Genese 47:6 - Iaai Bible 1901 (New Caledonia)

⁶ waleû hnyei Aigupito hnyi hnyimâkâm; olabā ju kâmâm me je liamekeiny möu hnyi kânâ ae hoso; e so ödrin e laba hnyi hnyei Gosena: ke e ka khanö u ke je hnyat ae meta unyidrin, otilʼ ödrin dö he ka musi hnyi ta je hnahat a halek.

Genese 47:6 ပူးပေါင်းရင်းမြစ်များ

Genese 13:10

Haba Lota ame bwele me wâ dok ae thahon hia hnyi Joridano, a gʼ ame hu köiö hnyi je ke keihen hia, ke tiga ca ohia Sodoma me Gomora hnö Iehova, helâke hnyei i Iehova, helâke hnyei Aigupito, gethen Zoara ai.

Genese 13:9

Hawa, e ca e hnyei hnyi hnyimâkâm? e so ötu na ûsâkâûö: u ka he but ka hnyi ke keihen a me, awe, oge ma he bi nya ka hnyi ke keihen a metâ; ke u ka he ka hnyi ke keihen a metâ, awe, oge ma he bi nya ka hnyi ke keihen a me.

Genese 20:15

Ke Abimeleke ame ha, ka habe, Wâ bi, ik hnyei hnyi hnyimâkâm: laba ju hnâm hna he ka weny.

Genese 34:10

Ke öbun e he ka tha laba möhmun: ke köuöbun kânâ hnyi hnyimaköbun; laba ju me ûcû hnyin, me me ve hu ibun eang.

Genese 45:10

ke u ma he ka laba hnyei Gosena, mʼ u ma hakekenyi nya, u me je lakom, me je laöbem, me halem je hnahat mamoe, me halem je kâu, me ânyâm ta je ûnyi hia thithö:

Genese 46:34

me öbun e he ka ha, ka habe, Öhmun lathnyabaem hnyat tuö meno hwân hnyi hidröu a öhmun ke ne o but walang ang öhmun me lakamöhmun: mʼ öbun e he ka laba hnyi hnyei Gosena; anyin a at Aigupito adre me ikikiâ hnyat tnö mamoe.

Genese 47:11

Ke Josefa, ame olabâ kamen me je liamekeiny më, me ha gadrin hnyi hnyei Aigupito, hnyi kânâ ae hoso, hnyi hnyei Ramese, helâ me hna hûna hnö Farao.

Genese 47:16

Ke haingö Josefa, ka habe, Hom but jem halebun ta je meno; ke oge me he ka ha öbun hwaban halebun ta je meno e ka ba but mone.

Genese 47:4

Ke haingödrin kö Farao, ka habe, Öhmun e o but he ka laba kanyua hnyi hnyei; anyin ae ba an je hnahat haleny lathnyabaem; anyin ae gan hmâ hmiâ hnyi hnyei Kanana: ke ö u he walang ang ka hnʼ öhmun a lathnyabaem ka laba hnyi hnyei Gosena.

Genese 47:5

Ke Farao ame ha kö Josefa, ka habe, A o thö köu kâmâm me je liamekeiny möu:

I. Je Than 11:28

Ke at ae hwege hmonyin Jeroboama: ke a wâ but Solomona a e hidröu ae ti huliwa, ke e ame otilâ e hon ta je huliwa hia hnyi lap anyi Josefa.

II. Man Ûlabainy Je Than. 26:10

Ke e ame op je tap ae beû goranyai hnyi hnyebuba, me khû je an ae se hia, anyin ae se hia haleny je meno; helâe minya hnyi hnyei ae hnyikânâ, me dok ae tha hon: ke e hu gan tavat belök me ânyâwia vine hnyi je bucen, me hnyi Karemela; anyin a e at ae bebelök.

Esodo 18:21

Ke haba khaca u me he ka ûca ûnyi ge tavat hia hnyat ae metâ, ödrin e outen Khong, a hnyat ae hnathu, odrin e hûkötiâ troban thoi; ke otilʼ odrin hon tavat, hnân je taben thauzan, me je taben haded, me je taben fifte, me je taben libenyita:

Esodo 18:25

Ke Mose ame ûca hnyat ae metâ unyin at Isaraela hia, me otilʼ odrin me je homakan tavat, a je taben thauzan, me je taben haded, me je taben fifte, me je taben libenyita.

Esodo 9:10

Kʼ ödru me hom dröu hnyi wahnainyâ me tot më hnyi hnyimakö Farao: ke Mose ame iâ goranyai; me ame wia me ohuc ae hmouca me han unyin at me meno.

Esodo 9:21

ke haba at ame ca oûnyihnathoâ hna ha hnö Iehova, e ame hna but lathnyabainy, me haleny je meno hnyi hnyei.

Ta je Vejec 21:1

E HNYI hnyamö Iehova hnyekon than helâ me je deny köiö: Kʼ ame wia e ka hnyi hnen hna weny.

Ta je Vejec 22:29

U je wâ but at ame ânyâ logotâ anyin huliwa? awe, e ame he ka tot hnyi hnyimakan je than; E ame ca he bi ka tot hnyi hnyimakan hoûmonu.

Jeremia 40:4

Ke walang ang, wâ bi, oge me i thang je tö fao hnyi bong ang ae hon li hnyamâm, A ne so köu he ka tha he mönya Babulona ai, aiö u, ke oge me he ka ō u, ke a ne kong köu he ka tha he mönya Babulona ai, degecu, wâ bi, wale hnyei hia hnyi hnyimâkâm; haba dok ae so me ûcû köu he ka he ka hnyin, he thö ka hnyin.

Ioane 17:2

waleling u je hna e he ka muso tavat hia, me me he ka ham möt ame ca ba balua kodra hia u je ham kâu.

I. Samuela 21:7

Ke wale ke athnyabai Saulo hnyi bong eling, adre me tuö hnyi hnyimakö Iehova, Doega ien, at Edoma, a taben tavat tuö omeno hale Saulo.