Genese 47:11 - Iaai Bible 1901 (New Caledonia)

¹¹ Ke Josefa, ame olabâ kamen me je liamekeiny më, me ha gadrin hnyi hnyei Aigupito, hnyi kânâ ae hoso, hnyi hnyei Ramese, helâ me hna hûna hnö Farao.

Genese 47:11 ပူးပေါင်းရင်းမြစ်များ

Genese 46:34

me öbun e he ka ha, ka habe, Öhmun lathnyabaem hnyat tuö meno hwân hnyi hidröu a öhmun ke ne o but walang ang öhmun me lakamöhmun: mʼ öbun e he ka laba hnyi hnyei Gosena; anyin a at Aigupito adre me ikikiâ hnyat tnö mamoe.

Genese 47:27

Ke Isaraela ame laba hnyei Gosena, hnyi hnyei Aigupito; ke hu idrin eling, kʼ ödrin e hât me si gan hmâ.

Genese 47:6

waleû hnyei Aigupito hnyi hnyimâkâm; olabā ju kâmâm me je liamekeiny möu hnyi kânâ ae hoso; e so ödrin e laba hnyi hnyei Gosena: ke e ka khanö u ke je hnyat ae meta unyidrin, otilʼ ödrin dö he ka musi hnyi ta je hnahat a halek.

Esodo 1:11

Anyina wale, adre roe otilâ hudrin ta je tuhan hu-liwa, hnân he ka oveci ödra ge anyidrin ta je huliwa ae hmak. Ke adre me otilâ li hnyaba hobi kö Farao, Pithoma me Ramese, hnân ip omjeû hnyin.

Esodo 12:37

Ke haba lakon Isaraela adre me he ûhedra Ramase Sukotha ai, ame ne siks haded thauzan tavat adre he, kʼ adre ca aû bi ta je wanakat.

Isaia 22:24

Ke adre me he ka uhno hon e hmanenanginy hia lap anyin kamen, wale ta je mâtrân, me ta je wan, me ta je kaia hia ae ûhnyûkong, hwân ge je utkaia ke ne o but ta je kaia hia ae gan.

Numera 33:3

Adre me he ûheny Ramese hnyi tehi a bân hnyi bong a fiftininy tehi a bân: haba bong nyi hwaban paseka ame he but lakon Isaraela ge hnyam ae hwege hnyi hnyimakan at Aigupito hia,

Ioane 10:10

Ame ca o baû at venöu, ke so bi he ka venöu, me ûhlingö me ohia: oge me o but mʼ adre me he ka hu möt, kʼ adre me he ka hu gânâ.

Ioane 10:28

ke oge me ham ködra möt ame ca ba balua; ke adre me ca he ka mok nyiele balua, ke ba ke at ame he ka hûgûnʼ ödra ûnyi hnyi hnyamok.

Ioane 14:2

E se hia ta je hnyeule hnyi uma umo Cica; a ne ba mʼ oge hia but ha köbun; anyin oge me he but he ka ânyâwia hnobun.

Ioane 14:23

Iesu ame thu kâu, ka habe, A ne ke at ame hnyok könya, e ame he ka vheno hok hofuc: ke ame he Cica ka hnyok kâu, ke ohmu me he ka o kâu me tha laba mē.

Ioane 17:2

waleling u je hna e he ka muso tavat hia, me me he ka ham möt ame ca ba balua kodra hia u je ham kâu.

Ioane 17:24

Cica lö, haba wek, a gʼ me he ka tha ödra mönya bi hnyi hnök, tavat u je hia but ham könya; mʼ adre me be bi ka wâ anyik hmanenang, waleji u je hna könya; anyin a u je hnyok könya kâû adrem kʼ adre tiga ca bi taben hmeledrany.