Genese 48:14 - Iaai Bible 1901 (New Caledonia)

¹⁴ Ke Isaraela ame inâ hnyamen a metân me ip hon bö Eferaima a wakeiat, me hnyamen a meny hon bö Manase, kʼ ame ip metâ li hnyamen; anyin a atö Manase.

Genese 48:14 ပူးပေါင်းရင်းမြစ်များ

Genese 41:51

Ke Josefa ame hwenyi ien atö, Manase: haingen, ka habe, Anyin a hia but Khong okhöti nya hnyi anyik ta je vec hia, me hnyaba cica hia.

Genese 41:52

Ke e ame hwenyi ien wakeiat Eferaima: haingen, ka habe, Anyin a Khong ame osi nya hnyi hnyei adre oveci nya hnyin.

Genese 46:20

Ke adre hnokoâ lo laku Josefa hnyi hnyei Aigupito, jia Manase me Eferaima, wale hnö Asenatha nöku Potifera, at bihut hnyi Ona.

Genese 48:13

Ke Josefa ame hum ödru lo, jia Eferaima hnyi hnyamen a metân ka hnyi hnyamen a me Isaraela, me Manase hnyi hnyamen a meny ka hnyi hnyamö a metö Isaraela, me lili ödru kâu.

Genese 48:17

Ke Josefa ame wâ a kamen ame ip hnyamen a metân hon bö Eferaima, me ame vec hnyekon: me e ame kap göranyai hnyamen kamen he ka hai hon bö Eferaima ka hnyi bö Manase bi.

Genese 48:18

Ke haingö Josefa ka kamen, ka habe, Cica lö, ca helâe, anyin a atö at ang; ip dö hnyamâm a metâm hon bân.

Salamo 110:1

HAINGÖ Iehova ka tuhok, ka habe, Laba ju hnyi ke keihök a metök, Ke ne o but oge me he ka wia ta je iwahnaihmiöny möu me hnân taben li cam.

Salamo 118:16

Ame gorany dut hnyam a metö Iehova: Ame ânyâ hwegiâ hnen hnyam a metö Iehova.

Esodo 15:6

Iehova lö, e mec hnyamâm a metâm ae man; Iehova lö, a hia but hnyamâm a metâm kot omomono iwahnaihmiony.

Numera 2:18

Ke haba haten lap anyi Eferaima ame he ka e bi hnyi ke keihen e jio, hoton köiödra: haba Elisama nöku Amihuda ame he ka thaniny lakon Eferaima.

Numera 8:10

ke u me he ka hom tavat Levi ka hnyi hnyimakö Iehova: ke hamen lakon Isaraela he ka ip je hnyamödra hon je at Levi;

Numera 8:18

Ke oge me hom tavat Levi hnân bi hnen je nokon hia a bân unyin lakon Isaraela.

Mataio 16:18

Ke inya oge me ha köu, ka habe, U Peteru, ke hnyi hon veto ang, oge me he ka otilâ anyik ekalesia; ke ame ca he ka hwege ta je homagouleny hedis hon e.

Mataio 19:13

Me adre me hom but kâu ta je wanakat, me me he ka ip li hnyamen hudrin, me hic: ke haba laten ödrin e thawʼ ödra.

Mataio 19:15

Me e ame ip li hnyamen hudrin, me he but ûheny e.

Mataio 6:5

Ke öbun ka he ka hic, e so öbun e ca helâ me tavat thoi hnyok: anyin e senem kodra he ka tot me hic hnyi ta je sunago me vheden ta je gethen, me me haisoi ödra hnen tavat. E hnathu inya oge me ha köbun, adre hia but kap hwabödra.

Luka 13:13

Ke e ame ip li hnyamen hon momo: me e ame ie wisa but, me ogânâ Khong.

Luka 4:40

Ke ame he but ka dit seûno, haba ödra hia ae hu je komok ae ve bongon, adre me hum ödra kâu; ke e ame ip li hnyamen hudrin hia, me osoi ödra.

Ta je huliwa 13:3

Ke adre hia but ânyâ ca han me hic, me ip je hnyamödrin hudru, me ödrin e kunʼ ödru but.

Ta je huliwa 6:6

adre me otilʼ ödrin hnyi hnyimakan je aposetolo: ke ödrin e hia but hic, me ödrin e ip je hnyamödrin hudrin.

Deuteronomi 34:9

Ke ame unöngötö Josua nöku Nuna ge hanu ae metâ; anyin a hia but Mose ip li hnyamen hon: ke haba lakon Isaraela me adre me löng kâu, me ânyâ helâ me Iehova ame hûna ko Mose.

I. Timoteo 4:14

Ca he ka oûnyibâûâ hnödra hna ham köu, waleji adre ham köu ge hna perofeta me hna ip hnyam hnen wahingat.

I. Timoteo 5:22

Ca he ka ie ip li hnyamâm hnyi hon ke at, ke ca hnyi hanen monu anyin keihen: tuö wia hwakecâm me me alai.