Genese 47:26 - Iaai Bible 1901 (New Caledonia)

²⁶ Ke Josefa ame otilâ ûnyi eling hnân hnanyibu hnyi hnyei Aigupito ke ne o but hnyi bong ang, ka habe, Hobi kö Farao ta je ke keihen a thabûnginy; ke ca helâe ta hnyei iny tavat bi hut, ca i Farao bi e.

Genese 47:26 ပူးပေါင်းရင်းမြစ်များ

Genese 14:20

Ke so adre haisoâ Khong ae Beönua waleji ame hna but je iwahnaihmiöny möu ka hnyi hnyamâm. Ke e ame ham kâu ke keihen a libenyitainy ta je ûnyi hia.

Genese 28:22

ke haba veto eang, wale oge otilâ hnân haten, ame be ka hnen uma umen Khong: ke ûnyi hnyi ta je ûnyi hia u ma he ka ham könya, e hnathu oge me he ka ham hmetu köu je ke keihen a libenyitainy.

Genese 41:34

Ke so e he Farao ka ânyâ ta je ûnyi eang, wale he ka otilâ ta je homakan hon hnyei me hlo ke keihen a thabûnginy jeû hnyi hnyei Aigupito hnyi je hunainy widrany a seven.

Genese 47:22

Ke e ame ca ûco hnyei iny tavat bi hut: anyin a hnö Farao hna khenâ hwajekhon tavat bi hut, kʼ ödrin e han jekhöu Farao ame ham ködrin; waleling mʼ adre me ca ûco idrin.

Genese 47:25

Ke haingödrin, ka habe, U je hia but omeli öhmun; ö u betenge gahmun than, kʼ öhmun e ka bi athnyabai Farao.

Ezera 7:24

Ke öhmun e ha minya köbun, a haba tavat bihut, me at Levi, me tavat khumöng, me tavat tuö hwanuma, me at Nethini, me lathnyabainy uma eling umen Khong, me adre me ca he bi ka kunʼ ödrin ka fâtâ omjeû, me jeû, me bi öhnyei.

Ezekiela 7:24

Ke oge me he ka oâ tavat ae kong hmonyin hnyi je hnyei, ke adre me he ka hu umödra je uma: ke oge me he ka bi obiny hobelöuiny anyidra tavat hwege; ke adre me he ka oikikiâ anyidra je dok ae kap.

Levitiko 27:30

Ke haba ke keihen a libenyitainy troban kânâ, ame ne hatonginy, ame ne wan ûö, me, anyi Iehova e: e kap e kö Iehova.

Numera 18:21

Ke wâ bi oge me ham ka laku Levi ke keihen a libenyitainy ta je ûnyi hia hnyi Isaraela hnân idra, me hwaban anyidrin huliwa ödrin e ânyâ, wale huliwainy uma ûkhacaköu.

Deuteronomi 14:22

U me he ka ham ke keihen a libenyitainy troban hnyei hnyi ke huna me ke huna.

Deuteronomi 26:12

Ke u ka hia but ham je ke keihen a libenyitainy jeûiny huna a kuniny, wale huna adre ham je ke keihen a libenyitainy, me u me he ka ham e ka at Levi, me atkanyua, me nakahme, me safac, mʼ ödrin e he ka han sekon hnyi ânyâm je lap;