame tuö helâ me at tuö mamoe, ame ca he ka ba ta ûnyi gak.

Salamo 37:3

Geju thö kö Iehova, ke mâdrâ so; Labâ hnyei, ke hnu hoton hnathu.

Esodo 3:16

He thö u he ka ûkhacaköuâ wahingatiny Isaraela, me ha ködra, ka habe, A manen dut könya Iehova, Khongon lakamöbun, Khongu Aberahama, me Khongu Isaaka, me Khongu Jekob, me ame ha, ka habe, Inya oge hia but senʼ öbun, me wâ ta je ûnyi adre ânyâ köbun e Aigupito:

Esodo 4:5

mʼ adre me he ka kap a ga manen köu Iehova, Khongon lakamödra, Khongu Aberahama, me Khongu Isaaka, me Khongu Jekob.

At Khet 5:12

E senem hna mokut ka at huliwa, kʼ ame ne han gan ame ne ûhnyûkong: ke ca khana at tren omjeû he ka mokut, can ae ti unöngöt hnyekon.

At Khet 5:18

Wâ bi, e so wânök ke mec bi a gʼ ame he at ka han me ic, me senyinâ so hnyi anyin ta je huliwa hia, waleji e ame ânyâ hmelen seûno hnyi je bong bongon anyin möt, wale a ham kâu Khong: anyin a wale jekhon.

At Khet 6:7

Haba ta je huliwa hia anyin at, hnân hobi kâu bi hnyimen, kʼ ame ca sekon bi weny.

Isaia 30:21

ke ame be li hnyikönyâm ka long hofuc hnyi hotom, ka habe, Walang gethen, vheno ju öbun hnyin e; öbun ka saû ka hnyi ke keihen metâ, ke öbun ka saû ka hnyi keihen me.

Isaia 33:16

awe, e ame he ka laba hnyi dok ae gorany: ke hnen hna lubaduöng bi je kic a je hnabâ: adre me he ka hûn e; ame he ka tethmâ hna habelen e.

Jeremia 8:2

ke adre me he ka ve ip ödra hnyi hnyimakan seûno me tehi, me je dö hia hnyi drany, waleji adre me hnyok kâu, me bi athnyaba kâu, me hnu hoton, me elâm, me khudrung kâu: adre me ca he ka ûkhacaköu me konim ödra; adre me he ka hnân tatet hnyi kânâ.

Luka 1:6

Ke ödru li at ae wisa hnyi hnyimakan Khong, kʼ ödru me vheno ta je hnanyibu ke ta je hna otilâ hnen Than, ke ba monu gadru.

I. Korinito 10:31

Anyin a wale, öbun ka he ka han, me ic, me ânyâ ke ta je ûnyi bi, ânyâ hia thö hnân ogânâ Khong.

II. Korinito 1:12

Anyin a walang anyihmun sēnyin, a gʼ ame ohnathoâ hnen ûnykûmenöhmun ae hnyi hwakecin ae wisa me hnathu ûnyi ge Khong, ke ca ûnyi bi hnyi metâiny unyin ke ûnyi hnyi ibetengiö baû anyin Khong, öhmun e ânyâ hwakecihmun eang hmeleʼ drany, ke ti gan hmâ bi köbun.

Deuteronomi 33:1

KE walang hnahic waleji hnö Mose hna hahnahicâ lakon Isaraela ke tiga ca mok.

Kolose 2:6

Anyin a wale, he bala ju öbun unyin Keriso Iesu a Than, helâ me hnobun hna kap e,

I. Thesalonika 2:12

mʼ öbun e he bala ka ûcû ka Khong, at a hawʼ öbun ka hnyi dokhon dokhu me anyin hmanenang.

Heberu 11:21

Hnen abageju Jeko ame ve hahnahicâ li laku Josefa, hnyi ûen e ame he ka mok; ke e ame khudrung hon ban ciny uci.